Connect with us

ព័ត៌មានជាតិ

អ្នកនាំពាក្យ៖ វត្តអារាមភាគច្រើនលើសលប់ អនុវត្តបានល្អប្រសើរ នូវវិធានការការពារជំងឺកូវីដ-១៩

បានផុស

នៅ

លោក សេង សុមុនី អ្នកនាំពាក្យក្រសួងធម្មការ និងសាសនា បានមានប្រសាសន៍នៅថ្ងៃទី២២ ខែកញ្ញានេះថា ថា នៅថ្ងៃទី១ នៃពិធីបុណ្យកាន់បិណ្ឌនេះ មានវត្តអារាមភាគច្រើនលើសលប់ នៅទូទាំងប្រទេស បានអនុវត្តល្អប្រសើរ នូវវិធានការការពារជំងឺកូវីដ-១៩តាមការណែនាំ របស់ក្រសួងធម្មការ និងសាសនា ក៏ដូចជាក្រសួងសុខាភិបាល។

លោកបានបន្តថា «ស្ទើរនៅគ្រប់វត្តអារាមទាំងអស់ បានរៀបចំដាក់ទឹកអាកុល ឬជែលលាងដៃ ដាក់នៅតាមច្រកទ្វារចូលវត្តនីមួយៗសម្រាប់ឲ្យព្រះសង្ឃ និងពុទ្ធបរិស័ទលាងសំអាតដៃ មុនចូលទីវត្តអារាម។ ប៉ុន្តែសម្រាប់វត្តអារាម ដែលមានការខ្វះខាត ពិសេសវត្តនៅតាមតំបន់ជនបទដាច់ស្រយាល ដាក់ទឹកពាង និងសាប៊ូជំនួសទឹកអាកុល ឬជែល»។

លោកបានបន្តទៀតថា ក្រៅពីនេះក៏មានការរៀបចំ ឲ្យព្រះសង្ឃគ្រប់ព្រះអង្គ ដូនជីតាជី និងពុទ្ធបរិស័ទទាំងអស់ ពាក់ម៉ាស់ឲ្យបានគ្រប់ៗគ្នា និងរក្សាគម្លាតឲ្យនៅឆ្ងាយពីគ្នា នៅពេលចូលក្នុងទីវត្តអារាម ពេលរាប់បាត្រពេលអង្គុយ ឬឈររង់ចាំប្រគេនចង្ហាន់ ឲ្យមានការឆ្លាស់គ្នា ជាពិសេសនៅពេលសូត្រព្រះធម៌ ពេលបង្សុ កូលនិងឧទ្ទិសកុសល ជូនមាតាបិតាញាតិកា និងបុព្ធការីជន ដែលបានធ្វើមរណកាលទៅហើយ ផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកនាំពាក្យក្រសួងធម្មការ និងសាសនា បានបន្តឲ្យដឹងទៀតថា នៅថ្ងៃទី១ នៃពិធីកាន់បិណ្ឌនេះ ក៏មានពុទ្ធបរិស័ទ យ៉ាងច្រើនកោះករ បានធ្វើដំណើរទៅបំពេញបុណ្យកុសល នៅតាមវត្តអារាមនានានៅទូទាំងប្រទេស។ បើទោះជាមានការរាតត្បាតជំងឺកូវីដ-១៩ ក៏ដោយ ក៏ដោយពួកគាត់ មានដាក់ជាប់ខ្លួន នូវសម្ភារៈការពារខ្លួនពីជំងឺកូវីដ-១៩ រួចជាស្រេចដូចជា៖ ពាក់ម៉ាស ទឹកអាកុល និងទឹកជែលសម្រាប់លាងដៃ និងមិនមានការជួបជុំគ្នាកកកុញឡើយ ដោយរាប់បាត្រ និងប្រគេនចង្ហាន់ដល់ព្រះសង្ឃរួច វិលត្រឡប់ទៅលំនៅដ្ឋានរៀងៗ ខ្លួនវិញ។

