ព័ត៌មានជាតិ

មកមើលការដ្ឋានផ្លូវជាតិលេខពីរ កំពុងស្ថាបនាដោយក្រុមហ៊ុនកូរ៉េពង្រីកកាន់តែធំទូលាយ

បានផុស

៥ years មុន

នៅ

ថ្ងៃចន្ទ ១៧ ឧសភា ២០២១

ដោយ

ផ្លូវជាតិលេខពីរភ្ជាប់ពីរាជធានីភ្នំពេញ កាត់ខេត្តកណ្តាលទៅដល់ក្រុងដូនកែវ ខេត្តតាកែវ កំពុងដំណើរការសាងសង់ដោយក្រុមហ៊ុនសំណង់របស់កូរ៉េ។

ផ្លូវមួយខ្សែនៅភាគខាងត្បូងដែលចាយថវិកាសាងសង់ជាង ៥៦ លានដុល្លារ គឺជាបណ្តាញផ្លូវសេដ្ឋកិច្ចភ្ជាប់ទៅកាន់ប្រទេសវៀតណាមតាមរយៈច្រកទ្វារអន្តរជាតិភ្នំឌិន និងជាខ្សែផ្លូវភ្ជាប់ទៅព្រលានយន្តហោះថ្មីភ្នំពេញនៅស្រុកកណ្តាលស្ទឹង។

ដំណើរការស្ថាបនាផ្លូវប្រវែងជាង ៦០ គីឡូម៉ែត្រនេះ ធ្លាប់រងការស្តីបន្ទោសពីរដ្ឋមន្ត្រីក្រសួងសាធារណការ ដោយសារភាពយឺតយ៉ាវក្នុងការសាងសង់ ខណៈក្រុមហ៊ុន Hanshin ដែលជាក្រុមហ៊ុនរបស់កូរ៉េ ជាអ្នកទទួលបន្ទុកស្ថាបនាផ្លូវមួយខ្សែនេះ។

បើតាមគ្រោងការផ្លូវជាតិមួយខ្សែនេះត្រូវបញ្ចប់នៅឆ្នាំ២០២២ ដោយមានការជួសជុលពង្រីកចាប់ពីរង្វង់មូលតាខ្មៅខេត្តកណ្តាលដល់អូរចំបក់ក្រុងដូនកែវ រួមទាំងការស្ថាបនាផ្លូវខ្នែងមួយខ្សែទៀតចាប់គិតពីរង្វង់មូលក្រុងដូនកែវ ដល់អង្គតាសោម ផ្លូវជាតិលេខ ៣។

ខាងក្រោមនេះ ជារូបភាពខ្លះៗនៃកំណាត់ផ្លូវជាតិលេខ ២ ដែលទើបថតកាលពីប៉ុន្មានថ្ងៃមុននេះ។