ព័ត៌មានជាតិ

ប្រធានមន្ទីរកសិកម្មរុក្ខាប្រមាញ់ខេត្ត បញ្ជាឲ្យឃាត់រ៉ឺម៉កដឹកឈើខុសច្បាប់

បានផុស

៥ years មុន

នៅ

ថ្ងៃសុក្រ ២ កក្កដា ២០២១

ដោយ

រ៉ឺម៉កដឹកឈើខុសច្បាប់មួយគ្រឿង ត្រូវបានលោក ស៊ិនតូ តុលា នាយរងផ្នែករដ្ឋបាលព្រៃឈើស្ទោង ដឹកនាំកម្លាំងចុះបង្ក្រាបក្រោយមានការបញ្ជា ពីលោក ប៉ែន វណ្ណរិទ្ធ ប្រធានមន្ទីរកសិកម្មរុក្ខាប្រមាញ់ និងនេសាទខេត្តកំពង់ធំ បានឃាត់នៅចំណុច ភូមិបុស្សវែង ឃុំសាលាវិស័យ ស្រុកប្រាសាទបល្ល័ង្ក ខេត្តកំពង់ធំ នៅថ្ងៃទី២ ខែកក្តដា ឆ្នាំ២០២១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

តាមការឲ្យដឹងពីមន្ត្រីសង្កាត់រដ្ឋបាលព្រៃឈើសាលាវិស័យ បានឲ្យដឹងថា ការដឹកជញ្ជូនឈើដោយខុសច្បាប់ គឺត្រូវបានការណែនាំពី ប្រធានមន្ទីរ កសិកម្មរុក្ខាប្រមាញ់ និងនេសាទ ខេត្ត.និងផ្នែករដ្ឋបាលព្រៃឈើស្ទោង រួមទាំងនាយសង្កាត់ឲ្យទប់ស្កាត់ការលួចដឹកជញ្ជូនឈើដោយខុសច្បាប់ តែក្រុមឈ្មួញទាំងនេះ តែងតែធ្វើសកម្មភាពដឹកជញ្ជូនឈើ ដោយខុសច្បាប់ នៅពេលដែលមន្ត្រីរដ្ឋបាលព្រៃឈើ រវល់ចេញទៅបំពេញបេសកកម្ម។

លោក តុង យី នាយរងខណ្ឌរដ្ឋបាលព្រៃឈើកំពង់ធំ បានឲ្យដឹងថា ចំពោះការដឹកជញ្ជូនឈើដោយខុសច្បាប់នេះ បន្ទាប់ពីទទួលព័ត៌មានពីលោកប្រធានមន្ទីរកសិកម្មខេត្ត លោកបានឲ្យលោក ស៊ិនតូ តុលា នាយរងផ្នែករដ្ឋបាលព្រៃឈើស្ទោង ដឹកនាំកម្លាំងផ្នែកស្ទោង សហការ ជាមួយកម្លាំង សង្កាត់សាលាវិស័យ និងសង្កាត់តាំងក្រសាំងចុះបង្ក្រាប បានទាំងរ៉ឺម៉ក និងឈើ ហើយបាននាំយកទៅរក្សាទុកនៅសង្កាត់រដ្ឋបាលព្រៃឈើសាលាវិស័យ ដើម្បីរង់ចាំវាស់វែងចំនួនពិតប្រាកដ៕

អត្ថបទ៖ ប៊ុន រដ្ឋា

សូមចុចអាន៖ ថៃប្រគល់ពលករ ៩នាក់លបឆ្លងដែនខុសច្បាប់ ឱ្យប៉ូលិសព្រំដែនកម្ពុជា