ព័ត៌មានជាតិ

រកឃើញកម្មករធ្វើការនៅរោងចក្រ បូវឃើរ ហ្គាមេន ហ្វេកធឺរី ៩នាក់ឆ្លងជំងឺកូវីដ១៩

បានផុស

៥ years មុន

នៅ

ថ្ងៃអាទិត្យ ២៥ មេសា ២០២១

ដោយ

លោក វេជ្ជបណ្ឌិត គួយ ប៊ុនធឿន ប្រធានមន្ទីរសុខាភិបាលខេត្តកណ្តាល បានឲ្យដឹងនៅរសៀលថ្ងៃនេះថា ក្រុមគ្រូពេទ្យបានធ្វើតេស្តដោយឧបករណ៍តេស្តរហ័សទៅលើកម្មករធ្វើការនៅរោងចក្របូវឃើរ ហ្គាមេន ហ្វេកធឺរី (ខេមបូឌា) នៅស្រុកអង្គស្នួល ខេត្តកណ្ដាលចំនួន២០០នាក់ ក្នុងនោះមានកម្មករចំនួន៩នាក់ មានវិជ្ជមានកូវីដ១៩ជាបឋម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកបានបន្តថា ក្រុមការងារបានបញ្ជូនសំណាកទាំងនោះទៅវិទ្យាស្ថានជាតិសុខភាពសាធារណៈ ដើម្បីធ្វើវិភាគបញ្ជាក់បន្ថែម។ យ៉ាងណាក៏ដោយ លោកបានបន្តទៀតថា សម្រាប់កម្មករនៅរោងចក្រ បូវឃើរ ហ្គាមេន ហ្វេកធឺរី ក្រុមគ្រូពេទ្យនៅមិនទាន់បានយកពីកម្មករនិងបុគ្គលិកអស់នៅឡើយទេ ដោយសារថ្ងៃអាទិត្យកម្មករសម្រាកពីការងារ។

លោក គង់ សោភ័ណ្ឌ អភិបាលខេត្តកណ្តាលបានអំពាវនាវដល់កម្មករនិយោជិតទាំងអស់ ដែលបម្រើការនៅរោងចក្រខាងលើ ត្រូវមកយកសំណាកដើម្បីពិនិត្យជាបន្ទាន់ បើមិនដូច្នេះទេ មិនអនុញ្ញាតឲ្យចូលធ្វើការឡើយ។ ទន្ទឹមនឹងនេះបងប្អូនកម្មករទាំងអស់ត្រូវអនុវត្តតាមប្រសាសន៍ណែនាំដ៏ខ្ពង់ខ្ពស់របស់សម្តេចតេជោ ហ៊ុន សែន គឺ៣.ការពារ និង៣.កុំឲ្យបានគ្រប់ៗគ្នា៕

អត្ថបទ៖ សំអឿន