ព័ត៌មានជាតិ

ទេសរដ្ឋមន្ត្រី លី ធុជ ៖ សម្តេចតេជោ ហ៊ុន សែន ដឹកនាំប្រទេសយ៉ាងរឹងមាំ ប្រកបដោយ ទស្សនវិស័យវែងឆ្ងាយ

បានផុស

៤ years មុន

នៅ

ថ្ងៃសៅរ៍ ៩ មេសា ២០២២

ដោយ

នេះជាការថ្លែងរបស់លោក លី ធុជ ទេសរដ្ឋមន្ត្រី ទទួលបន្ទុកបេសកកម្ម ពិសេស ក្នុង នាម រាជរដ្ឋាភិបាល កម្ពុជា នាល្ងាច ថ្ងៃទី ០៨ ខែ មេសា ឆ្នាំ ២០២២ ដែល បាន អញ្ជើញ ជា ភ្ញៀវ កិត្តិយស និង ថ្លែង សុន្ទរកថា ទៅកាន់ធុរកិច្ច ជន ក្នុង ឱកាស ប្រារព្ធ ពិធី អបអរ សាទរ ខួបលើកទី ១០ នៃសភាពាណិជ្ជកម្មឥណ្ឌានៅកម្ពុជា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ទេសរដ្ឋមន្ត្រី បានកោតសរសើរ ជូន ចំពោះ លោក Sandeep Majumdar ប្រធាន សភា ពាណិជ្ជកម្ម ឥណ្ឌា នៅ កម្ពុជា និង ក្រុម ប្រឹក្សា ភិបាល ដែល បាន ចូលរួម ក្នុង ការ ពង្រឹង ទំនាក់ទំនង ពាណិជ្ជកម្ម រវាង ប្រទេស ទាំង ពីរ ទទួល បាន ជោគជ័យ ។ ជាមួយ គ្នា នេះ លោក ទេសរដ្ឋមន្ត្រី បាន សម្ដែង នូវ ការអបអរសាទរខួបលើកទី ៧០ នៃទំនាក់ទំនង ជាប្រវត្តិសាស្ត្ររវាងកម្ពុជា និងឥណ្ឌា ដែល លោក ប្រាកដថា ទំនាក់ ទំនង នេះ នឹង នាំ មក នូវ ការ ធ្វើ ឲ្យ ប្រសើរ ឡើង បន្ថែម ទៀត ក្នុងការចូលរួមយ៉ាងសកម្ម សម្រាប់ វិស័យ ពាណិជ្ជកម្ម និងអាជីវកម្ម។

ក្នុងឱកាសនោះ លោក ទេសរដ្ឋមន្ត្រី បាន ថ្លែង ប្រាប់ អង្គ ពិធី ថា រាជរដ្ឋាភិបាល កម្ពុជា ដែល មាន សម្តេចអគ្គមហាសេនាបតីតេជោ ហ៊ុន សែន ជា នាយករដ្ឋមន្ត្រី មាន ការ ដឹកនាំ រឹងមាំ ប្រកបដោយ ទស្សនវិស័យ វែង ឆ្ងាយ នាំ មក នូវ សន្តិភាព និង ស្ថិរភាព ព្រមទាំង បាន បង្កើត នូវ គោល នយោបាយ ផ្តល់ ឱកាស និង បរិយាកាស យ៉ាង ច្រើន គាំទ្រ ដល់ ការ វិនិយោគ សម្រាប់ ធុរកិច្ច ជន និង ការ ទាក់ទង ការ វិនិយោគ ជិត ឆ្ងាយ មក កម្ពុជា។

ជាមួយ នឹង ការ ដឹកនាំ ដ៏ ប៉ិនប្រសប់ នេះ ប្រទេស កម្ពុជា មានផលិតផលក្នុងស្រុកកើនឡើង រយៈពេលជាងពីរ ទសវត្សរ៍ ដែល ផលិតផលមូលដ្ឋានគឺ កសិកម្ម មាន ការវិនិយោគប្រកបដោយភាពស្និទ្ធស្នាល កម្លាំងពលកម្មច្រើន លើវិស័យសហគ្រាសធុនតូចនិងមធ្យម និង ការចូលទៅកាន់ទីផ្សារអាស៊ីអាគ្នេយ៍ជាដើម។

ជាថ្មីម្តងទៀត ក្នុង នាម រាជរដ្ឋាភិបាល កម្ពុជា លោក ទេសរដ្ឋមន្ត្រី បានថ្លែងអំណរគុណយ៉ាងជ្រាលជ្រៅចំពោះ ធុរកិច្ចជន ទាំងអស់ ដែលបានជ្រើសរើសប្រទេសកម្ពុជាជាគោលដៅវិនិយោគ និង ធ្វើជាផ្ទះទីពីររបស់ខ្លួន៕