សុខភាព
វេជ្ជបណ្ឌិត មើក សាមាន៖ ការផ្តល់ឈាមធ្វើឱ្យមានសុខភាពល្អ និងជួយសង្គ្រោះជីវិតមនុស្សរាប់ម៉ឺននាក់
លោកស្រីវេជ្ជបណ្ឌិត មើក សាមាន អនុប្រធានមជ្ឈមណ្ឌលជាតិផ្តល់ឈាម បានលើកឡើងថា ការផ្តល់ឈាម អាចធ្វើឱ្យយើងមានសុខភាពល្អ ថែមទាំងបានជួយសង្រោះជីវិតអ្នកជំងឺជាច្រើននាក់ ក្នុងមួយថ្ងៃៗ នៅតាមមន្ទីរពេទ្យទូទាំងប្រទេស។ លោកស្រីវេជ្ជបណ្ឌិត ថ្លែងបែបនេះ នៅក្នុងកម្មវិធីបរិច្ចាគឈាមរបស់សមាគមសហគ្រិនវ័យក្មេងកម្ពុជា ក្រោមប្រធានបទ «បរិច្ចាកឈាមសង្គ្រោះជីវិត» នៅថ្ងៃទី ២៩ កក្កដា ឆ្នាំ ២០២២ នៅផ្សារទំនើបអូរឡាំព្យា។
អ្នកស្រីវេជ្ជបណ្ឌិត បញ្ជាក់ថា ការផ្តល់ឈាមពិតជាមានសារៈសំខាន់ណាស់ សម្រាប់តម្រូវការប្រចាំថ្ងៃនៅតាមមន្ទីរពេទ្យ ដើម្បីជួយសង្គ្រោះអ្នកជំងឺ។ ក្នុងមួយថ្ងៃៗ នៅទូទាំងប្រទេស មានតម្រូវការឈាមជិត ៦០០ប្លោក ក្នុងការសង្រ្គោះមនុស្ស។ ការផ្តល់ឈាមថែមទាំងបញ្ជាក់ថា អ្នកបរិច្ចាគ គឺមានសុខភាពល្អគ្រប់គ្រាន់ តាមរយៈការពិនិត្យរបស់គ្រូពេទ្យ មុននឹងបរិច្ចាគ។ នេះជាការបញ្ជាក់របស់លោកស្រីវេជ្ជបណ្ឌិត។
«ការពិនិត្យនេះ អាចឱ្យយើងដឹងអំពីស្ថានភាពជំងឺឆ្លងផ្សេងៗដូចជា ជំងឺថ្លើម ជំងឺស្វាយ ជំអេដស៍ជាដើម ហើយក៏ត្រូវបានរក្សាការសម្ងាត់ជូនផងដែរ»។
ជាលើកដំបូងក្នុងការបរិច្ចាគឈាម កញ្ញា ចរណៃ បានប្រាប់“កម្ពុជាថ្មី”ថា ការបូមឈាមនេះជាផ្នែក មួយជួយសង្គ្រោះជិវីតមនុស្ស ហើយកញ្ញាក៏សង្ឃឹមថា និងទទួលបានមកវិញនៅពេលដែលយើងត្រូវការឈាមចាំបាច់។
កញ្ញា ថោង ស៊ីណា ស្ម័គ្រចិត្តបរិច្ចាគឈាមលើកទី៣ យល់ឃើញថា ការបរិច្ចាគឈាមនេះ ធ្វើឱ្យសុខភាពល្អ សម្ពាធឈាមដើរស្រួល។ ជាមួយគ្នានោះ កញ្ញា ក៏បានណែនាំ មិត្តភក្តិឱ្យបានយល់ដឹងពីសារៈសំខាន់នៃការបរិច្ចាគឈាមផងដែរ។
អ្នកស្រីវេជ្ជបណ្ឌិត មើក សាមាន បានលើកពាក្យស្លោកមួយថា «ក្នុងបេះដូងយើងគ្រប់គ្នា នឹងធ្វើឱ្យឈាមមិនមានតម្លៃសូម្បីតែ ១ដុល្លារ តែមានតម្លៃសង្គ្រោះជីវិតអ្នកជំងឺ» ។ កាលណាមានការចូលរួមបរិច្ចាគច្រើន ដោយស្ម័គ្រចិត្តពីសំណាក់សាធារណជនជារៀងរាល់ឆ្នាំ នោះនឹងធ្វើឱ្យមន្ទីរពេទ្យមានឈាមគ្រប់គ្រាន់ក្នុងការផ្គត់ផ្គង់ ដូចនេះមិនចាំបាច់ទិញលក់ឈាមនោះទេ។អ្នកស្រីបញ្ជាក់ដូច្នេះថា «យើងគ្រប់គ្នាជារោងចក្រផលិតផលិតផលឈាមគ្រប់គ្រាន់» ព្រោះថា ឈាមគឺមិនអាចផលិតបានឡើយក្រៅពីមនុស្ស។ ដូចនេះ មនុស្ស គឺជារោងចក្រផលិតដ៏សំខាន់។
សូមបញ្ជាក់ថា មជ្ឈមណ្ឌលជាតិផ្តល់ឈាមបានគ្របដណ្តប់ជាង៧០%នៃការផ្គត់ផ្គង់ឈាមទូទាំង ប្រទេស។ នៅក្នុងឆ្នាំ ២០២២ នេះមន្ទីរពេទ្យត្រូវការឈាមមួយប្លោក ដើម្បីសង្គ្រោះជីវិតអ្នកជំងឺរៀងរាល់ ៦នាទីម្តង។បើគិតជាតម្រូវការប្រចាំថ្ងៃនៅទូទាំងប្រទេស គឺត្រូវការឈាមប្រមាណជិត ១០ម៉ឺនប្លោក ក្នុង មួយឆ្នាំ។ ចំណេកឯមន្ទីរពេទ្យក្នុងក្រុងភ្នំពេញ ក្នុងមួយថ្ងៃត្រូវការឈាមសរុបជាង ២០០ប្លោក។ សម្រាប់ ការបរិច្ចាគឈាមឆ្នាំនេះ លើសពីឆ្នាំមុនជិត ២០% បើធៀបនឹងរយៈពេលដូចគ្នា ឆ្នាំ ២០២១។
បើតាមទិន្នន័យអង្គការសុខភាពពិភណលោក ការបរិច្ចាកឈាមដោយស្ម័គ្រចិត្តនៅក្នុងប្រទេស គឺឆ្លើយ តបតាម តម្រូវការបានតែ ១០ភាគរយប៉ុណ្ណោះ ខណៈប្រទេសជិតខាងរបស់យើង ការបរិច្ចាក ឈាម ដោយ ស្ម័គ្រចិត្តអាចផ្គត់ផ្គង់បានរហូតដល់លើសពី ៩០ភាគរយនៃតម្រូវការ៕ អត្ថបទ៖ នាង រតនៈ
-
កីឡា៧ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង