Connect with us

ព័ត៌មានជាតិ

បិទផ្សារដើមស្រល់ ក្នុងខណ្ឌជ្រោយចង្វារ១៤ថ្ងៃ ក្រោយរកឃើញអាជីវករឆ្លងកូវីដ

បានផុស

នៅ

អាជ្ញាធរខណ្ឌជ្រោយចង្វារ បិទផ្អាកជាបណ្តោះអាសន្នផ្សារដើមស្រល់ ដែលមានទីតាំងស្ថិតក្នុងភូមិ២ សង្កាត់ជ្រោយចង្វារ រយៈពេល១៤ ចាប់ពីថ្ងៃទី០៧ រហូតដល់ថ្ងៃទី២០ ខែកក្កដា ក្រោយពេលរកឃើញអ្នកឆ្លងថ្មី ឋិតក្នុងចំណោមអាជីវករដែលកំពុងលក់ដូរក្នុងផ្សារ ។

អាជ្ញាធរខណ្ឌជ្រោយចង្វារ តម្រូវអោយសន្តិសុខ បុគ្គលិក កម្មករ អាជីវករ អតិថិជន និងអ្នកពាក់ព័ន្ធ ចូលរួមសហការ ជាមួយអាជ្ញាធរ មូលដ្ឋានមន្ត្រីជំនាញ និងមន្ត្រីសុខាភិបាល ដើម្បីទៅយកសំណាកវិភាគរកមេរោគកូវីដ-១៩ នៅវិទ្យាល័យបាក់ទូក និងមជ្ឈមណ្ឌលម៉ូឌែន៥ និងត្រូវធ្វើចត្តាឡីស័កឱ្យបានត្រឹមត្រូវ តាមការណែនាំរបស់ក្រសួងសុខាភិបាល។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អាជ្ញាធរខណ្ឌជ្រោយចង្វារ ក៏កំណត់នៅក្នុងអំឡុងពេលនៃការអនុវត្តវិធានការផ្អាកដំណើរការ ជាបណ្ដោះអាសន្ននេះ ត្រូវបានហាមឃាត់ រាល់ការចេញ-ចូល និងរាល់ការជួបជុំ ឬ ការប្រមូលផ្តុំមនុស្ស ក្នុងទីតាំងផ្សារដើមស្រស់ លើកលែងតែករណីចាំបាច់ ដូចជាការចេញ-ចូល និងការជួបជុំក្នុងចំណោមសន្តិសុខ បុគ្គលិក កម្មករ អាជីវករ អតិថិជន និង អ្នកពាក់ព័ន្ធ នៅក្នុងទីតាំងកំណត់ដែលត្រូវផ្តល់សំណាក ការជួបជុំរបស់បុគ្គលិកសុខាភិបាល ដើម្បីអនុវត្តវិធានការសុខាភិបាល ការបំពេញការងារថែរក្សាសន្តិសុខ សណ្តាប់ធ្នាប់ និងរបៀបរៀបរយសាធារណៈ របស់គណៈកម្មការផ្សារ អាជ្ញាធរជាដើម ។

អាជ្ញាធរខណ្ឌជ្រោយចង្វារ ក៏ព្រមានអនុវត្តតាមច្បាប់ ដោយពិន័យអន្តរការណ៍ ក្នុងកម្រិតទឹកប្រាក់ចន្លោះពីមួយលាន រៀល ដល់ដប់លានរៀល និងមិនអនុញ្ញាតឱ្យបន្តអាជីវកម្មលក់ដូរ ឬ ចេញចូលមកបម្រើការងារវិញឡើយ នៅពេលដែលផ្សារនេះបើកដំណើរការជាប្រក្រតីឡើងវិញ ចំពោះសន្តិសុខ បុគ្គលិក កម្មករ អាជីវករ និងអ្នកពាក់ព័ន្ធទាំងឡាយ ណា ដែលមិនព្រមសហការទៅយកសំណាកវិភាគរកមេរោគកូវីដ-១៩ ឬ មិនអនុវត្តវិធានចត្តាឡីស័ក។

គួរបញ្ជាក់ថា ក្រៅពីផ្សារដើមស្រល់ក្នុងខណ្ឌជ្រោយចង្វារនេះ រយៈពេល២សប្តាហ៍ចុងក្រោយ មានផ្សារធំៗចំនួន២ផ្សេងទៀតនៅរាជធានីភ្នំពេញ គឺផ្សារបឹងកេងកង និងផ្សារអូឡាំពិក បានរកឃើញមានការផ្ទុះឆ្លងរាលដាលជំងឺកូវីដ១៩ ដោយមានអាជីវករនិងអ្នកពាក់ព័ន្ធប្រមាណជិត៦០០នាក់ បានឆ្លងជំងឺនេះ៕

អត្ថបទ៖ ពុធិកា

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ៣៨ នាទី មុន

អំពើពុករលួយ ធ្វើឱ្យប្រធានសមាគមបាល់ទាត់ថ្នាក់ជាតិរបស់ប្រទេសចិន ត្រូវជាប់ពន្ធនាគារអស់មួយជីវិត

ព័ត៌មានជាតិ១ ម៉ោង មុន

ក្នុង​ត្រីមាស​ទី១​ឆ្នាំនេះ ខេត្ត​កែប នាំចេញ​ផ្លែស្វាយ​កែវ​រមៀត​ជាង ៧​ពាន់​តោន កើនឡើង ៨២%

ព័ត៌មានជាតិ៣ ម៉ោង មុន

ផ្លូវ​ប្រប​មាត់​ព្រែក​ពី​គល់​ស្ពាន​ថ្មី​ដល់​ស្ពាន​ចាស់ រួម​ជា​មួយ​សួន​កម្សាន្ត និង​លេច​រូបរាង​​ឆាប់​ៗក្នុងខេត្តកំពត

ព័ត៌មានជាតិ៣ ម៉ោង មុន

ដីព្រៃ​ក្នុង​ដែន​ជម្រក​សត្វព្រៃ​គូលែន​-​ព្រហ្ម​ទេព ក្បែរ​បរិស្ថាន​តា​កឹង កំពុង​រង​ការ​ឈូសឆាយ​កាប់បំផ្លាញ

ព័ត៌មានជាតិ៤ ម៉ោង មុន

កម្ពុជា-ថៃ ជួបប្រជុំ​ទ្វេភាគី​លើក​ទី​១៤​ស្តីពី​កិច្ចសហប្រតិបត្តិការ​ប្រយុទ្ធ​ប្រឆាំង​គ្រឿងញៀន

Sokha Hotels

ព័ត៌មានពេញនិយម