ព័ត៌មានជាតិ

ក្រុមហ៊ុនសាងសង់ផ្លូវជាតិលេខ២ សុំពន្យាពេលធ្វើផ្លូវ ខណៈលទ្ធផលយឺតជាងផែនការ

បានផុស

៤ years មុន

នៅ

ថ្ងៃពុធ ៩ កុម្ភៈ ២០២២

ដោយ

ការស្ថាបនា កំណាត់ផ្លូវជាតិលេខ ២ គិតមកដល់ពេលនេះទើបតែសម្រេចបាន ជិត ៥០ ភាគរយ (៤៧,៩៥) ដែលជាការស្ថាបនាយឺតយ៉ាវជាងផែនការ ខណៈដែលក្រុមហ៊ុនសាងសង់ បានស្នើសុំពន្យាពេល ៤ ខែបន្ថែមទៀត ដោយសារខ្វះគ្រឿងចក្រសាងសង់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកទេសរដ្ឋមន្ត្រី ស៊ុន ចាន់ថុល រដ្ឋមន្រ្តីក្រសួងសាធាណរការនិងដឹកជញ្ជូន មានប្រសាសន៍នៅថ្ងៃទី ៩ ខែកុម្ភៈ ឆ្នាំ ២០២២ នេះថា ផ្លូវជាតិលេខ ២ កំពុងជួសជុល មានការយឺតយ៉ាវមិនទាន់ផែនការហើយពេលនេះក្រុមហ៊ុនសាងសង់ បានស្នើសុំពន្យាពេលប្រមាណជា ៤ ខែ បន្ថែមទៀត ដោយអះអាងថាកំពុងខ្វះសម្ភារ គ្រឿងចក្រ ហើយក្រសួងសាធារណការ និងដឹកជញ្ជូន កំពុងត្រួតពនិត្យសំណើ លក្ខណៈបច្ចេកទេស និងហេតុផលនៃការសុំពន្យាពេលឱ្យក្រុមហ៊ុនសាងសង់។

តាមគម្រោង ការស្ថាបនាផ្លូវជាតិលេខ២ នឹងបញ្ចប់នៅខែមេសា ឆ្នាំ២០២២ ប៉ុន្តែមកដល់ពេលនេះ ទើបតែសម្រេចលទ្ធផលបាន ៤៧,៩៥ ភាគរយ។

ផ្លូវជាតិលេខ ២ មានប្រវែងសរុបចំនួន៦២,៥៦គីឡូម៉ែត្រ គិតចាប់ពីរង្វង់មូលតាខ្មៅ-អូរចំបក់ ដល់រង្វង់មូលក្រុងដូនកែវ ខេត្តតាកែវ និងផ្លូវជាតិលេខ ២២ មានប្រវែងសរុបចំនួន ៩,៦១ គីឡូម៉ែត្រ ចាប់គិតពីរង្វង់មូលក្រុងដូនកែវ ដល់អង្គតាសោមផ្លូវជាតិលេខ ៣ ទទួលខុសត្រូវស្ថាបនាដោយក្រុមហ៊ុនកូរ៉េ Hanshin ដែលប្រើប្រាស់រយៈពេល៣០ខែ គ្រោងបញ្ចប់នៅខែមេសា ឆ្នាំ២០២២៕