វ៉ាក់សាំងមិនត្រឹម​ការពារ ស្ត្រីមានផ្ទៃពោះ ពីកូវីដទេ ថែមទាំងជារបាំងដល់សុក និងទារក

វិទ្យាស្ថានមេរោគល្អិត និងភាពស៊ាំវិទ្យារបស់ប្រទេសស្វីសបាននិយាយកាលពីថ្ងៃសុក្រថា ស្ត្រីមានផ្ទៃពោះត្រូវបានការពារប្រសើរជាងមុន ពីគ្រោះថ្នាក់ដល់សុក និងទារករបស់ពួកគេ នៅពេលដែលទទួលការចាក់វ៉ាក់សាំងការពារជំងឺកូវីដ ១៩ ។

យោងតាមការរកឃើញរបស់ក្រុមស្រាវជ្រាវនៃវិទ្យាស្ថាននេះបានឲ្យដឹងថា ជាការពិតកូវីដអាចចម្លង និងឆ្លងដល់កោសិកាសុករបស់មនុស្សបានយ៉ាងឆាប់រហ័ស បើស្រី្តមានផ្ទៃពោះមិនបានចាក់វ៉ាក់សាំង ។

អ្នកវិទ្យាសាស្ត្របានឲ្យដឹងទៀតថា ស្ត្រីមានផ្ទៃពោះគឺ ៧០ ភាគរយប្រឈមនឹងការឆ្លងច្រើនជាងមនុស្សផ្សេងទៀតពីក្រុមអាយុដូចគ្នា ជាមួយនឹងហានិភ័យនៃការវិវត្តន៍ធ្ងន់ធ្ងរកើនឡើងដល់ ១០ ភាគរយ ។ ជាពិសេសហានិភ័យនៃការសម្រាលមិនគ្រប់ខែ ឬការស្លាប់កូនកើនឡើង ២ ទៅ ៣ ដង ។

ជាចុងក្រោយ វិទ្យាស្ថានបានពន្យល់ថា “បច្ចេកវិទ្យា RNA នៅក្នុងវ៉ាក់សាំងមិនប៉ះពាល់ដល់ទារកនោះទេ ខណៈអង់ទីគ័រដែលត្រូវបានបង្កើតឡើងដោយម្តាយឆ្លងកាត់របាំងសុក ហើយនឹងការពារកុមារ” ៕

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ដំណឹងល្អមួយទៀតសម្រាប់ពិភពលោក ថ្នាំកូវីដរបស់ក្រុមហ៊ុន Pfizer កាត់បន្ថយការចូលមន្ទីរពេទ្យ និងស្លាប់ជិត ៩០ ភាគរយ