KPT+

នាឡិកាដៃរបស់អធិរាជចុងក្រោយប្រទេស ចិន បំបែកកំណត់ត្រាដេញថ្លៃខ្ពស់បំផុត

បានផុស

១ នាទី មុន

នៅ

ថ្ងៃពុធ ២៤ ឧសភា ២០២៣

ដោយ

នាឡិកាដែលធ្លាប់ជារបស់អធិរាជចុងក្រោយនៃរាជវង្ស Qing ត្រូវបានគេដាក់ដេញថ្លៃក្នុងតម្លៃខ្ពស់បំផុតចំនួន ៥ លានដុល្លារ នៅលើប្លុកដេញថ្លៃក្នុងទីក្រុងហុងកុង កាលពីថ្ងៃអង្គារ ខណៈវាមានតែ ៨ គ្រឿងប៉ុណ្ណោះក្នុងលោក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នាឡិកា Patek Philippe Reference 96 Quantieme Lune របស់អធិរាជ Puyi បានដេញថ្លៃដោយអ្នកប្រមូលទិញនៅអាស៊ីតាមរយៈការដេញថ្លៃតាមទូរស័ព្ទ។ យោងតាមលោក Thomas Perazzi នៃក្រុមហ៊ុនដេញថ្លៃ Phillips Asia បញ្ជាក់ថា នេះជាការដេញថ្លៃខ្ពស់បំផុតសម្រាប់នាឡិកាដៃដែលធ្លាប់ជារបស់អធិរាជ។ លោកមានការរំភើបចិត្តចំពោះការលក់ដ៏អស្ចារ្យនេះ ព្រោះវាបានបង្កើតកំណត់ត្រា។

ទោះយ៉ាងណាក៏ដោយ តាមការលើកឡើងរបស់ក្មួយប្រុសរបស់ Puyi Aisin-Gioro Yuyuan ធ្លាប់បញ្ចាក់ថា នាឡិកានេះគឺជាវត្ថុផ្ទាល់ខ្លួនរបស់ព្រះចៅអធិរាជដែលត្រូវគេចាប់ខ្លួន ហើយក៏ប្រគល់វាទៅឲ្យអ្នកបកប្រែជនជាតិរុស្សី Georgy Permyakov ដើម្បីរក្សាសុវត្ថិភាពនៅពេលអធិរាជចាកចេញពីជំរុំពន្ធនាគារ។

អធិរាជ Puyi ប្រសូតនៅឆ្នាំ ១៩០៦ ជាអធិរាជចុងក្រោយនៃរាជវង្ស Qing របស់ប្រទេសចិន ដែលកាន់តួនាទីជាស្ដេចតាំងពីព្រះជន្ម២ឆ្នាំឯណោះ។ បន្ទាប់ពីការបរាជ័យរបស់ជប៉ុនក្នុងសង្គ្រាមលោកលើកទី ២ ក្នុងឆ្នាំ ១៩៤៥ អធិរាជ Pu yi ត្រូវចាប់ធ្វើជាឈ្លើយសឹកសង្គ្រាមនៅ Shenyang ប្រទេសចិន ដោយកងទ័ពសូវៀត ហើយជាប់ឃុំនៅ Khabarovsk រយៈពេល ៥ ឆ្នាំ។

យ៉ាងណាមិញ កាលពីឆ្នាំ ២០១៧ នាឡិកាម៉ាក Patek Philippe ដែលជាកម្មសិទ្ធិរបស់អធិរាជ Ethiopia ត្រូវបានដេញថ្លៃក្នុងតម្លៃ ២.៩ លានដុល្លារ ហើយនៅឆ្នាំដដែលនោះ នាឡិកាម៉ាក Rolex របស់អធិរាជវៀតណាម ត្រូវដេញថ្លៃក្នុងតម្លៃ ៥ លានដុល្លារ ហើយនាឡិកា Patek Philippe “Grandmaster Chime” លក់ក្នុងតម្លៃ ៣១លានដុល្លារក្នុងឆ្នាំ ២០១៩ ។ វាត្រូវបានគេនិយាយថាជានាឡិកាដ៏ស្មុគស្មាញបំផុត ដែលក្រុមហ៊ុនផលិតនាឡិកាប្រណីតមិនធ្លាប់បានបង្កើត ៕