ផ្លូវ​ទៅ​កំពត​ជិះ​ទៅ​មក​លែង​ស្ទះ ស្រោច​កៅស៊ូ AC រលោង​ស្អាត មក​ដល់​ពេល​នេះ​សម្រេច​បាន​ ៩៨%
Connect with us
Helistar Cambodia - Helicopter Charter Services

ព័ត៌មានជាតិ

ផ្លូវ​ទៅ​កំពត​ជិះ​ទៅ​មក​លែង​ស្ទះ ស្រោច​កៅស៊ូ AC រលោង​ស្អាត មក​ដល់​ពេល​នេះ​សម្រេច​បាន​ ៩៨%

បានផុស

នៅ

កំណាត់​ផ្លូវ​ជាតិ​លេខ ៣ ពី​ចោមចៅ​ដល់​ក្រុង​កំពត​សម្រេច​ការ​សាងសង់​បាន ៩៨ ភាគរយ។ នេះ​បើ​តាម​លោក​ហ៊ាង​ សុទ្ធាយុត្តិ​ បាន​ថ្លែង​ប្រាប់​កម្ពុជា​ថ្មី​កាលពី​​រសៀល​ម្សិលមិញនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហ៊ាង​ សុទ្ធាយុត្តិ​ អ្នក​នាំ​ពាក្យ​និង​ជា​ប្រធាន​នាយកដ្ឋាន​ព័ត៌មាន​វិទ្យា​ និង​ទំនាក់ទំនង​សាធារណៈ​ នៃ​ក្រសួងសាធារណការ​ និង​ដឹកជញ្ជូន​បាន​ឲ្យ​ដឹង​ថា កំណាត់​ផ្លូវ​ជាតិ ៣ ​ប្រវែង ១៣៥ គីឡូម៉ែត្រ ត្រូវ​បាន​ស្ថាបនា​ឡើង​ដោយ​គិតគូរ​ខ្ពស់​លើ​គុណភាព​​ ​សោភ័ណភាព ​និង​សុវត្ថិភាព​សម្រាប់​អ្នក​ប្រើប្រាស់​ដង​ផ្លូវ។

ផ្លូវ​នេះ​ត្រូវ​បាន​សាងសង់ ដោយ​មាន​សួន​ពុះ​កណ្ដាល​ទ្រូងផ្លូវ​ពី​ចោមចៅ​ទៅ​ដល់​បែក​គូស បែងចែក​ចរាចរណ៍​ទាំង​ពីរ​ទិស សម្រួល​ការ​ធ្វើ​ដំណើរ​​ កាត់​បន្ថយ​ការ​គ្រោះថ្នាក់​។ នៅលើ​ផ្លូវ​នេះ​​មានបំពាក់​ជញ្ជីង​ថ្លឹង​រថយន្ត​ទាំង​ក្រោម​ដី (High Speed) និង​តាម​ស្ថានីយ (Low Speed) ដើម្បី​ការពារ​ការ​ដឹក​លើស​ទម្ងន់ រួមទាំង​កាមេរ៉ា​ចាប់​ល្បឿន​សម្រាប់​ត្រួត​ពិនិត្យ​ការ​បើកបរ​លើស​ល្បឿន​កំណត់។

លោក​ហ៊ាង​ សុទ្ធាយុត្តិ បន្ត​​ថា ការ​ស្ថាបនា​ផ្លូវ​នេះយកចិត្តទុកដាក់​លើ​បច្ចេកទេស​គុណភាព​ ព្រោះ​ជា​ផ្លូវ​​ដ៏​សំខាន់​សម្រាប់​បម្រើ​វិស័យ​ទេសចរណ៍​ទៅ​ខេត្តកំពត ខណៈលើ​កំណាត់​ផ្លូវ​នេះ​ក៏​មាន​រោងចក្រ​សហគ្រាស និង​អាជីវកម្ម​ជា​ច្រើន ត្រូវ​បាន​ពង្រីកធំទូលាយ ​ជួយ​បង្កើន​ប្រសិទ្ធភាព​ដឹកជញ្ជូន​បាន​ឆាប់​រហ័ស ជាពិសេស​​ភ្ជាប់​ទៅកាន់​កំពង់ផែ​​ទឹកជ្រៅ​ខេត្ត​ព្រះសីហនុ។

ការ​ស្ថាបនា​ផ្លូវជាតិលេខ ៣ ​ប្រវែង​ជាង ១៣០ គីឡូម៉ែត្រ ​​ក៏​មាន​រៀបចំ​ចំណត​យានយន្ត​នៅ​តាម​ទី​ប្រជុំជន និង​ផ្លូវបត់​ប្តូរទិស ​ដែល​អាច​កាត់​បន្ថយ​ការ​កក​ស្ទះ។

