KPT+

កាហ្វេដែលនិយមផឹក ក៏អាចបង្ហាញពីអត្តចរិត ថា អ្នកជាមនុស្សប្រភេទណាដែរ

បានផុស

២ years មុន

នៅ

ថ្ងៃពុធ ៤ ឧសភា ២០២២

ដោយ

ការនិយមផឹកកាហ្វេ ក៏អាចបង្ហាញពីបុគ្គលិកលក្ខណៈរបស់អ្នកបានដែរ។ នោះហើយជាមូលហេតុ ដែលមនុស្សមានរសជាតិខុសគ្នា នៅក្នុងកាហ្វេរបស់ពួកគេ។

ខាងក្រោមនេះ គឺអត្តចរិតពិតរបស់អ្នកនិយមផឹកកាហ្វេទាំង ៨ ប្រភេទ ៖

១ កាហ្វេទឹកដោះគោ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកចូលចិត្តកាហ្វេទឹកដោះគោ គឺជាមនុស្សស្មោះត្រង់ ឬអាចជាមនុស្សស្អាតស្អំនៅខាងក្នុងចិត្ត។ ប៉ុន្តែមួយវិញទៀត អ្នកជាប្រភេទមនុស្សដែលចូលចិត្តធ្វើអ្វីដោយឯកឯង មិនរញ៉េរញ៉ៃជាមួយអ្នកដទៃ។ អ្នកតែងព្យាយាមធ្វើឲ្យមានតុល្យភាពរវាងផ្នែកឡូជីខល និងច្នៃប្រឌិតជានិច្ច។

២ កាហ្វេខ្មៅ

មនុស្សប្រភេទនេះមិនចូលចិត្តការស្លៀកពាក់បែបឆើតៗនោះទេ ហើយចូលចិត្តបរិយាកាសស្ងប់ស្ងាត់ និងតែងរីករាយជាមួយជីវិតបច្ចុប្បន្ននេះខ្លាំង។

៣ កាហ្វេ Frappuccino

អ្នកមិនចូលចិត្តអ្វីដែលបានគ្រោងទុក ហើយចូលចិត្តជជែកកម្សាន្តកែអផ្សុកជាមួយមនុស្សជុំវិញខ្លួនផងដែរ។ មនុស្សនេះក៏មានស្មារតីសង្គមខ្ពស់ មិនធម្មតាដែរ។

៤ កាហ្វេ Cappuccino

នៅពេលសួរអំពីគំនិត វាហាក់ដូចជាខួរក្បាលរបស់អ្នក បានប្រមូលផ្តុំគំនិតរាប់ពាន់។ អ្នកគឺជាមនុស្សល្អឥតខ្ចោះ ហើយចូលចិត្តបង្ហាញរបស់ដែលទាន់សម័យ។ អ្នកក៏ជាមនុស្សរួសរាយរាក់ទាក់ និងមានមិត្តភ័ក្ដិច្រើនដែរ។

៥ កាហ្វេ Latte

សូម្បីតែនៅក្នុងលក្ខខណ្ឌនៃការសម្រេចចិត្ត អ្នកអាចធ្វើវាបានដោយចៃដន្យ។ អ្នកក៏ចូលចិត្តបញ្ចេញស្នាមញញឹម និងបំបែកបរិយាកាសតានតឹង ឲ្យប្រែជាអ៊ូអរឡើងវិញ។ មនុស្សនេះ សំបូរញាតិចូលមកចរចាច្រើនឥតដាច់ ជាពិសេសក៏មានអ្នកស្រលាញ់ច្រើនផងដែរ។

៦ កាហ្វេ Espresso

អ្នកជាមនុស្សសាមញ្ញ និងស្ងប់ស្ងាត់ក្នុងការធ្វើអ្វីគ្រប់យ៉ាង។ ប្រសិនបើមានបញ្ហា អ្នកដឹងពីរបៀបដោះស្រាយវាដោយវិធីត្រជាក់។ មិនចម្លែកទេ ដែលអ្នកត្រូវបានមនុស្សជាច្រើនកោតសរសើរអ្នកមករហូត។

៧ កាហ្វេ Double espresso

មនុស្សប្រភេទនេះ និយមបញ្ចប់ការងារដោយស្ថានភាពតានតឹងបន្តិច តែជម្នះធ្វើវាឲ្យចប់។ អ្នកក៏ចូលចិត្តទិសដៅលឿននិងដល់ចំណុចមួយល្អផងដែរ។

៨ កាហ្វេចម្រុះ

កាហ្វេបែបនេះ មានភាពងាយស្រួលក្នុងការទទួលបាន ជាពិសេសជាមួយនឹងកន្លែងដែលមានតាមអ៊ីនធឺណិតគ្រប់គ្រាន់។ ជាធម្មតា អ្នកចូលចិត្តកាហ្វេទាំងនេះ គឺជាមនុស្សដែលធ្វើតាមតែនិន្នាការ មិនមែនជាអ្នកដែលចូលចិត្តកាហ្វេនោះទេ៕

ចុះអ្នកវិញ តើចូលចិត្តកាហ្វេប្រភេទណា?

ប្រែសម្រួល៖ សាង ស្រីល័ក្ខ

ចុចអាន៖៧ វិធី ទទួលបានអត្ថប្រយោជន៍ពីការផឹកកាហ្វេ និងមិនប៉ះពាល់ដល់រាងកាយ

ចុចអាន៖កាហ្វេស្វាងងងុយមែន តែបើផឹកច្រើនពេក នឹងជួបជំងឺ ៥ មុខនេះ រហូតដល់ស្លាប់បាន