KPT+
មកដឹងការពិតកាន់តែច្បាស់ ១០ ចំណុច ពីជំងឺអូទីស្សឹម
បច្ចុប្បន្នឪពុកម្ដាយមានការបារម្ភចំពោះវិបត្តិជំងឺអូទីស្សឹមដែលអាចកើតលើកូនក្នុងផ្ទៃជាខ្លាំងដោយសារតែជំងឺនេះមិនអាចដឹងមុនតាមរយៈមើលអេកូបានទេ ណាមួយការមើលថែកូនៗអូទីស្សឹមក៏ពិបាកដែរ ពួកគាត់ត្រូវការការមើលថែជាពិសេសខុសពីកុមារដទៃ ។ ខាងក្រោមនេះជាការពិតមួយចំនួន ដែលយើងគួរយល់ដឹងពីជំងឺអូទីស្សឹម ៖
១. ការរាតត្បាត
ជំងឺអូទីស្សឹមរាតត្បាតក្មេងម្នាក់ក្នុងចំណោម ៦៨ នាក់ ក្នុងនោះក្មេងប្រុសមានឱកាសកើតជំងឺអូទីស្សឹមជាងក្មេងស្រី។
២. ឈ្មោះជំងឺ
ពាក្យ “អូទីស្សឹម” ដំបូងត្រូវបានប្រើប្រាស់ដោយគ្រូពេទ្យវិកលចរិត Eugen Bleuler ក្នុងឆ្នាំ ១៩០៨ ដើម្បីពណ៌នាអំពីអ្នកជំងឺវិកលចរិតដែលមានអាកប្បកិរិយាដកខ្លួនចូលទៅរស់នៅក្នុងពិភពផ្សេងទៀតម្នាក់ឯង ។
៤. ការព្យាបាល
បច្ចុប្បន្នជំងឺនេះមិនមានថ្នាំព្យាបាលនៅឡើយទេ ប៉ុន្តែយើងអាចបង្រៀនឲ្យអ្នកជំងឺចេះធ្វើសកម្មភាពប្រចាំថ្ងៃដោយខ្លួនឯងបានដូចជា ស្លៀកពាក់ ញ៉ាំបាយ និងរៀបចំខ្លួនជាដើម ។
៥. ការចំណាយ
សមាជិកគ្រួសារដែលមានជំងឺនេះត្រូវការចំណាយប្រាក់ជាមធ្យម ៦០០០០ ដុល្លារក្នុងមួយឆ្នាំ និងចន្លោះ ១.៤ លានដុល្លារ ទៅ ២.៤ លានដុល្លារក្នុងមួយជីវិត ។
៦. កូនភ្លោះ
ក្នុងករណីកូនម្នាក់ក្នុងចំណោមកូនភ្លោះពិតមានជំងឺអូទីស្សឹមមែន ម្នាក់ទៀតអាចនឹងមានជំងឺអូទីស្សឹមពី ៦០ ទៅ ៩៦ ភាគរយ ប៉ុន្តែបើម្នាក់ក្នុងចំណោមកូនភ្លោះមិនកើតអូទីស្សឹម ម្នាក់ទៀតមានឱកាសកើតត្រឹមតែ ២៤ ភាគរយប៉ុណ្ណោះ ។
៧. ជំងឺបន្ទាប់បន្សំ
១០ ភាគរយនៃក្មេងអូទីស្សឹមមានបញ្ហាហ្សេន សរសៃប្រសាទ ឬមេតាបូលីសផងដែរ ។
៨. សមត្ថភាពអ្នកជំងឺ
បុគ្គលដែលមានជំងឺអូទីស្សឹមអាចមានភាពច្នៃប្រឌិតខ្ពស់ ឆាប់ស្វែងរកចំណង់ចំណូលចិត្តឃើញ និងមានទេពកោសល្យខាងតន្ត្រី ល្ខោន សិល្បៈ របាំ និងការច្រៀងដ៏ពូកែ ។
៩. បុគ្គលល្បីមានជំងឺអូទីស្សឹម
អ្នកប្រាជ្ញ អាល់បឺតអែនស្ទែន, អ៊ីសាក់ញូវតុន, និងអេនឌីវ៉ាហូលសុទ្ធតែមានជំងឺអូទីស្សឹម ។
១០. ភាគរយអ្នកជំងឺធ្ងន់ធ្ងរ
៣៥ ភាគរយនៃមនុស្សពេញវ័យដែលមានជំងឺអូទីស្សឹមមិនទាន់មានការងារធ្វើ ឬរៀនបន្តសោះ នេះជាបញ្ហាធំក្នុងជីវិតរបស់គាត់ ។
គួររំលឹកថាជំងឺអូទីស្សឹមគឺជាជំងឺមិនអាចព្យាបាលបានទេ ដូច្នេះឪពុកម្ដាយដែលមានកូនអូទីស្សឹមគប្បីយកចិត្តទុកដាក់បង្រៀនគាត់ពីការមើលថែខ្លួនឯងជាប្រចាំថ្ងៃ និងការងារសំខាន់ៗសម្រាប់ជីវិតវិញទើបជាការប្រសើរ ៕
ប្រែសម្រួល ៖ វារី
-
ព័ត៌មានជាតិ១ ថ្ងៃ agoសមត្ថកិច្ចឃាត់ខ្លួនជនសង្ស័យជនជាតិថៃ២នាក់និងខ្មែរម្នាក់ ករណីជួញដូរសារធាតុញៀន
-
ព័ត៌មានអន្ដរជាតិ៦ ថ្ងៃ agoខេត្ត Kochi នៅជប៉ុនផ្តល់ប្រាក់ ១២៥ដុល្លារឲ្យអ្នកនៅលីវ ចំណាយលើការណាត់ចួបបង្កើតស្នេហា
-
ព័ត៌មានជាតិ៧ ថ្ងៃ agoទេសចរគួរដឹងអ្វីខ្លះ ពេលទៅកម្សាន្តតំបន់អេកូទេសចរណ៍រ៉ាមសារសម្រស់កោះហានក្នុងខេត្តស្ទឹងត្រែង?
-
ព័ត៌មានអន្ដរជាតិ១ សប្តាហ៍ agoត្រាំ ពន្លះ WSJ ថា ជាសារព័ត៌មានវង្វេងផ្លូវ និងជាកាកសំណល់នយោបាយ
-
ព័ត៌មានជាតិ៥ ថ្ងៃ agoតំណាងអយ្យការសម្រេចចោទប្រកាន់លោកផ្កាយបីនិងលោកផ្កាយពីរ រួមអ្នកពាក់ព័ន្ធ៤នាក់ផ្សេងទៀត
-
ព័ត៌មានអន្ដរជាតិ៧ ថ្ងៃ agoវិមានក្រឹមឡាំង៖ ពូទីន ត្រៀមជួបហ្សេលេនស្គី ទាល់តែមានការចុះហត្ថលេខាលើកិច្ចព្រមព្រៀងសន្តិភាព
-
ព័ត៌មានជាតិ៧ ម៉ោង agoទាហានថៃបាញ់កាំភ្លើង៩គ្រាប់ មុខអនុព័ន្ធយោធាអាម៉េរិក ចិន រុស្ស៊ី ជប៉ុន ដែលចុះសង្កេតការណ៍នៅអូរស្មាច់
-
សន្តិសុខសង្គម៥ ថ្ងៃ agoតុលាការខេត្តកំពត បង្គាប់ឲ្យឃុំខ្លួនមន្ត្រីនគរបាលដែលគប់កែវស្រាលើអ្នកចាប់ទឹកកកដាក់ពន្ធនាគារ