ព័ត៌មានជាតិ

ប.ស.ស នឹងមិនផ្តល់សេវាជូនបុគ្គលណាដែលមិនមានប័ណ្ណចាក់វ៉ាក់សាំងបង្ការជំងឺកូវីដ-១៩ ឡើយ

បានផុស

៥ years មុន

នៅ

ថ្ងៃចន្ទ ១១ តុលា ២០២១

ដោយ

បេឡាជាតិសន្តិសុខសង្គម (ប.ស.ស.)បានណែនាំជូនដល់នាយក ឬម្ចាស់សហគ្រាស គ្រឹះស្ថាន និងបងប្អូនកម្មករនិយោជិត ព្រមទាំងសាធារណជនទាំងអស់បានជ្រាបថា ចាប់ពីពេលនេះតទៅ រាល់ពេលដែលលោក លោកស្រីមកទទួលសេវានៅគ្រប់ទីស្នាក់ការរបស់ ប.ស.ស នៅទូទាំងរាជធានីខេត្ត ខណ្ឌទាំងអស់ ត្រូវបង្ហាញនូវប័ណ្ណចាក់វ៉ាក់សាំងបង្ការជំងឺកូវីដ-១៩ ឬលិខិតបញ្ជាក់ការចាក់វ៉ាក់សាំងបង្ការជំងឺកូវីដ-១៩។

ប.ស.ស.បានបញ្ជាក់ថា ក្នុងករណីមិនមានប័ណ្ណចាក់វ៉ាក់សាំងទេនោះ បេឡាជាតិសន្តិសុខសង្គមនឹងមិនផ្តល់សេវាជូនឡើយ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បើតាម ប.ស.ស.ការតម្រូវឲ្យបុគ្គលគ្រប់រូបដែលមកទទួលសេវាពីបេឡាជាតិសន្តិសុខសង្គមត្រូវតែមានប័ណ្ណចាក់វ៉ាក់សាំងបង្ការជំងឺកូវីដ-១៩ ឬលិខិតបញ្ជាក់ការចាក់វ៉ាក់សាំងបង្ការជំងឺកូវីដ-១៩នេះក្នុងន័យដើម្បីបង្កើនប្រសិទ្ធភាពឱ្យកាន់តែប្រសើរឡើងនូវការគ្រប់គ្រងការរីករាលដាលនៃជំងឺកូវីដ-១៩ សំដៅបង្កើតឱ្យបានភាពស៊ាំក្នុងសហគមន៍រឹងមាំពិតប្រាកដមួយ ទប់ទល់នឹងជំងឺរាតត្បាតសកលកូវីដ-១៩ ជាពិសេសមេរោគបំប្លែងថ្មី ប្រភេទដែលតា (Delta) ក៏ដូចជា ដើម្បីត្រៀមលក្ខណៈសម្រាប់ការរស់នៅជាមួយជំងឺកូវីដ-១៩ តាមគន្លងប្រក្រតីភាពថ្មី ឈានទៅរកការបើកដំណើរការឡើងវិញលើគ្រប់វិស័យនាពេលឆាប់ៗ ខាងមុខនេះ។

គួរបញ្ជាក់ថា ការកំណត់របស់បេឡាជាតិសន្តិសុខសង្គមបានធ្វើឡើងដោយយោងតាមសេចក្តីណែនាំរបស់សាលារាជធានីភ្នំពេញ ចុះថ្ងៃទី០៥ ខែតុលា ឆ្នាំ២០២១ដែលត្រូវឱ្យបង្ហាញប័ណ្ណចាក់វ៉ាក់សាំងកូវីដ-១៩ ឬ ប័ណ្ណចាក់វ៉ាក់សាំងបង្ការជំងឺកូវីដ-១៩ ឬលិខិតបញ្ជាក់ការចាក់វ៉ាក់សាំងបង្ការជំងឺកូវីដ-១៩ រាល់ពេលចេញ-ចូលគ្រឹះស្ថានសិក្សា ផ្សារ និងទីតាំងអាជីវកម្មនានាក្នុងរាជធានីភ្នំពេញ៕

អត្ថបទ៖ សំអឿន