ច្រើនបំផុតអ្នកជំងឺកូវីដ១៩​នៅកោះពេជ្រជាសះស្បើយ ៨៣៤ នាក់

លោកស្រី ពេជ ចន្ទមុន្នី ប្រធានក្រុមប្រឹក្សាភិបាល នៃសមាគម TYDA បានឲ្យដឹងនៅព្រឹកថ្ងៃទី២៨ ខែមេសា នេះថា អ្នកជំងឺកូវីដ១៩ ដែលកំពុងសម្រាកព្យាបាល នៅកោះពេជ្រចំនួន៨៣៤នាក់ បានជាសះស្បេីយ និងអនុញ្ញាតឱ្យត្រឡប់ទៅលំនៅដ្ឋានវិញ កាលពីយប់ថ្ងៃទី ២៧ ខែមេសានេះ។

លោកស្រី ពេជ ចន្ទមុន្នី បញ្ជាក់យ៉ាងដូច្នេះថា “ថ្ងៃនេះព្រះចន្ទ័រះពេញវង់ល្អណាស់ ហេីយក៏ជាថ្ងៃដែលល្អ ពីព្រោះអ្នកជំងឺដែលកំពុងព្យាបាលនៅមណ្ឌលព្យបាលកូវីដនៅកោះពេជ្រចំនួន ៨៣៤ នាក់ បានជាសះស្បេីយ និងត្រូវធ្វេី ចត្តាឡីស័កបន្តនៅផ្ទះចំនួន១៤ថ្ងៃបន្តទៀត”។ 

ជាមួយគ្នានោះ លោកស្រីបានថ្លែងអំណរគុណដល់ក្រុមគ្រូពេទ្យស្ម័គ្រចិត្តសម្តេចតេជោប្រឆាំងកូវីដ១៩ និងក្រុមសេវាជួរមុខទាំងអស់ ដែលបានយកចិត្តទុកដាក់ ថែទាំព្យាបាលអ្នកជំងឺទាំងអស់ ដោយយកចិត្តទុកដាក់ ព្រមទាំងក្រុមកងកម្លាំង ដែលបានខិតខំប្រឹងប្រែងការពាររៀបចំ និងសម្រួលសណ្តាប់ធ្នាប់នៅមណ្ឌលព្យាបាលកោះពេជ្រនេះ និងបានអបអរដល់បងប្អូន ដែលបានជាសះស្បេីយ និងសូមជូនពរដល់បងប្អូន ដែលនៅបន្តការព្យាបាលនេះឆាប់ជានឹងអាចត្រលប់ទៅផ្ទះវិញក្នុងពេលឆាប់ៗនេះ។

លោកស្រី ពេជ ចន្ទមុន្នី បានផ្តាំផ្ញេីរដល់បងប្អូនដែលបានជាសះស្បេីយហេីយត្រលប់ទៅផ្ទះវិញនោះ សុំមេត្តាបន្តធ្វេី​ចត្តាឡីស័កនៅផ្ទះ និងបន្តអនុវត្តនូវដំបូន្មានរបស់គ្រូពេទ្យ និងត្រូវត្រលប់មកយកសំណាកវិញនៅថ្ងៃទី១៣៕

អត្ថបទ៖កោះកែវ