ព័ត៌មានជាតិ

ស្ត្រីម្នាក់បានស្លាប់ រួមទាំងផ្ទះ៤ខ្នងដួលរលំ និង៩៧ខ្នងខូចខាត ខណៈភ្លៀងលាយខ្យល់កន្ត្រាក់

បានផុស

៤ years មុន

នៅ

ថ្ងៃអង្គារ ៦ កក្កដា ២០២១

ដោយ

ស្ត្រីម្នាក់បានស្លាប់ និងផ្ទះ៤ខ្នងដួលរាបដល់ដី និងផ្ទះ៩៧ខ្នង រងការខូចខាត នៅក្នុងឃុំ ចំនួន៣ ត្រពាំងឬស្សី, កំពង់ស្វាយ និងឃុំសានគរ ករណីភ្លៀងផ្គរខ្យល់កន្ត្រាក់ កាលពីរសៀលថ្ងៃទី៥ ខែកក្កដា ឆ្នាំ២០២១ នៅស្រុកកំពង់ស្វាយ ខេត្តកំពង់ធំ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាមការឲ្យដឹងពីអធិការស្រុកកំពង់ស្វាយ គឺស្ត្រីម្នាក់ត្រូវរន្ទះបាញ់ស្លាប់ និងរបួសស្រាល២នាក់ក្នុងពេលតែមួយ ក្នុងហេតុការណ៍គ្រោះធម្មជាតិនោះ ស្ត្រីរងគ្រោះឈ្មោះ ញឹប ហ៊ីន អាយុ៤១ឆ្នាំ រស់នៅភូមិឥន្តកុមារ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។

លោក កែ កញ្ជនា អធិការដ្ឋាននគរបាល ស្រុកកំពង់ស្វាយ បានឲ្យដឹងថា ក្នុងករណីភ្លៀងព្យុះ នេះ បានធ្វើឲ្យដើមឈើបាក់សង្កត់ពីលើអគារ បណ្តាលឲ្យខូចខាតដំបូល៣០% តែមិនបាន ធ្វើ ឲ្យមានមន្ត្រីណារងរបួសនោះឡើយ។ ខ្យល់កន្ដ្រាក់ក៏បានប៉ះពាល់២ភូមិ ស្លែងនិងភូមិខ្ពស់ រលំផ្ទះពលរដ្ឋទាំងស្រុងចំនួន៣ខ្នង របើកដំបូល និងខូចខាតមធ្យម៤៧ខ្នង របួសស្រាល២នាក់ (ស្រី)នៅភូមិជ័យ រលំរោងម៉ាស៊ីន តុទូរទំហំ១០×១៥ម ១ខ្នង របើកដំបូលនិងខូចខាតមធ្យម ៤៩ខ្នង សរុប១០១ខ្នង៕