យ៉ាងណាក៏ដោយលោក សេង សុមុនី បានអំពាវនាវ និងលើកទឹកចិត្ត ដល់បណ្តាវត្តអារាមធំតូច និងពុទ្ធបរិស័ទ ព្រមទាំងអាជ្ញាធរ​មូលដ្ឋានទាំងអស់ បន្តយកចិត្តទុកដាក់អនុវត្ត តាមការណែនាំរបស់ក្រសួង ពីវិធានការការពារជំងឺកូវីដ-១៩ និងវិធានការ ៣កុំ និង ៣ការពារ របស់ប្រមុខរាជរដ្ឋាភិបាល ដើម្បីធានាបាននូវការការពារ កុំឲ្យមានការឆ្លងជំងឺនេះ ចូលទៅក្នុងវត្តអារាម និងសហគមន៍ជាយថាហេតុ។

លោកបានបន្ថែមថា វិធានការទាំងនេះ មិត្រឹមតែអាចការពារជំងឺកូវីដ-១៩ បានប៉ុណ្ណោះទេ ថែមទាំងអាចការពារជំងឺផ្សេងៗ ពិសេសជំងឺរាករុស នៅក្នុងរដូវវស្សាបានទៀតផងដែរ។ អ្នកនាំពាក្យក្រសួងធម្មការ សង្ឃឹមថា ព្រះសង្ឃ និងពុទ្ធបរិស័ទ ប្រាកដជាអនុវត្តបានខ្ជាប់ខ្ជួន ចាប់ពីបិណ្ឌ២ រហូតដល់ភ្ជុំធំ ដែលមានពុទ្ធបរិស័ទ ទៅជួបជុំច្រើន។ លោកបានបញ្ជាក់ថា បច្ចុប្បន្ននេះនៅប្រទេសកម្ពុជាមានវត្តអារាមចំនួន ៥០៥០វត្ត និងព្រះសង្ឃជាង ៦ម៉ឺនអង្គ នៅទូទាំងប្រទេស។ សូមជម្រាបថា ពិធីបុណ្យកាន់បិណ្ឌ និងភ្ជុំបិណ្ឌនៅឆ្នាំនេះ នឹងប្រព្រឹត្តិទៅ ចាប់ពីថ្ងៃទី២២ ខែកញ្ញា រហូតដល់ថ្ងៃ៦ ខែតុលា ឆ្នាំ២០២១ ខាងមុខនេះ៕

អត្ថបទ៖ សំអឿន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៣ ម៉ោង មុន

ខេត្តរតនគិរីមានផ្ទៃដីក្រហមប្រមាណ៧០% អំណោយផលដល់ដំណាំកសិ-ឧស្សហកម្មគ្រប់ប្រភេទ

ព័ត៌មានជាតិ៤ ម៉ោង មុន

ក្នុង​ឱកាស​បុណ្យចូលឆ្នាំ​ថ្មី​នេះ រដ្ឋបាល​រាជធានី​ហាម​ដាច់ខាត​ការ​លេង​ល្បែងស៊ីសង ការ​ជះ​ទឹក គប់​ស្បោង​ទឹក លាប​ធ្យូង ឬ​ប៉ាត​ម្សៅ​ទៅលើ​អ្នកដំណើរ

ព័ត៌មានជាតិ៥ ម៉ោង មុន

កម្មករ និងសហជីព ពេញចិត្ត គាំទ្រដំណោះស្រាយទាំងបីចំណុចចំពោះករណីរោងចក្រ R.G

ជីវិតកម្សាន្ដ៨ ម៉ោង មុន

សុខ ស្រីម៉ុច អំពាវនាវពលរដ្ឋខ្មែរបន្តជួយថែរក្សាមរតកដូនតាខ្មែរ

ព័ត៌មានអន្ដរជាតិ៨ ម៉ោង មុន

វេទិកាបូអាវ ៖ សេដ្ឋកិច្ច អាស៊ី នឹងលូតលាស់ដល់ ៤.៥ ភាគរយក្នុងឆ្នាំនេះ

ព័ត៌មានជាតិ៥ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ៣ ថ្ងៃ មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានជាតិ៣ ថ្ងៃ មុន

បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»

ព័ត៌មានជាតិ៤ ថ្ងៃ មុន

កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា

សេដ្ឋកិច្ច៤ ថ្ងៃ មុន

មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ

Sokha Hotels

ព័ត៌មានពេញនិយម