ព័ត៌មានជាតិ

រដ្ឋប្រកាសរើសទ័ពថ្មីចំនួន ៣ ០០០ នាក់

បានផុស

៥ ខែ មុន

នៅ

ថ្ងៃសៅរ៍ ១៤ កុម្ភៈ ២០២៦

ដោយ

អគ្គបញ្ជាការដ្ឋាននៃកងយោធពលខេមរភូមិន្ទបានសម្រេចបង្កើតគណៈកម្មការជ្រើសរើស ដើម្បីជ្រើសរើសពលទាហានថ្មីចំនួន ៣ ០០០នាក់ ឱ្យបំពេញក្របខ័ណ្ឌឱ្យបណ្តាកងឯកភាព ចំណុះបញ្ជាការដ្ឋានកងទ័ពជើងគោក។ នេះបើយោងតាមសេចក្ដីសម្រេចរបស់អគ្គបញ្ជាការទ័ពលោក វង្ស ពិសេន ថ្ងៃទី១១ ខែកុម្ភៈ ឆ្នាំ ២០២៦។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមសេចក្ដីសម្រេចនោះបេក្ខជនដែលមានបំណងចង់ចូលបម្រើការងារក្នុងជួរកងទ័ព ត្រូវជាបុរសអាយុពី ១៨ ដល់៣៥ឆ្នាំទៅតាមកម្រិតវប្បធម៌ មានកម្ពស់ចាប់ពី ១,៦០ម៉ែត្រឡើងទៅ។ មានកាយសម្បទាគ្រប់គ្រាន់ និងមានសុខភាពល្អ មិនមានប្រើប្រាស់គ្រឿងញៀន និងមិនមានជំងឺឆ្លងនានា ត្រូវជាមនុស្សដែលមានភក្តីភាពចំពោះជាតិ សាសនា ព្រះមហាក្សត្រ និងគ្មានទោសទណ្ឌ។

គណៈកម្មការនេះនឹងផ្ដល់អាទិភាពចំពោះបេក្ខជនដែលជា សាច់ញាតិបង្កើតរបស់យោធិន រួមមាន៖ កូនយោធិន កូនយោធិនចូលនិវត្តន៍ ជនពិការ ឬគ្រួសារយោធិនពលី-មរណៈ៕