KPT+

ចង់ឲ្យកូនចូលចិត្តអានសៀវភៅ ប៉ាម៉ាក់ត្រូវដឹង ៨ ចំណុចនេះ

បានផុស

៥ years មុន

នៅ

ថ្ងៃចន្ទ ២៤ ឧសភា ២០២១

ដោយ

Sonya

ការអានសៀវភៅអាចជួយដល់កូនរបស់យើងបានច្រើនទាំងផ្នែកប្រាជ្ញា និងស្មារតី ប៉ុន្តែក្មេងមួយចំនួនអាចនឹងមិនមានចំណាប់អារម្មណ៍ទៅលើការអាន។ នេះមិនមែនជាបញ្ហាទេ ប៉ាម៉ាក់អាចជួយកូនឲ្យចូលចិត្តអានសៀវភៅបាន។

១. អានឲ្យកូនស្តាប់តាំងពីតូច

ការអានឲ្យកូនស្តាប់តាំងពីតូចអាចជួយឲ្យកូនស៊ាំនឹងការអានសៀវភៅ។ ប៉ាម៉ាក់អាចបង្កើតទម្លាប់នៃការអានសៀវភៅដោយជ្រើសរើសការអានឲ្យកូនស្ដាប់មុនពេលចូលគេង ឬក្រោយអាហារពេលល្ងាច។ យកល្អគួរបង្កើតទម្លាប់នៃការអានឲ្យកូនស្តាប់នេះជារៀងរាល់ថ្ងៃ។

២. ជួយរក្សាចំណាប់អារម្មណ៍កូនទៅលើសៀវភៅដែលកំពុងអាន

Reading aloud to kids: Cognitive benefits | Parenthub

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម្បីជួយរក្សាចំណាប់អារម្មណ៍កូនទៅលើសៀវភៅដែលពួកគេកំពុងអាន ប៉ាម៉ាក់អាចសួរសំណួរទាក់ទងទៅនឹងសាច់រឿងរបស់សៀវភៅ។ ការសួរសំណួរមិនត្រឹមតែជួយរក្សាចំណាប់អារម្មណ៍របស់កូនទេ ប៉ុន្តែនៅអាចធ្វើឲ្យប៉ាម៉ាក់ដឹងពីកម្រិតនៃការយល់របស់កូនបានទៀត។ ការពិភាក្សាជាមួយកូនពីអ្វីដែលពួកគេកំពុងអានអាចជួយបណ្ដុះ IQ និងណែនាំកូនគិតទៅលើអត្ថបទណាដែលពិបាក។

៣. រកកន្លែងស្ងាត់ឲ្យកូនអាន

kid | Kids reading books, Asian kids, Kids reading

ប៉ាម៉ាក់គួររកកន្លែងដែលស្ងាត់មិនមានការរំខាន់ផ្សេងៗសម្រាប់កូនក្នុងការអាន។ ម៉្យាងទៀត ប៉ាម៉ាក់អាចកំណត់ពេលមិនឲ្យកូនប្រើគ្រឿងអេឡិចត្រូនិច និងងាកមកផ្ដោតលើការអានវិញ។ ការកំណត់នេះអាចក្នុងអំឡុងពេលចុងសប្ដាហ៍ដែលអនុញ្ញាតឲ្យកូនអានសៀវភៅ ឬធ្វើសកម្មភាពផ្សេងៗដែលមិនទាក់ទងនឹងការប្រើប្រាស់គ្រឿងអេឡិចត្រូនិច។

៤. ផ្តល់រង្វាន់ដល់កូនពេលអាន

What to do if my child prefers to speak to me in English than in Chinese?

