ព័ត៌មានជាតិ
ប្រាសាទគូរមានអណ្ដូងទឹកអម្រឹតត្រូវបានប្រជាពលរដ្ឋរក្សាទុកតាមជំនឿព្រះពុទ្ធសាសនា
អណ្តូងទឹកអម្រឹតនៅតំបន់ប្រាសាទគូរត្រូវបាន ប្រជាពលរដ្ឋនៅភូមិកំភុន ស្រុកសេសាន ខេត្តស្ទឹងត្រែងនាំគ្នាសម្អាតបរិស្ថាន ដើម្បីលើកកម្ពស់ការអភិរក្ស និងបានធ្វើបុណ្យតាមប្រពៃណីនិងជំនឿ សាសនានៅមុនពេលបុណ្យចូលឆ្នាំប្រពៃណីជាតិខ្មែរយើងចូលមកដល់។
លោកស្រី អន យ៉ន ប្រជាពលរដ្ឋរស់នៅភូមិនេះបានបញ្ជាក់ថា មុនចូលឆ្នាំប្រពៃណីជាតិខ្មែរ ជារៀងរាល់ឆ្នាំ បងប្អូននៅតំបន់នេះ តែងតែនាំគ្នាមកបោសសំអាតទីកន្លែងអណ្តូងទឹកអម្រឹតនេះ ដើម្បីរៀបចំធ្វើពិធីផ្សេងៗទៅតាមទំលាប់ពីដូនតាមក។
លោកស្រីបញ្ជាក់ថា ប្រជាពលរដ្ឋនៅមានជំនឿថានៅពេលបានមកប្រារព្វធ្វើពិធីបុណ្យម្តងៗតែងតែផ្តល់សេចក្តីសុខ សប្បាយដល់កូនចៅនិងដំណាំដាំដុះ ក៍បានភោគផលច្រើនដែរ អញ្ចឹងចង់ឲ្យស្តារឡើងវិញ ដើម្បីប្រជាពលរដ្ឋ នៅភូមិឃុំនេះគោរពបូជា សុំសេចក្តីសុខសេចក្តីចម្រើនសម្រាប់កូនចៅទៅអនាគត់ទៀត។
លោក ខាំ អ៊ីនបានបញ្ជាក់ថា ប្រពៃណីនេះមានតាំងពីដើមមកមែន គ្រាន់តែបច្ចុប្បន្ននៅមិនទាន់មានអ្នកមករៀបចំអភិរក្សនិងគ្រប់គ្រងឲ្យបានត្រឹមត្រូវនៅឡើយ ទើបបងប្អូនប្រជាពលរដ្ឋចេះតែនាំគ្នាមកសំអាត ដើម្បីឲ្យកូនចៅជំនាន់ក្រោយរៀនធ្វើតាម។
លោកអះអាងថា កិច្ចការងារនេះលោកចង់ឲ្យអាជ្ញាធររួមគ្នាជាមួយមន្ទីរពាន់ពន្ធ័រួមនិងព្រះសង្ឃរៀបចំគណៈកម្មការគ្រប់គ្រង ដើម្បីអភិវឌ្ឍន៍តំបន់ប្រសាទសំរាប់បំរើឲ្យវិសយ័ទេសចរណ៍ផងនិងរក្សារបាននូវប្រពៃណីផង។
អណ្ដូងអម្រឹតនេះនៅខែប្រាំងក៏មានទឹកថ្លា នៅពេលចូលឆ្នាំម្តងៗត្រូវបានគេធើវិធីគោរពបូជានិងសុំទឹកមន្តច្រកដបយកមកផ្ទះប្រស់ព្រំដើម្បីសុំសេចក្តីសុខសេចក្តីចម្រើន។
លោកឈឹមសារឿន អតីតប្រធានការិយាល័យធម្មការនិងសសាសនាស្រុកសេសានបានបញ្ជាក់ថា៖បងប្អូនប្រជាពលរដ្ឋនៅរក្សាបាននូវជំនឿនេះគឺយើងអាចរក្សាបាននូវមរតកដូនតាបានបន្សល់ទុកដូចជាប្រាសាទគូនេះ មានលក្ខណៈអំណោយផលអាចបង្កើតជាតំបន់អេកូទេសចរណ៍បែបវប្បធ៌មដើម្បីជួយលើកកម្ពស់សេដ្ឋកិច្ចដល់គ្រួសារប្រជាពលរដ្ឋរស់តាមតំបន់ឲ្យមានភាពប្រសើរឡើងតាមរយៈភ្ញៀវទេសចរមកទស្សនា។
លោក បានអំពាវនាវឲ្យមានដៃគូឯកជននៅក្នុងស្រុកមកជួយរៀបចំទីនេះ ឲ្យក្លាយទៅជាកន្លែងកំសាន្ត ដើម្បីអភិរក្ស នូវធនធានធម្មជាតិ ទប់ស្កាត់ការកាប់ព្រៃរានយកដី ការកាប់បំផ្លាញព្រៃឈើ ដោយផ្តោតទៅលើការថែរក្សាប្រាសាទគូនេះ។
តំបន់នេះមានវត្ថុបុរាណបន្សល់ទុកតាំងពីសម័យដើមមែន ដូចជាទួលប្រាសាទ សំណាកថ្មធំៗ ទីកន្លែងបន់ស្រន់ស្មុំកូន អណ្តូង៩តឹកមិនរីងត្រជាក់ដូចទឹកអម្រឹតរណ្តៅកំណប់មាសកែវកងជាដើម៕
អត្ថបទ៖ ងិនលីម
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ១ សប្តាហ៍ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត