Connect with us

ព័ត៌មានជាតិ

ឧត្តមសេនីយ៍ឯក ឌី វិជ្ជា​ សំណូមពរសមត្ថកិច្ច ចាត់វិធានការលើអ្នកបើកបរ បំពានលើគំនូសអាទិភាពរបស់អ្នកដទៃ

បានផុស

នៅ

មន្ត្រីជាន់ខ្ពស់នគរបាលជាតិ បានសំណូមពរដល់នគរបាល នៅតាមបណ្ដារាជធានីភ្នំពេញ-ខេត្ត ចាត់វិធានការទៅលើអ្នកបើកបររថយន្ត ជិះបំពានលើគំនូសអាទិភាពរបស់អ្នកដទៃ ដែលនាំឲ្យមានការកកស្ទះចរាចរណ៍។  

ការសំណូមពរខាងលើនេះ បន្ទាប់ពីមានអ្នកលេងហ្វេសប៊ុកមួយរូប ឈ្មោះថា «អាច្រិប» កាលពីថ្ងៃទី ១ ខែមករា ឆ្នាំ ២០២២កន្លងទៅនេះ បានផ្សាយផ្ទាល់លើហ្វេសប៊ុករបស់ខ្លួន អំពីទិដ្ឋភាពចរាចរណ៍ ដែលមានអ្នកធ្វើដំណើរពីខេត្តព្រះសីហនុ ទៅកាន់រាជធានីភ្នំពេញ។

បើតាមទិដ្ឋភាព នៅក្នុងវីដេអូផ្សាយផ្ទាល់នោះ គឺមានការកកស្ទះចរាចរណ៍ជាខ្លាំង ដោយមានរថយន្ដបើកបររហូតដល់ ៦ជួរឯណោះ ដែលអ្នកបើកបរមួយចំនួន បានបើកចូលគន្លងអាទិភាព របស់អ្នកដទៃ ដែលនាំឲ្យមានការកកស្ទះចរាចរណ៍ យ៉ាងដូច្នេះ។

បន្ទាប់ពីឃើញនូវទិដ្ឋភាពបែបនេះ លោកឧត្តមសេនីយ៍ឯក ឌី វិជ្ជា អគ្គស្នងការរងនគរបាលជាតិ និងជាប្រធាននាយកដ្ឋានកណ្តាលសន្តិសុខ បានសំណូមពរឲ្យសមត្ថកិច្ច នៅតាមបណ្ដារាជធានី-ខេត្ត ចាត់វិធានការទៅលើបញ្ហានេះ។

ទំព័រហ្វេសប៊ុកឈ្មោះ ថា «អ្នក​ប្រមា​ញ់ចរាចរ​ណ៍» បានផ្សព្វផ្សាយនូវខ្លឹមសារ របស់លោកឧត្តមសេនី​យ៍​ឯក ឌី វិជ្ជា ថា សំណូមពរដល់សមត្ថកិច្ចប៉ូលិស តាមបណ្តាខេត្ត ដែលមានស្ថានភាពបើកបរបំពានមកលើគំនូសអាទិភាពរបស់គេបែបនេះ មេត្តាបញ្ចេញកណ្តាប់ដៃ ចុះទៅថតស្លាកលេខរថយន្ត ដែលបានបំពានអស់នោះ ហើយសរសេរបង្កាន់ដៃផាកពិន័យជាទម្ងន់ ដល់ម្ចាស់យានយន្តទាំងនោះផង»។

មន្ត្រីជាន់ខ្ពស់នគរបាលជាតិរូបនេះ​ បានលើកឡើងថា ប្រសិនបើមិនមានការព្រមាន ដោយផាកពិន័យបែបនេះទេ នោះគឺបញ្ហាដដែលៗ វានឹងនៅតែកើតឡើងលើទ្រូងផ្លូវ របស់ប្រទេសយើងជាក់ជាមិនខាន ហើយវិធានខាងលើនេះ គឺជាសំណូមពររបស់មហាជនភាគច្រើន ដែលពួកគាត់និយម បើកបរគោរពច្បាប់ចរាចរណ៍។

គួរកត់សម្គាល់ថា នៅពេលមានពិធីបុណ្យទានម្ដងៗ ឬនៅពេលមានការឈប់សម្រាកច្រើនថ្ងៃ គឺប្រជាពលរដ្ឋបានចេញដើរលេងកម្សាន្ដ នៅតាមរមណីដ្ឋាននានានៅក្នុងប្រទេសកម្ពុជា។ នៅពេលមានការចេញដើរហើរច្រើនបែបនេះ ក៏ធ្វើឲ្យមានការកកស្ទះចរាចរណ៍កើតឡើងផងដែរ ដោយមានអ្នកបើកបររថយន្តខ្លះ បានបើកចូលទៅគន្លងរបស់អ្នកបើកបរដទៃ ដែលបើកបរបញ្ច្រាសទិសគ្នា ដែលឲ្យធ្វើមានការកកស្ទះខ្លាំង ពិបាកធ្វើដំណើរតែម្ដង៕

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​​

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា១០ នាទី មុន

ជម្រើសជាតិ​អេ​ក្វា​ឌ័​រ ប្រឈម​នឹង​ការ​ដក​ចេញពី​ការប្រកួត World Cup 2022

ព័ត៌មានជាតិ១៦ នាទី មុន

កងទ័ពជើងគោក នៃ​កង​យោធពល​ខេមរភូមិន្ទ ទទួល​អំណោយ​រថយន្ត​ពន្លត់​អគ្គិភ័យ​៣គ្រឿង ពី​ស្ថាន​កុងស៊ុល​កិត្តិយស​កម្ពុជា​ប្រចាំ​តំបន់​សេន​ដៃ នៃ​ប្រទេស​ជប៉ុន និង​សប្បុរស​ជប៉ុន

ព័ត៌មានជាតិ១ ម៉ោង មុន

សមត្ថកិច្ច​ចុះបង្ក្រាបបទល្មើសនេសាទ​នៅស្រុកជល់គីរី​កម្ទេចរបាំងសាច់អួន​១ ពាន់ម៉ែត្រ​​

ជីវិតកម្សាន្ដ១ ម៉ោង មុន

ល្បីថា តួឯកប្រុសក្នុងរឿង “កប៉ាល់ Titanic” លួចទាក់ទងស្នេហាជាមួយតារាបង្ហាញម៉ូដ Gigi Hadid

ចរាចរណ៍២ ម៉ោង មុន

រថយន្តដឹកទំនិញបុករថយន្ដ ២ គ្រឿង នៅផ្លូវជាតិលេខ ៤

Sokha Hotels

ព័ត៌មានពេញនិយម