KPT+

បើដឹងខ្លួនថាមកពីកន្លែងផ្ទុកវីរុសកូវីដ សូមប្រញាប់ធ្វើរឿងនេះភ្លាមៗ

បានផុស

៥ years មុន

នៅ

ថ្ងៃសុក្រ ៣០ កក្កដា ២០២១

ដោយ

សាង ស្រីល័ក្ខ

ប្រសិនបើអ្នកចេញទៅខាងក្រៅ មិនថាទៅទីជិតឬឆ្ងាយឡើយ ចូរធ្វើបែបនេះភា្លមៗ ដើម្បីការពារវីរុសកូវីដ ដែលកំពុងរាតត្បាតសព្វថ្ងៃនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមការស៊ើបអង្កេតលើជំងឺនេះ ចំពោះអ្នកដែលឆ្លងមេរោគ ត្រូវបានគេកត់សម្គាល់ថា ជាបុគ្គលដែលឆ្លងមិនអាចកំណត់អត្តសញ្ញាណ ឬប្រភពនៃការឆ្លងបានច្បាស់លាស់ទេ។ ដូច្នេះនាយកដ្ឋានត្រួតពិនិត្យជំងឺបានផ្ដោតលើការការពារ បន្ទាប់ពីចេញក្រៅនិងចូលលំនៅឋាន តាមដែលអាចធ្វើទៅបាន។ ជាពិសេសដើម្បីឲ្យផ្ទះឬកន្លែងស្នាក់នៅជាតំបន់ដែលមានសុវត្ថិភាព និងមិនបារម្ភថា ខ្លួនក្លាយជាជនចម្លងទៅកាន់ឪពុកម្ដាយ ជីដូនជីតា និងក្មេងៗឡើយ។

១ ប្រញាប់បាញ់អាកុលលើដៃម៉ូតូឬរថយន្ត ជារួមគឺយានជំនិះដែលយើងប្រើជាមធ្យោបាយធ្វើដំណើរ និងបើអាចសូមលាងសម្អាតជាសាប៊ូឬថ្នាំសម្លាប់មេរោគ។ សម្រាប់រថយន្តសូមជូតសម្អាតទ្វារឡាន និងផ្នែកខាងក្នុងរថយន្តដូចជា កៅអី ដៃចង្កូត ប៊ូតុង ម៉ាស៊ីនត្រជាក់ វិទ្យុ។ ល។

២ ដោះស្បែកជើងរបស់អ្នកទុកនៅខាងក្រៅផ្ទះសិន ឬនៅខាងក្រៅបន្ទប់។ ការពារមេរោគតោងជាប់ស្បែកជើងរបស់យើង។

៣ ម៉ាសត្រូវដោះចេញ ហើយដាក់ក្នុងថង់ចងមាត់ឲ្យជិតតាមការណែនាំ និងបោះវានៅក្នុងធុងសំរាមដែលមានគម្របដាច់ដោយឡែក។

៤ ជូតសម្អាតកាបូបទូរសព្ទខ្សែដៃ វ៉ែនតា កូនសោម៉ូតូ ឬឡាន ជាមួយថ្នាំសំលាប់មេរោគឬអាកុលនិងជែល។

៥ លាងសម្អាតដៃជាមួយសាប៊ូ ឲ្យបានយ៉ាងហោចណាស់ ២០ វិនាទី សិនចាំសម្អាតជាមួយទឹកស្អាត។

៦ ជៀសវាងការប៉ះរបស់របរក្នុងផ្ទះ ឬអង្គុយលើកៅអី សាឡុង មុនពេលងូតទឹក។

៧ កុំប៉ះសត្វចិញ្ចឹម ឬបុគ្គលក្នុងផ្ទះមុនពេលងូតទឹក។

៨ ដោះសំលៀកបំពាក់ដែលអ្នកស្លៀកនៅខាងក្រៅផ្ទះ ហើយដាក់ដាច់ដោយឡែកពីសំលៀកបំពាក់ដែលអ្នកពាក់នៅក្នុងផ្ទះ។

៩ ងូតទឹកកកក់សក់របស់អ្នកភ្លាមៗ កុំបង្អង់យូរ។

១០ នៅពេលបរិភោគអាហារជាមួយសមាជិកក្នុងផ្ទះ សូមប្រើស្លាបព្រាចំលង។

ការអនុវត្តទាំង ១០ នេះ នឹងបំពេញបន្ថែមវិធានការរបស់រដ្ឋាភិបាលបានយ៉ាងល្អ ជាពិសេសគឺយុវវ័យតែម្ដង។ សូមកាត់បន្ថយការចេញទៅខាងក្រៅដោយមិនចាំបាច់ និងថែរក្សាសុខភាពអ្នករស់នៅក្នុងផ្ទះជាមួយឲ្យបានល្អបំផុត៕

ប្រែសម្រួល៖ សាង ស្រីល័ក្ខ

ចុចអាន៖អ្នកមានហានិភ័យទាបនិងខ្ពស់នៃករណីឆ្លងកូវីដ គួរធ្វើយ៉ាងម៉េច ក្រោយប៉ះពាល់ជាមួយអ្នកជំងឺ

ចុចអាន៖ដុកទ័រណែនាំ ៤ ចំណុចសំខាន់ៗ ត្រូវតែមានក្នុងផ្ទះដាច់ខាត ខណៈបម្រាមគោចរត្រូវបានដាក់ម្ដងទៀត

ចុចអាន៖គ្រោះថ្នាក់ស្នាក់នៅផ្ទះយូរ! យុវវ័យគួរបង្រៀនចាស់ៗធ្វើលំហាត់ប្រាណ បង្កើនភាពស៊ាំទប់ទល់កូវីដ