វ័យក្រោម ៣០ មិនទាន់ជោគជ័យ កុំអាលបាក់ទឹកចិត្ត គួរដឹងមេរៀនទាំងនេះសិន – Kampuchea Thmey Daily
Connect with us
Helistar Cambodia - Helicopter Charter Services

KPT+

វ័យក្រោម ៣០ មិនទាន់ជោគជ័យ កុំអាលបាក់ទឹកចិត្ត គួរដឹងមេរៀនទាំងនេះសិន

Published

on

យុវវ័យជាវ័យដែលស្មុគស្មាញ ត្រូវការឆ្លងកាត់បទពិសោធន៍ជីវិតច្រើន ឧបសគ្គច្រើន ហើយទំនួលខុសត្រូវក៏ច្រើន។ ទោះយ៉ាងណា យុវវ័យគ្រប់រូបគួរតែ​ចេះស្វែង​រកវិធី ជំនះការ​បាក់ទឹកចិត្តនិងកែខែខ្សែជីវិតខ្លួន។

វាមិនដែលយឺតពេលឡើយប្រសិនអ្នកចេះគិតតាមរបៀបខាងក្រោម៖

១. ជោគជ័យត្រូវការពេលវេលា

មនុស្សម្នាក់ៗមាននិយមន័យនៃពាក្យថាជោគជ័យផ្សេងៗពីគ្នា។ បើយើងចង់សម្រេចឲ្យបានជោគជ័យ យើងត្រូវចំណាយពេលយូរ។ កុំដាក់គោលដៅថ្ងៃនេះ ហើយចង់ជោគជ័យស្អែក ព្រោះផ្លូវទៅកាន់ភាពជោគជ័យមិនមានផ្លូវកាត់នោះទេ។ កាលណាយើងកាន់តែប្រញាប់ចង់សម្រេចជោគជ័យឆាប់រហ័សពេក យើងនឹងកាន់តែដាក់សម្ពាធលើខ្លួនឯង។ នៅពេលដែលជីវិតកាន់តែតានតឹងហួស យើងក៏ឈប់ធ្វើអ្វីទាំងអស់ ហើយចុងក្រោយសូម្បីតែជោគជ័យតូចមួយក៏ធ្វើមិនបានផង។

២. ស្នេហាជារឿងត្រូវគិតក្រោយ

មិនហាមមិនឲ្យយុវវ័យកុំមានស្នេហានោះទេ ប៉ុន្តែត្រូវមានស្នេហាដែលត្រឹមត្រូវមួយ។ កុំមានស្នេហាដោយសារមិត្តសុទ្ធតែមានសង្សា ឬមានស្នេហាដោយសារតែខ្លាចគេមើលមកជាមនុស្សអន់ ឬយើងភ័យខ្លាចការរស់នៅម្នាក់ឯង។ តាមពិតទៅ ភាពនៅលីវក្នុងភាពជាយុវវ័យជារឿងល្អ ព្រោះវាធ្វើឲ្យយើងមានឱកាសក្នុងការបំពេញនូវក្តីស្រមៃរបស់ខ្លួនទាំងផ្នែកចំណេះដឹងនិងការគិត។ នៅពេលយើងរឹងមាំហើយ កុំភ័យខ្លាចរឿងគ្មានអ្នកណាស្រឡាញ់ ព្រោះមនុស្សដែលសាកសមបំផុតនឹងមករកយើងនៅវេលាដ៏សក្តិសមមួយ។

៣. សេពគប់មិត្តភក្តិល្អៗ

ពេលដែលយើងនៅជាកុមារ ឪពុកម្តាយជាមនុស្សដែលជិតស្និទ្ធជាមួយយើងជាងគេបំផុត។ ប៉ុន្តែនៅពេលដែលយើងកាន់តែធំទៅ ស្ថិតក្នុងភាពជាយុវវ័យ អ្នកដែលជិតស្និទ្ធនឹងយើងជាងគេគឺមិត្តភក្តិ ដូច្នេះហើយការជ្រើសរើសប្រភេទមិត្តភក្តិគឺជារឿងសំខាន់ណាស់។ ចូរជ្រើសរើសមិត្តភក្តិណាដែលឱ្យតម្លៃលើវត្តមានរបស់យើងក្នុងជីវិតគេ។ ជ្រើសរើសមិត្តដែលមានក្តីស្រមៃដូចយើង និងរាប់អានមិត្តណាដែលគេជាកញ្ចក់ឆ្លុះដ៏ល្អបំផុតចំពោះទង្វើរបស់យើង។

