គួរត្បាល់ច្រមុះ ឬបំពង់ ក ងាយរកឃើញ អូមីក្រុង?

បច្ចុប្បន្នវីរុសបំប្លែងខ្លួនអូមីក្រុងនៅតែបន្តកើនឡើងពាសពេញពិភពលោកដែលនាំឲ្យមនុស្សធ្វើតេស្តរហ័សរកកូវីដនៅតាមផ្ទះ ឬកន្លែងផ្សេងដើម្បីកំណត់ថាតើពួកគេឆ្លងមេរោគឬអត់ ។

យោងតាមគេហទំព័រ Today.com អ្នកជំនាញនិយាយថា រដ្ឋបាលចំណីអាហារ និងឱសថអាមេរិក (FDA) នៅតែលើកទឹកចិត្តជនជាតិអាមេរិក និងពិភពលោកធ្វើតេស្តរកអូមីក្រុងតាមរយៈការត្បាល់ច្រមុះជាជាងការត្បាល់តាមបំពង់ក ។

លោក Jim McKinney អ្នកនាំពាក្យរបស់ទីភ្នាក់ងារបានប្រាប់សារព័ត៌មាន Today.com នៅក្នុងសេចក្តីថ្លែងការណ៍មួយថា “FDA បានកត់សម្គាល់ពីការព្រួយបារម្ភអំពីសុវត្ថិភាពទាក់ទងនឹងការត្បាល់បំពង់ក ព្រោះវាមានភាពស្មុគស្មាញជាងការត្បាល់ច្រមុះ ហើយប្រសិនបើប្រើមិនត្រឹមត្រូវអាចបណ្តាលឲ្យមានគ្រោះថ្នាក់ដល់អ្នកជំងឺ” ។

ចំណែកលោកវេជ្ជបណ្ឌិត Michael Mina អតីតជំនួយការសាស្ត្រាចារ្យផ្នែករោគរាតត្បាតនៅសាលាសុខភាពសាធារណៈ Harvard TH Chan ថ្មីៗនេះបានបង្ហោះសារថា អ្នកដែលឆ្លងអូមីក្រុងអាចឈឺកាន់តែលឿន បើយើងត្បាល់តែបំពង់ក មិនបានត្បាល់ពីច្រមុះ ដោយសារតែការលូតលាស់របស់វីរុសស្ថិតក្នុងច្រមុះនៅឡើយ ។

លោកបញ្ជាក់ថា “ប៉ុន្តែយើងអាចរកឃើញវីរុស នៅពេលដែលវាចាប់ផ្ដើមធ្លាក់ចុះទៅបំពង់ក ហើយមានភាគរយវិជ្ជមានច្រើនក្នុងការយកសំណាកតាមរយៈការត្បាល់បំពង់កនេះមានប្រសិទ្ធភាព” ៕

ប្រែសម្រួលដោយ ៖ ជីវ័ន្ត

ប្រភព ៖ Deseret

ចុចអាន ៖ មនុស្ស៥ប្រភេទនេះ មានហានិភ័យខ្ពស់អាចឈានដល់ស្លាប់ បើឆ្លង អូមីក្រុង