កូនក្មេងតែងចង់ធ្វើអ្វីមួយដែលប៉ាម៉ាក់មិនអនុញ្ញាតឲ្យធ្វើដូចជាការចូលគេងយប់។ ប្រសិនជាប៉ាម៉ាក់អនុញ្ញាតឲ្យពួកគេចូលគេងយឺតប៉ុន្តែពួកគេត្រូវចំណាយបន្ថែមក្នុងការអានសៀវភៅ នោះកូននឹងជ្រើសរើសយកការអាននេះដើម្បីធ្វើអ្វីដែលត្រូវបានហាមឃាត់មិនឲ្យធ្វើ។ បន្ថែមពីនេះទៀត ប៉ាម៉ាក់អាចផ្តល់រង្វាន់ដល់កូននៅពេលពួកគេបំពេញកិច្ចការអ្វីមួយដោយការអានជាមួយគ្នា។

៥. ធ្វើជាគំរូដល់កូន

Asian Toddler Girl Reading A Book At Home by Take A Pix Media - Child, Cute

វិធីដែលល្អគឺធ្វើជាគំរូដល់កូនដោយធ្វើសកម្មភាពនោះដោយខ្លួនឯង។ ពេលកូនឃើញ កូននឹងធ្វើត្រាប់តាម ដូចនេះវិធីនេះអាចជំរុញឲ្យកូនអានបាន។ ប៉ាម៉ាក់ក៏អាចអានជាមួយកូនបានដែលនេះជួយដល់ទំនាក់ទំនងរវាងប៉ាម៉ាក់ និងកូនទៀតផង។

៦. កុំបង្ខំកូនឲ្យអាន

family reading father asian 03C06449 copy - Maren Schmidt

បើប៉ាម៉ាក់បង្ខំកូនឲ្យអាន នោះការអានសៀវភៅនឹងក្លាយជាសកម្មភាពដ៏តានតឹងសម្រាប់កូន ជាពិសេសអំឡុងពេលកូនស្ថិតក្នុងវ័យក្មេង។ កូនត្រូវការពេលវេលាដើម្បីស៊ាំទៅនឹងទម្លាប់ថ្មីនេះ ដូចនេះប៉ាម៉ាក់ត្រូវមានភាពអត់ធ្មត់។

៧. ជ្រើសរើសសៀវភៅឲ្យកូន

ដើម្បីជំរុញឲ្យកូនអានសៀវភៅ ប៉ាម៉ាក់គួរជ្រើសរើសសៀវភៅដែលមានចំណងជើងគួរឲ្យចាប់អារម្មណ៍។ ប៉ាម៉ាក់អាចចាប់ផ្ដើមជាមួយនឹងសៀវភៅសំណើចដែលនេះធ្វើឲ្យកូនចង់អានបន្ត ឬសៀវភៅទាក់ទងនឹងសត្វ និងរុក្ខជាតិជាដើម។

៨. អនុញ្ញាតឲ្យកូនជ្រើសរើសសៀវភៅដោយខ្លួនឯង

Asian Kid Reading Book Images | Free Vectors, Stock Photos & PSD

កូនអាចនឹងមានចំណង់ចំណូលចិត្តផ្ទាល់ខ្លួនរបស់ពួកគេ ដូចនេះគួរឲ្យពួកគេជ្រើសរើសសៀវភៅដោយខ្លួនឯងទោះបីជាប៉ាម៉ាក់មិនចូលចិត្តក៏ដោយ។ ការធ្វើបែបនេះជួយឲ្យការអានរបស់កូនមានភាពងាយស្រួល ហើយការពិភាក្សាក៏កាន់តែមានចំណាប់អារម្មណ៍។ ទោះបីជាកូនចូលចិត្តអានសៀវភៅដដែលៗក៏ដោយ គួរកុំបង្ខំកូនឲ្យដូរសៀវភៅព្រោះយូរទៅពួកគេនឹងដូរសៀវភៅថ្មីដោយខ្លួនឯង៕

អត្ថបទផ្ដល់សិទ្ធិ៖ Hello គ្រូពេទ្

ចុចអាន៖ កូនចេះតមាត់ ឪពុកម្ដាយប្រើតិចនិកនេះអប់រំ ល្អជាងវាយ ឬស្រែកដាក់

ចុចអាន៖ ជំងឺរលាកសួតលើកុមារ គ្រោះថ្នាក់ណាស់! ចុះធ្វើម៉េចអាចដឹងកូនកំពុងរលាក?