ព័ត៌មានជាតិ

លោកតាវ័យ៧៣ឆ្នាំជិះម៉ូតូឆ្លងកាត់ទឹកកំពុងហូរ ត្រូវទឹកកួចចូលទឹកជ្រៅបាត់ទាំងម៉ូតូនិងមនុស្ស

បានផុស

៥ years មុន

នៅ

ថ្ងៃព្រហស្បតិ៍ ២ កញ្ញា ២០២១

ដោយ

ករណីបុរសម្នាក់ជិះម៉ូតូដួលហើយបានធ្លាក់ចូលទៅក្នុងទឹកជ្រៅដែលកំពុងហូរខ្លាំង ដោយបាត់ទាំងម៉ូតូ និងមនុស្សធ្វើឲ្យមានការភ្ញាក់ផ្អើលដល់ប្រជាពលរដ្ឋដែលនៅក្បែរកន្លែងកើតហេតុ ព្រមទាំងអាជ្ញាធរ និងសមត្ថកិច្ចទៅជួយស្វែងរក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ហេតុការណ៍នេះកើតឡើងនៅវេលាម៉ោង១០និង៣០នាទី ថ្ងៃទី១ ខែកញ្ញា ឆ្នាំ២០២១ ស្ថិតនៅចំណុចទឹកទំនប់បង្ហៀរប្រវែង៣០០ម៉ែត្រ ស្ថិតនៅភូមិទំនប់ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ។

ជរងគ្រោះត្រូវបានគេស្គាល់ឈ្មោះ ហួន ពេក ភេទប្រុសអាយុ៧៣ឆ្នាំ មានទីលំនៅភូមិថ្មី ឃុំប្រាសាទ ស្រុកព្រះនេត្រព្រះ ខេត្តបន្ទាយមានជ័យ ជិះម៉ូតូម៉ាកC១០០ សេរី១៩៩៩ ពណ៌ក្រហម ដែលធ្វើដំណើរម្នាក់ឯង ក្នុងទិសដៅពីជើងទៅត្បូង។ ខណៈពេលដែលជនរងគ្រោះជិះម៉ូតូឆ្លងទំនប់បង្ហៀរ ដែលមានទឹកហូរពីលើទំនប់បង្ហៀរ ក៏បណ្តាលឲ្យរអិលធ្លាក់ចូលទៅទឹកជ្រៅដែលកំពុងហូរខ្លាំង ទើបទឹកហូរកួចបាត់ទាំងមនុស្ស និងម៉ូតូតែម្តង។

ក្រោយពីកើតហេតុ សមត្ថកិច្ច និងប្រជាពលរដ្ឋបានស្វែងរកឃើញជនរងគ្រោះ និងម៉ូតូនៅវេលាម៉ោង៣និង៣០នាទីរសៀល ហើយសាកសពនិងម៉ូតូបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕

អត្ថបទ៖ ចាន់ ធី