៤. រៀនសន្សំលុយ

យុវវ័យជាវ័យដែលចូលចិត្តភាពសប្បាយ ចង់សាករបស់ថ្មីៗល្អៗ និងទំនើបៗ ដូច្នេះការចំណាយក៏មានច្រើន។ ផ្ទុយពីមនុស្សវ័យកណ្តាល យើងនៅមិនទាន់មានទំនួលខុសត្រូវធំដូចពួកគេទេ។ បើទោះបីជាមិនទាន់រងសម្ពាធពីអ្នកជុំវិញខ្លួនក៏ដោយ យើងក៏មិនត្រូវប្រលែងដៃលើការចំណាយដែរ។ ត្រូវចាយឲ្យត្រូវតាមខ្ទង់ និងចេះសន្សំលុយដើម្បីវិនិយោគនៅថ្ងៃអនាគត។

៥. ភាពលំបាកមិនស្ថិតស្ថេរទេ

មានរឿងជាច្រើនដែលបានកើតឡើងដោយស្មានមិនដល់ ក្នុងយុវភាពរបស់យើង។ ប៉ុន្តែ ត្រូវចាំថា រឿងទាំងអស់ដែលយើងកំពុងជួបប្រទះ បន្តិចទៀតក៏បាត់ខ្លួនអស់ហើយ។ វានៅមិនយូរទេ។ សម្ពាយដែលកំពុងស្ពាយ វានឹងស្រាលទៅៗ ឯការឈឺចាប់ដែលបៀមទុក្ខ វានឹងធូរស្បើយមិនខានទេ។ ត្រូវចងចាំថា យើងកើតមកសម្រាប់ភាពអស្ចារ្យ គ្រាន់តែរឿងរ៉ាវប៉ុណ្ណឹង ហេតុអ្វីយកឈ្នះមិនបាន?

ប្រែសម្រួល៖ សន្យា

ប្រភព៖ Healthline

ចុចអាន៖ នាំទិព្វទំាងបីពេលក្រោកពីគេងមកភ្លាម

ចុចអាន៖ មេរៀន​ជីវិត​ទាំង ៥ បំផុស​គំនិត​សម្រាប់​ជោគជ័យ​ថ្ងៃ​អនាគត

India in Cambodia (Embassy of India, Phnom Penh)
Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ7 mins ago

ចិន​ផ្តល់​ជំនួយ​បរិក្ខារ​បច្ចេកទេស​ អាច​មាន​សមត្ថភាព​ធ្វើ​តេស្ត​ពិនិត្យ​កូវីដ១៩បាន ១០០០​សម្រាប់​ក្នុង​មួយថ្ងៃ

ព័ត៌មានជាតិ36 mins ago

អាវុធហត្ថ​ប្រកាស​លេខ​ទូរសព្ទ​៣​ខ្សែ​ ដើម្បី​ទទួល​ព័ត៌មាន​ពី​មហាជន​ឈាន​ដល់​ការ​ចាប់ខ្លួន​ក្រុម​ឃាតក​ដៃដល់​

ព័ត៌មានជាតិ1 hour ago

អាជ្ញាធរខេត្ត ចេញ​ទាំងយប់​តាម​យក​មនុស្ស​១០​នាក់​ ក្នុង​ព្រឹត្តិការណ៍ ២០ កុម្ភៈ ទៅ​ធ្វើ​ច​ត្តា​ឡី​ស័ក

ព័ត៌មានជាតិ2 hours ago

មន្ទីរពេទ្យ​ធំៗ​នៅ​ភ្នំពេញ​​មិនទាន់​ចាក់​វ៉ាក់សាំង​កូ​វីដ​១៩​ស៊ី​ណូ​ហ្វា​ម​ដូ​ស​ទី​ពីរ​នៅ​ឡើយ​ទេ​

ព័ត៌មានជាតិ2 hours ago

មេទ័ព​កម្ពុជា ប្រាប់​អនុព័ន្ធយោធា​មី​យ៉ាន់​ម៉ា អំពី​ជំហរ​របស់​កម្ពុជា​

Sokha Hotels

ព័ត៌មានពេញនិយម

Helistar Cambodia - Helicopter Charter Services