សុខភាព

មូលហេតុ២នេះហើយ ទើបយុវវ័យឥឡូវឆាប់លើសខ្លាញ់ ឡើងឈាម ប្រឈមជំងឺទឹកនោមផ្អែម

បានផុស

២ ខែ មុន

នៅ

ថ្ងៃចន្ទ ៦ កញ្ញា ២០២១

ដោយ

សព្វថ្ងៃនេះ យើងសង្កេតឃើញថា ចំណីអាហារមានសម្បូរហូរហារ រីឯជំងឺក៏វាមានច្រើនតាមនោះដែរ។ ចំណែកយុវវ័យក្នុងសម័យនេះ ប្រឈមនឹងការកើតជំងឺមនុស្សចាស់ច្រើន នេះបើតាមការលើកឡើងរបស់លោកសាស្រ្តាចារ្យវេជ្ជបណ្ឌិត សេង សេរី ឯកទេសផ្នែកជំងឺទឹកនោមផ្អែម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកសាស្រ្តាចារ្យវេជ្ជបណ្ឌិត សេង សេរី បានឲ្យដឹងថា យុវវ័យឥឡូវឃើញថាមានជួបបញ្ហាសុខភាពដូចជា លើសឈាម លើសជាតិខ្លាញ់ និងទឹកនោមផ្អែមច្រើន គឺបណ្តាលមកពីមូលហេតុសាមញ្ញដែលមនុស្សជាច្រើនជួបប្រទះស្ទើរតែរាល់ថ្ងៃគឺ៖

ទី១. ភាពហូរហៀរនៃការហូបចុក

“ក្មេងៗឥឡូវអាយុត្រឹម២០ឆ្នាំឡើងអីទេ ចាប់ផ្តើមកើតជំងឺ ដែលពីមុនមានតែនៅលើមនុស្សចាស់ ដោយសារតែភាពសម្បូរចំណីអាហារដូចជាអាហារកញ្ចប់ ប៊ឺហ្គឺរ ភីហ្សា ហើយមាននូវភេសជ្ជៈកំប៉ុងច្រើនប្រភេទច្រើន ជម្រើសដែលបណ្តាលឲ្យមនុស្សឥឡូវឆាប់ធាត់ និងសុទ្ធតែជារបស់មិនល្អ ចំពោះសុខភាព”។

ទី២. កង្វះនូវពលកម្ម

Coronavirus: Singapore study finds overweight Asians three times as likely to need intensive care | South China Morning Post

យោងតាមការឲ្យដឹងពីលោកវេជ្ជបណ្ឌិត “ក្មេងៗឥឡូវអាយុត្រឹម២០ឆ្នាំឡើងអីទេ ចាប់ផ្តើមកើតជំងឺដែលពីមុនមានតែនៅលើមនុស្សចាស់ ដោយសារតែសម្បូរចំណីអាហារ ហើយម្នាក់ៗមិនព្រមហាត់ប្រាណបញ្ចេញញើស ជាតិកាឡូរីដែលមាននៅក្នុងខ្លួនទេ។ សម័យនេះម្នាក់ៗហូបច្រើនហើយដេក ដេកច្រើនហើយហូប ទៅណាទៅណីជិះតែម៉ូតូ ឡាន និយាយសាមញ្ញ គឺមនុស្សភាគច្រើនស្រួល ដេកស៊ីៗ។”

លោកសាស្រ្តាចារ្យ បានបន្តថា ផ្អែកលើមូលហេតុនេះហើយទើបវាធ្វើឲ្យក្មេងៗឥឡូវងាយប្រឈមនឹងជំងឺកាចៗច្រើនមុខ មិនមែនត្រឹមតែទឹកនោមផ្អែម ឬលើសឈាមទេ ហើយកត្តានៃក្មេងៗឈឺច្រើនអាចកាន់តែកើនឡើងនៅពេលអនាគត។ អ៊ីចឹងហើយ បើមិនចង់ឆាប់ឈឺទេ គួររកពេលទៅហាត់ប្រាណបញ្ចេញញើស ឬបើថាគ្មានពេលទេ គួររកធ្វើមធ្យោបាយអីធ្វើឲ្យចេញញើសខ្លះក្នុងមួយថ្ងៃ៕

អត្ថបទផ្ដល់សិទ្ធិ៖ Hello គ្រូពេទ្យ

ចុចអាន៖ សឹងតែ១០០% នៃអ្នកធាត់ គេចមិនរួចពីជំងឺរ៉ាំរ៉ៃមួយនេះទេ គ្រាន់តែយូរ ឬឆាប់

ចុចអាន៖ វិធីនិយាយកុំឲ្យស្រីៗជាសង្សារខឹង ខ្មាសអៀន ពេលប្រាប់ថាធាត់ឡើងគីឡូ

Related Topics:ការធាត់