ព័ត៌មានជាតិ
ទូតស្រីលង្កា ប្តេជ្ញាជួយផ្សព្វផ្សាយពីសក្តានុពលវប្បធម៌ និងទេសចរណ៍កម្ពុជាដល់ពលរដ្ឋស្រីលង្កា
លោកស្រី Colonne Appuhamillage Chaminda Inoka Colonne ឯកអគ្គរដ្ឋទូតស្រីលង្កា (Sri Lanka)
តែងតាំងថ្មីប្រចាំកម្ពុជា បានប្តេជ្ញាថា នឹងជួយផ្សព្វផ្សាយពីសក្តានុពលវិស័យវប្បធម៌ និងទេសចរណ៍កម្ពុជាដល់ប្រជាពលរដ្ឋនៅស្រីលង្កាដើម្បីធ្វើការទាក់ទាញឱ្យពួកគេមកកំសាន្តនៅប្រទេសកម្ពុជាឱ្យបានកាន់តែច្រើនថែមទៀត។
ការប្ញេជ្ញាចិត្តរបស់លោកស្រីឯកអគ្គរដ្ឋទូតស្រីលង្កានេះ បានធ្វើឡើងនៅក្នុងជំនួបពិភាក្សាការងារជាមួយលោកស្រីបណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈនៅទីសី្តក្រសួងនៅព្រឹកថ្ងៃទី១០ ខែឧសភា ឆ្នាំ២០២២នេះ។
នៅក្នុងជំនួបនោះ លោកស្រីឯកអគ្គរដ្ឋទូតស្រីលង្កា មានបំណងចង់ឲ្យប្រជាជន និងប្រជាជនរវាងប្រទេសកម្ពុជានិងស្រីលង្កា បានស្វែងយល់ពីគ្នាទៅវិញទៅមកតាមរយៈវិស័យវប្បធម៌។ លោកស្រីបានបន្តថា ដូច្នេះមុនឈានដល់ការជំរុញកំណើនទេសចរណ៍ពីប្រទេសស្រីលង្កា មកកាន់ព្រះរាជាណាចក្រកម្ពុជា លោកស្រីឯកអគ្គរដ្ឋទូត ស្នើសុំជាឯកសារ
និងរូបភាពផ្សេងៗពាក់ព័ន្ធនឹងវិស័យវប្បធម៌ដែលអាចយកទៅផ្សព្វផ្សាយនៅប្រទេសស្រីលង្កា បង្ហាញពីសក្តានុពលវប្បធម៌ និងទេសចរណ៍របស់ប្រទេសកម្ពុជា។
ជាការឆ្លើយតបលោកស្រីបណ្ឌិតសភាចារ្យ ភឿង សកុណា សូមស្វាគមន៍ចំពោះគំនិតផ្តួចផ្តើមរបស់លោកស្រីឯកអគ្គរដ្ឋទូតស្រីលង្កា ព្រោះថា នេះជាផ្នែកមួយក្នុងការជំរុញមិនថាតែការយល់ដឹងអំពីវប្បធម៌ប៉ុណ្ណោះទេ ក៏ជាផ្នែកមួយនៃការជំរុញលើទេសចរណ៍វប្បធម៌ដែលជាផ្នែកមួយក្នុងការលើកស្ទួយសេដ្ឋកិច្ចរបស់ប្រជាជនផងដែរ។
លោកស្រីរដ្ឋមន្រី្តបានលើកឡើងថា ស្រីលង្កាជាប្រទេសកាន់ព្រះពុទ្ធសាសនាហើយវប្បធម៌រវាងប្រទេសទាំងពីរកម្ពុជា-ស្រីលង្កា គឺមានទំនាក់ទំនងជាមួយគ្នាយូរលង់ណាស់មកហើយ។ ជាពិសេសមុនវិបតិ្តកូវីដ-១៩ មានភ្ញៀវទេសចរជាច្រើន បូករួមទាំងប្រជាជនកម្ពុជាផងដែរនោះ បានអញ្ជើញទស្សនកិច្ចនៅស្រីលង្កា ដែលពាក់ព័ន្ធនឹងវិស័យព្រះពុទ្ធសាសនា ក្នុងនោះកម្ពុជា ក៏មានបំណងឲ្យស្រីលង្កា អញ្ជើញមកទស្សនកិច្ចនៅកម្ពុជា លើវិស័យវប្បធម៌ផងដែរ ព្រោះថាសក្តានុពលកម្ពុជា គឺមានប្រាង្គប្រាសាទជាច្រើន។
គួរបញ្ជាក់ថា នៅក្នុងជំនួបទ្វេរភាគីនេះ លោកស្រីរដ្ឋមន្រី្ត និងលោកស្រីឯកអគ្គរដ្ឋទូតស្រីលង្កា ក៏បានពិភាក្សា និងផ្លាស់ប្តូរបទពិសោធន៍គ្នាជាច្រើនទៅលើវិស័យភាពយន្ត សិល្បៈ ជាពិសេសក្នុងឆ្នាំ២០២២នេះ កម្ពុជា-ស្រីលង្កាសិក្សាលើទិដ្ឋភាពរួមក្នុងការប្រារព្ធពិធីអបអរសាទរខួបការទូតរវាងប្រទេសទាំងពីរ៕
អត្ថបទ៖ សំអឿន
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន