Connect with us

វប្បធម៌ ជំនឿ

ល្បែងប្រជាប្រិយខ្មែរបង្កើតភាពស្និទ្ធស្នាល និងចូលរួមអភិរក្សវប្បធម៌ខ្មែរ

បានផុស

នៅ

ខណៈពិធីបុណ្យចូលឆ្នាំថ្មីប្រពៃណីជាតិខ្មែរ កាន់តែខិតជិតចូលមកដល់យុវជនយុវនារីមួយចំនួនយល់ថា ការចូលរួមលេងល្បែងប្រជាប្រិយខ្មែរអាចបង្កើតនូវភាពសប្បាយរីករាយ ភាពស្និទ្ធស្នាល ពិសេសចូល រួមអភិរក្សវប្បធម៌ខ្មែរ ដែលបានបន្សល់ទុកមកពីដូនតា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ដុង វណ្ណៈ  ដែលបានចូលរួមក្នុងការរៀបចំសង្ក្រាន្ត វិទ្យាស្ថានពាណិជ្ជសាស្ត្រអេស៊ីលីដា បានបង្ហាញអារម្មណ៍រីករាយ ដែលចូលរួមមកលេងកម្សាន្ត កម្មវិធីសង្ក្រាន្តនេះ និងពិតជារំភើប ដែលកម្មវិធីលេងល្បែងប្រជាប្រិយខ្មែរ ក៏ដូចជាជួយអភិរក្សវប្បធម៌ខ្មែរឲ្យក្មេងជំនាន់ក្រោយបានស្គាល់។

រីឯលោក សំភ័ស្ត មីងស៊ុង បានបង្ហាញអារម្មណ៍សប្បាយរីករាយ និងអរគុណយ៉ាងខ្លាំង ដែលវិទ្យាស្ថាន បានប្រារព្ធពិធីសង្ក្រាន្តឆ្នាំថ្មី ដើម្បីឲ្យសិស្សនិស្សិតយល់ដឹងពីល្បែង​ប្រជាប្រិយខ្មែរក៏ដូចជាបង្កើន​ភាពស្និទ្ធស្នាលជាមួយគ្នា។

ដោយឡែក កញ្ញា សុខ សម្ភស្ស  ជានិស្សិតឆ្នាំទី២ នៃវិទ្យាស្ថានពាណិជ្ជសាស្ត្រ អេស៊ីលីដា បានលើកឡើងថា ខ្លួនពិតជាសប្បាយចិត្តយ៉ាងខ្លាំងសម្រាប់វិទ្យាស្ថាន ដែលបានប្រារព្ធពិធីសង្ក្រាន្តរួមទាំងមានលេងល្បែងប្រជាប្រិយ ដើម្បីចូលរួមអប់រំ និងថែរក្សាវប្បធម៌ អរិយធម៌ខ្មែរយើងថែមទាំងបានបញ្ចេញពីសមត្ថភាព ក្នុងការលក់ដូរថែមទៀតផង។

នៅថ្ងៃទី០៧ ខែមេសា ឆ្នាំ២០២៣ វិទ្យាស្ថានពាណិជ្ជសាស្ត្រ អេស៊ីលីដា បានប្រារព្ធពិធីសង្ក្រាន្តឆ្នាំថ្មី និងលេងល្បែងប្រជាប្រិយ ដើម្បីសិស្សនិស្សិតជួយថែរក្សា អភិរក្សនិងយល់ឲ្យកាន់តែច្បាស់ពីល្បែងប្រជាប្រិយ ដែលជាកេរ្តិ៍ ដំណែលពីដូនតា។

ក្នុងឱកាសនោះលោកបណ្ឌិត ផុន ណារិន នាយកវិទ្យាស្ថាន បានថ្លែងថា គោលបំណងដែលវិទ្យាស្ថានពាណិជ្ជសាស្ត្រ អេស៊ីលីដា ប្រារព្ធពិធីសង្ក្រាន្តចូលឆ្នាំថ្មីប្រពៃណីជាតិខ្មែរ និងបង្កើតជាល្បែងប្រជាប្រិយគឺចង់រំលឹកវប្បធម៌​ប្រពៃណីនៃព្រះរាជាណាចក្រកម្ពុជា ក៏ដូចជាក្នុងន័យអប់រំមួយ និងចង់បង្ហាញដល់សិស្សនិស្សិត​ឲ្យចងចាំប្រពៃ​ណីជាតិខ្មែរ។

ក្នុងនោះ វិទ្យាស្ថាន អេស៊ីលីដា មានបង្កើតល្បែងប្រជាប្រិយ ជាច្រើនដូចជា ចោលឈូង លាក់កន្សែង ទាញព្រ័ត្រ បោះអង្កុញ វាយក្អមជាដើម និងមានជាច្រើនថែមទៀត។ ក្រៅពីនោះ វិទ្យាស្ថានពាណិជ្ជសាស្ត្រ ក៏បានបើកទូលំទូលាយ​ដល់ភ្ញៀវ ដែលចង់ចូលរួមលេងកម្សាន្ត និងដូចជាអ្នកអាជីវករ និងសិស្សនិស្សិត ដែលចង់​បញ្ហាញពី​សមត្ថភាព​ក្នុងលក់ដូរផលិតផលក្នុងពិធី សង្ក្រាន្តបានផងដែរ៕

អត្ថបទ៖ សុខា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៦ នាទី មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ១ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ១ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង២ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ៤ ម៉ោង មុន

UPDATE៖ ករណីឡានទំនើបបុកម៉ូតូ បណ្តាលឱ្យបុរសម្នាក់ស្លាប់ គ្រួសាររងគ្រោះប្ដឹងឱ្យសមត្ថកិច្ចជួយរកយុត្តិធម៌

Sokha Hotels

ព័ត៌មានពេញនិយម