គួរ​បញ្ជាក់​ថា ​ផ្លូវជាតិ​លេខ​៣ មាន​ប្រវែង​សរុប ១៣៥ គីឡូម៉ែត្រ ចាប់ពី​ភ្នំពេញ​(​ចោមចៅ​) ដល់​ក្រុង​កំពត ដោយ​ឆ្លងកាត់​រាជធានី​ភ្នំពេញប្រវែង ១២​គីឡូម៉ែត្រ ខេត្ត​កណ្តាល ប្រវែង ១១​គីឡូម៉ែត្រ ខេត្ត​កំពង់ស្ពឺ ប្រវែង ៣០​គីឡូម៉ែត្រ ខេត្ត​តាកែវ ប្រវែង ៣០​គីឡូម៉ែត្រ និង​ខេត្តកំពត ប្រវែង ៥១​គីឡូម៉ែត្រ​។ ការស្ថាបនា​ផ្លូវ​នេះ​មាន​ពីរ​កំណាត់ ដោយ​ក្នុង​នោះ ប្រវែង៦៩គីឡូម៉ែត្រ ចាប់​ពី​ចោមចៅ ដល់​បែកគុស ​ត្រូវ​សាងសង់ជា ៤ គន្លង និង​ចាប់​ពី​បែកគូសដល់​ទី​រួម​ខេត្ត​កំពត ប្រវែង ៦៥ គីឡូម៉ែត្រ ត្រូវ​សាងសង់ជា ២គន្លង ដោយ​ក្រាល​បេតុង​កៅស៊ូ (AC)។ ការ​ស្ថាបនា​ផ្លូវ​នេះ​ប្រើ​កញ្ចប់​ថវិកា​ប្រមាណ​ជាង ២១៩ លាន​ដុល្លារ​អាមេរិក​ ដែល​បាន​បើក​ការដ្ឋាន​សាងសង់​កាលពី​ថ្ងៃ​ទី​ ៧ ខែ​ឧសភា ឆ្នាំ​ ២០១៨ និង​បាន​បញ្ចប់​មុន​គម្រោង​ប្រមាណ​ ១ ​ឆ្នាំ អាច​រួចរាល់​ទាំង​ស្រុង​នា​ឆ្នាំ​២០២១ នេះ៕

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤ ម៉ោង មុន

ស្ថាន​ឯកអង្គ​រាជទូត​កម្ពុជា​ប្រចាំ​ប្រទេស​ម៉ា​ទ្បេ​ស៊ី ប្រាប់​ឲ្យ​ប្រជាពលរដ្ឋ​ខ្មែរ ទៅ​ចាក់​វ៉ាក់សាំង

ព័ត៌មានជាតិ៦ ម៉ោង មុន

ឆេះ​រថយន្តក្រុង​ដឹក​អ្នក​ដំណើរ​២៣​គ្រឿង ស្លាប់​មនុស្ស​ម្នាក់​មិនទាន់​ស្គាល់​អត្តសញ្ញាណ

ព័ត៌មានជាតិ៦ ម៉ោង មុន

រដ្ឋបាលខេត្ត​កំពង់ឆ្នាំង​ ចេញ​សេចក្តី​ប្រកាស​ព័ត៌មាន​ រក​ឃើញ​អ្នក​វិជ្ជមាន​កូ​វីដ​១៩ ចំនួន​២១នាក់ ជា​សះស្បើយ​២៦​នាក់ ស្លាប់​២​នាក់

ព័ត៌មានជាតិ៦ ម៉ោង មុន

ផ្សារ​កំពង់​ក្តី ផ្សារ​ដំ​ដែក និង​ផ្សារ​ពោធិ៍​បន្ទាយ​ជ័យ ត្រូវ​បិទ​បន្ត​១៤​ថ្ងៃ​បន្ថែមទៀត

កីឡា៧ ម៉ោង មុន

ហែម ប៉ុច កីឡាករ​ហែល​ទឹក​កម្ពុជា​បាន​បំបែក​ឯតទគ្គកម្ម​ចាស់​របស់ខ្លួន ក្នុងការ​ប្រកួត​កីឡា​អូឡាំពិក នៅ​ទីក្រុង​តូ​ក្យូ

Sokha Hotels

ព័ត៌មានពេញនិយម

Helistar Cambodia - Helicopter Charter Services