Connect with us

ព័ត៌មានជាតិ

ក្រសួងការពារជាតិ ៖ អាមេរិកតែងតែបំពាន មកលើកម្ពុជាជានិច្ចកាល ដើម្បីតែផលប្រយោជន៍របស់ខ្លួន

បានផុស

នៅ

ប្រតិកម្មរបស់ក្រសួងការពារជាតិកម្ពុជា បានធ្វើឡើងបន្ទាប់ពីក្រសួងរតនាគារ និងក្រសួងការបរទេសសហរដ្ឋអាមេរិក កាលពីថ្ងៃទី ១០ ខែវិច្ឆិកា ឆ្នាំ ២០២១កន្លងទៅនេះ បានប្រកាសពីការដាក់ទណ្ឌកម្មដោយឯកតោភាគីលើ លោក​​នាយឧត្តមសេនីយ៍ ចៅ ភិរុណ អគ្គនាយកនៃអគ្គនាយកដ្ឋានសម្ភារបច្ចេកទេស និងលោកនាយឧត្តមនាវី ទៀ វិញ មេបញ្ជាការកងទ័ពជើងទឹក ដោយចោទថា ពាក់ព័ន្ធនឹងអំពើពុករលួយ ក្នុងការអភិវឌ្ឍតំបន់កងទ័ពជើងទឹករាម ខេត្តព្រះសីហនុ។

តាមរយៈសេចក្ដីប្រកាសព័ត៌មានរបស់ខ្លួន ក្រសួងការពារជាតិ បានចាត់ទុកទង្វើនេះជាកាយវិការខ្វះវិចារណញ្ញាណ និងមានលក្ខណៈជាការបង្ករឿងឥតឈប់ឈរ ហើយក្រសួងការពារជាតិបញ្ជាក់ថា ជាច្រើនលើក ច្រើនគ្រាហើយដែលអាមេរិកព្យាយាមបំផ្លាញ នូវសេចក្តីសុខក្សេមក្សាន្តរបស់ប្រជាជនកម្ពុជា មិនខុសពីអំពើពាលា យង់ឃ្នង ដែលប្រទេសមហាអំណាចមួយនេះ បានធ្វើមកលើប្រទេសកម្ពុជា និងប្រទេសផ្សេងៗទៀត ស្ទើរពាសពេញពិភពលោក ឲ្យទទួលរងភាពហិនហោចខ្លោចផ្សា ទាំងនៅក្នុងអតីតកាល ក៏ដូចជាក្នុងពេលបច្ចុប្បន្ន។

បើតាមក្រសួងការពារជាតិ អាមេរិកនៅតែយកបញ្ហានៃការធ្វើទំនើបកម្មមូលដ្ឋានសមុទ្ររាម ជាលេសសម្រាប់ធ្វើការ​កៀប​សង្កត់ ទោះបីជាកម្ពុជាខិតខំបង្ហាញអំពីភាពស្មោះត្រង់ សម្បទាន សុចរិត និងស្មារតីរក្សាមិត្តភាព យ៉ាងណាក៏ដោយ។ សម្រាប់បញ្ហាមូលដ្ឋានរាមនេះ ក្រសួងការពារជាតិ បានបកស្រាយជាច្រើនលើកច្រើនសារ ស្ទើរតែគ្រប់រូបភាព ដើម្បីបញ្ជាក់ថា អធិបតេយ្យរបស់ខ្លួន កំពុងត្រូវបានការពារយ៉ាងដាច់ខាត ហើយការធ្វើទំនើបកម្មនេះទៀតសោត ពុំមែនជាការគម្រាមកំហែងដល់សន្តិសុខរបស់ប្រទេសណាមួយ ដូចការចោទប្រកាន់ទាំងនោះទាល់តែសោះ។

ក្រសួងការពារជាតិ បានអះអាងថា ខ្លួនតែងតែបង្ហាញនូវសុឆន្ទៈ គោរពអធិបតេយ្យរបស់ប្រទេសដទៃ ដោយចាត់ទុកថា គឺជាការគោរពផលប្រយោជន៍គ្នាទៅវិញ ទៅមក និងមិនចង់ឲ្យមានអរិភាពរវាងគ្នា។ ផ្ទុយទៅវិញ អាមេរិកតែងតែ​បំពាន​មកលើកម្ពុជាជានិច្ចកាល ដើម្បីតែផលប្រយោជន៍របស់ខ្លួន និងការកេងចំណេញនៅក្នុងការប្រកួតប្រជែងភូមិសាស្ត្រនយោបាយ។

ក្រសួងការពារជាតិ ប្រកាសប្រឆាំងយ៉ាងដាច់អហង្ការ ចំពោះទង្វើអមិត្តរបស់អាមេរិក ហើយចាត់ទុកថា ការប៉ុនប៉ងប្រកប​ដោយមហិច្ឆតាឈ្នានីស និងទម្លាប់រំលោភលើអធិបតេយ្យរបស់អ្នកដទៃនេះ នឹងមិនបានទទួលជោគជ័យជាដាច់ខាត នៅក្នុងការធ្វើឲ្យកម្ពុជាត្រឡប់ទៅរកសោកនាដកម្ម ដែលបង្កឡើងដោយការជ្រៀតជ្រែកពីខាងក្រៅ សាជាថ្មីទៀត នោះឡើយ។

ទោះជាក្នុងតម្លៃណាក៏ដោយ ក្រសួងការពារជាតិ ប្រកាសប្រកាន់ជំហររឹងមាំ នៅក្នុងការការពារផលប្រយោជន៍របស់កម្ពុជា និងខិតខំកសាងទំនាក់ទំនងល្អ ជាមួយបណ្តាមិត្តភ័ក្រ្តទាំងឡាយ ដែលប្រកាន់យកសុឆន្ទៈ គោរពផលប្រយោ​ជន៍គ្នាទៅវិញទៅមក៕

អត្ថបទ៖ កោះកែវ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៧ នាទី មុន

រដ្ឋមន្រ្តីការបរទេសបង់ក្លាដែស កោតសរសើរពីចំនួនពលរដ្ឋដ៏ច្រើនបានចេញទៅបោះឆ្នោត ឃុំ-សង្កាត់

ព័ត៌មានជាតិ១៨ នាទី មុន

ក្រសួងអប់រំប្រកាសទទួលស្គាល់សញ្ញាបត្របាក់​ឌុបសាលាអន្តរជាតិ អាយ ស៊ី អេស មានតម្លៃដូចសញ្ញាបត្រក្រសួងដែរ

ព័ត៌មានជាតិ២ ម៉ោង មុន

រដ្ឋមន្ត្រីការបរទេសបង់ក្លាដែស ចុះពិនិត្យផ្លូវមួយខ្សែ ដែលដាក់ឈ្មោះបិតាជាតិរបស់ខ្លួន

ព័ត៌មានជាតិ២ ម៉ោង មុន

រាជរដ្ឋាភិបាលបន្តដាក់ចេញវិធានការបន្ថែម សម្រាប់បន្តគ្រប់គ្រង និងគាំទ្រការងើបឡើងវិញ នៃវិស័យទេសចរណ៍

ព័ត៌មានជាតិ៣ ម៉ោង មុន

គណបក្ស​ប្រជាជនកម្ពុជា​បើកសន្និបាត​គណៈកម្មា​ធិការកណ្តាល​ពិនិត្យ​ការងារ​កន្លងមក​ និងលើក​ទិសដៅបន្ត

Sokha Hotels

ព័ត៌មានពេញនិយម