ព័ត៌មានជាតិ

ផ្ទះពលរដ្ឋជាច្រើនខ្នងក្នុងស្រុកថ្មគោល ត្រូវបានបំផ្លាញដោយគ្រោះធម្មជាតិ

បានផុស

៥ years មុន

នៅ

ថ្ងៃចន្ទ ១៧ ឧសភា ២០២១

ដោយ

បើតាមរបាយការណ៍ពីសមត្ថកិច្ចបានឲ្យដឹងថា គ្រោះធម្មជាតិខាងលើ បានបង្កឲ្យមានការប៉ះពាល់ខូចខាតប៉ើងដំបូលនិងជញ្ជាំងលំនៅឋានធំនិងតូចរបស់ប្រជាពលរដ្ឋ សរុបចំនួន៨ខ្នងផ្ទះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧបទ្ទវហេតុដែលបង្កឲ្យផ្ទះសម្បែងពលរដ្ឋជាច្រើនខ្នង រងការខូចខាតនេះ បានកើតឡើងកាលថ្ងៃទី១៦ ខែឧសភា ឆ្នាំ២០២១ ក្នុងតំបន់ភូមិទួលស្រុកថ្មគោល ខេត្តបាត់ដំបង។ ខណៈដែលមានភ្លៀងធ្លាក់១មេលាយឡំខ្យល់កន្ត្រាក់ បានបោកបក់យ៉ាងខ្លាំងបណ្តាលឲ្យប៉ើងដំបូលនិងជញ្ជាំងលំនៅឋានធំនិងតូចរបស់ប្រជាពលរដ្ឋសរុបចំនួន៨ខ្នងផ្ទះ។ គ្រោះធម្មជាតិខាងលើ ដែលបានកើតឡើងជាបន្តបន្ទាប់ តាមរយៈអាកាសធាតុប្រែប្រួលខ្លាំងចំពោះមុខនេះ មន្ត្រីផ្នែកគ្រប់គ្រងគ្រោះមហន្តរាយខេត្តបាត់ដំបង បានអំពាវនាវដល់បងប្អូនប្រជាពលរដ្ឋទាំងអស់ ពិសេសពលរដ្ឋដែលរស់នៅតំបន់ដាច់ស្រយាលឲ្យបង្កើនការប្រុងប្រយ័ត្នសុវត្ថិភាពដល់កូនចៅចៀសវាងមានគ្រោះថ្នាក់កើតឡើងណាមួយដោយយថាហេតុ។

បច្ចុប្បន្នផ្ទះពលរដ្ឋទាំងអស់ ដែលបានជួបឧបទ្ទវហេតុខាងលើអាជ្ញាធរមានសមត្ថកិច្ចកំពុងជួយជួសជុលឡើងវិញចំណែកផ្ទះ ដែលរងផលប៉ះពាល់ធ្ងន់ធ្ងរហើយគ្មានលទ្ធភាពជួសជុលអាជ្ញាធរមូលដ្ឋានក៏បានធ្វើរបាយការណ៍ដាក់ជូនរដ្ឋបាលស្រុកនិងខេត្ត ដើម្បីជួយសម្រាលទុក្ខនៅថ្ងៃក្រោយ៕

អត្ថបទ៖ សៅ សារិទ្ធ

សូមចុចអាន៖ ចុះបង្ក្រាបក្រុមអ្នកកាប់ទន្ទ្រានដីព្រៃលិចទឹកក្នុងតំបន់អភិរក្សឃាត់ខ្លួនមនុស្ស៨នាក់