ព័ត៌មានជាតិ

សង្ក្រាន្តខេត្តបាត់ដំបង បើកត្រៀមទទួលស្វាគមន៍ភ្ញៀវទេសចរពីគ្រប់ទិសទី

បានផុស

៤ years មុន

នៅ

ថ្ងៃសៅរ៍ ៩ មេសា ២០២២

ដោយ

រយ:ពេលប៉ុន្មានថ្ងៃនេះ គេសង្គេតឃើញថា ទាំងរដ្ឋបាលខេត្តបាត់ដំបង និងអាជ្ញាធរក្រុង រួមជាមួយនិងមន្ទីរនានា បាននិងកំពុងមមាញឹកក្នុងការតុបតែងរៀបចំទៅតាមរូបភាពដែលជាវប្បធ៌មខ្មែរ ដើម្បីត្រៀមបើកសង្ក្រាន្តបាត់ដំបង នៅក្នុងឱកាសបុណ្យចូលឆ្នាំប្រពៃណីជាតិដែលនឹងឈានចូលមកដល់នាប៉ុន្មានថ្ងៃខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រយៈពេល២ឆ្នាំកន្លងមកហើយដែលខេត្តបាត់ដំបង ក៏ដូចជាខេត្តដទៃទៀតនៅទូទាំងប្រទេសកម្ពុជា ត្រូវបានខកខានក្នុងការប្រារព្ធពិធីបុណ្យប្រពៃណីផ្សេងៗ ដោយសារតែការរាតត្បាតជំងឺកូវីដ១៩ ទើបតែនៅឆ្នាំនេះ ប្រមុខនៃរាជរដ្ឋាភិបាលបានអនុញ្ញាតឱ្យមានការរៀបចំបុណ្យចូលឆ្នាំដែលជាប្រពៃណី ទំនៀមទម្លាប់តាំងពីដូនតាមក។

ដោយសារតែបែបនេះហើយទើបរដ្ឋបាលខេត្តបាត់ដំបង បានចាប់ផ្តើមរៀបចំឱ្យទៅជាសង្ក្រាន្តបាត់ដំបង ដោយមានទាំងការលេងល្បែងប្រជាប្រិយពូនភ្នំខ្សាច់ នៅខាងមុខបរិវេណសាលាខេត្ត និងមានការរៀបចំជាស្តង់លក់ទំនិញផ្សេងៗ នៅសួនភ្លោះនាគបាញ់ទឹក ព្រមទាំងមានការកែលម្អរនូវព៌ណសម្បុរ រូបសំណាកលោកតាដំបងគ្រញូង ផងដែរ ដែលជាទីតាំងនៃការគោរពបូជា ពីសំណាក់ភ្ញៀវទេសចរណ៍ជាតិ និងអន្តរជាតិផងដែរ នៅពេលដែលគេបានឆ្លងកាត់ទឹកដីដ៏ស្រស់បវរនេះ។

ប្រជាពលរដ្ឋជាច្រើន រួមនិងមន្ត្រីរាជការក្នុងខេត្ត មានការសាទរយ៉ាងក្រៃលែងទៅនិងការអនុញ្ញាតឱ្យបើកសង្ក្រាន្តឡើងវិញនៅទូទាំងប្រទេស ដោយហេតុដូច្នេះហើយបានជាគេសង្គេតឃើញថា នៅតាមមន្ទីរនានា មានការរៀបចំតុបតែងនូវភ្លើងចម្រុះព៌ណ និងរូបភាពផ្សេងៗ ដើម្បីត្រៀមសម្រាប់ទទួលទេវតាឆ្នាំថ្មី ដែលនឹងយាងចុះនាពេលដ៏ខ្លីខាងមុខនេះ៕