Connect with us

ព័ត៌មានជាតិ

លោក ធូ ស៊ុន ៖ កិច្ចការសំខាន់ គឺរួមគ្នាព្យាបាល និងស្តារនីតិសម្បទា ដល់ជនរងគ្រោះ ដោយសារគ្រឿងញៀន

បានផុស

នៅ

ក្នុងនាមតំណាង ឲ្យរដ្ឋមន្ត្រីក្រសួងសង្គមកិច្ច អតីតយុទ្ធជន និងយុវនីតិសម្បទា លោក ធូ ស៊ុន រដ្ឋលេខាធិការ បានថ្លែងអរគុណ ចំពោះអាជ្ញាធរជាតិប្រយុទ្ធប្រឆាំងគ្រឿងញៀន និងអង្គភាពពាក់ព័ន្ធទាំងអស់ ដែលបានយកចិត្តទុកដាក់គិតគូរ ដល់ការងារប្រយុទ្ធប្រឆាំងគ្រឿងញៀន ជាពិសេសលើការងារព្យាបាល និងស្តារនីតិសម្បទាដល់ជនរងគ្រោះ ដោយសារគ្រឿងញៀន ហើយនេះគឺជាការងារដ៏សំខាន់រួមគ្នា ដើម្បីជួយពួកគេបានជាសះស្បើយ ក្លាយជាប្រជាពលរដ្ឋល្អ ចូលរួមចំណែកជួយសង្គមឲ្យមានការរីកចំរើន និងមានសុវត្ថិភាព។ 

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋលេខាធិការ ក្រសួងសង្គមកិច្ច អតីតយុទ្ធជន និងយុវនីតិសម្បទា លោក ធូ ស៊ុន ថ្លែងបែបនេះនារសៀលថ្ងៃទី ២៦ ខែមករា ឆ្នាំ ២០២២ ក្នុងកិច្ចប្រជុំការងារពាក់ព័ន្ធ មណ្ឌលយុវនីតិសម្បទា កណ្តាលស្ទឹង មជ្ឈមណ្ឌលជាតិ ព្យាបាល និងស្តារនីតិសម្បទា អ្នកញៀនគ្រឿងញៀន ក្រាំងធ្នង់ និងមជ្ឈ​មណ្ឌលជាតិព្យាបាល និងស្តារនីតិសម្បទា អ្នកញៀនគ្រឿង ញៀនដោយស្ម័គ្រចិត្ត និងផ្អែកលើសហគមន៍ កែវផុស។

លោក ធូ ស៊ុន បានថ្លែងថា កិច្ចការសំខាន់ គឺរួមគ្នាព្យាបាល និងស្តារនីតិសម្បទា ដល់ជនរងគ្រោះដោយសារគ្រឿង ញៀន ដើម្បីពន្លឺនៃអនាគត់ពួកគេ ហើយយើងក៏មានអគារល្អៗ ជាច្រើន ក្រោយដំណើរ​ការសាងសង់ អស់រយ:ពេលជាង ៣ឆ្នាំរួចមក អាជ្ញាធរជាតិប្រយុទ្ធប្រឆាំងគ្រឿងញៀន បានធ្វើពិធីប្រគល់នូវអគារ សម្ភារៈ បរិក្ខារ និងហេដ្ឋារចនាសម្ព័ន្ធ ក្នុងបរិវេណមជ្ឈមណ្ឌលជាតិ ផ្តល់សេវាព្យាបាលដោយស្ម័គ្រចិត្ត និងផ្អែកលើសហគមន៍ ដល់អ្នកញៀនគ្រឿងញៀន ដែលមានទីតាំងនៅភូមិឬទ្ធី ២ ឃុំកែវផុស ស្រុកស្ទឹងហាវ ខេត្តព្រះសីហនុ ជូនដល់ក្រសួងសង្គមកិច្ច អតីតយុទ្ធជន និងយុវនីតិសម្បទា ដើម្បីធ្វើការគ្រប់គ្រងស្របតាមទិសដៅ និងគោលនយោបាយ របស់រាជរដ្ឋាភិបាល ផងដែរ។

លោក ធូ ស៊ុន រដ្ឋលេខាធិការ បានថ្លែងអំណរគុណ ដល់ប្រទេសជាមិត្ត សប្បរសជន និងអាជ្ញាធរជាតិប្រយុទ្ធប្រឆាំងគ្រឿងញៀន ក្រោមការដឹកនាំ របស់លោកនាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី និងជាប្រធានអាជ្ញាធរជាតិប្រយុទ្ធប្រឆាំងគ្រឿងញៀន ដែលបានយកចិត្តទុកដាក់គិតគូរ ដល់ការងារប្រយុទ្ធប្រឆាំងគ្រឿងញៀន ជាពិសេសលើការងារព្យាបាល និងស្តារនីតិសម្បទា ដល់ជនរងគ្រោះ ដោយសារគ្រឿងញៀន ដើម្បីពួកគេបានជាសះស្បើយ ក្លាយជាប្រជាពលរដ្ឋល្អ ចូលរួមចំណែកជួយសង្គម ឲ្យមានការរីកចំរើន និងមានសុវត្ថិភាព៕

អត្ថបទ៖ វិមាន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម