ក្រសួងអប់រំបើកការប្រកួតនិយាយសាធារណៈ ស្តីពីការបង្ការការប្រើប្រាស់ថ្នាំជក់នៅតាមគ្រឹះស្ថានសិក្សា

ក្រសួងអប់រំ យុវជន និងកីឡា សហការជាមួយអង្គការចលនាដើម្បីសុខភាពកម្ពុជា នឹងរៀបចំកម្មវិធីប្រកួតនិយាយសាធារណៈស្តីពីការបង្ការការប្រើប្រាស់ថ្នាំជក់នៅតាមគ្រឹះស្ថានសិក្សា។

យោងតាមសេចក្តីជូនដំណឹងរបស់ក្រសួងអប់រំ យុវជន និងកីឡា ចុះថ្ងៃទី៣០ ខែឧសភានេះ បានឱ្យដឹងថា កម្មវិធីប្រកួតនិយាយសាធារណៈនេះលើប្រធានបទ “បង្ការការប្រើប្រាស់ថ្នាំជក់” ក្នុងចំណោមសិស្ស និស្សិត នៅតាមគ្រឹះស្ថានសិក្សាក្នុងគោលបំណងដើម្បីផ្សព្វផ្សាយផលប៉ះពាល់ នៃការចាប់ដៃគូរវាងគ្រឹះស្ថានសិក្សាជាមួយឧស្សាហករថ្នាំជក់ផ្សព្វផ្សាយសេចកីណែនាំរបស់ក្រសួងអប់រំយុវជន និងកីឡាស្ដីពីការហាមឃាត់ការប្រើប្រាស់ការផ្សព្វផ្សាយពាណិជ្ជកម្មការតាំងលក់ផលិតផលថ្នាំជក់និងកិច្ចសហការជាមួយឧស្សាហកម្មថ្នាំជក់ផ្ដល់ឱកាសឲ្យយុវជនបញ្ចេញសមត្ថភាពក្នុងការនិយាយសាធារណៈ។

ក្រសួងអប់រំបានបន្តថា កម្មវិធីនេះធ្វើឡើងក្រោមប្រធានបទ ហេតុអ្វីបានជាគ្រឹះស្ថានសិក្សាមិនត្រូវចាប់ដៃគូជាមួយក្រុមហ៊ុនថ្នាំជក់ ហើយសំណេរត្រូវផ្ដោតលើ៤ចំណុចដូចខាងក្រោម៖

១.ផលប៉ះពាល់នៃការប្រើប្រាស់ថ្នាំជក់ ២.តើក្រុមហ៊ុនថ្នាំជក់ទាក់ទាញឱ្យការប្រើប្រាស់ថ្នាំជាពិសេសយុវជនដោយរបៀបណាខ្លះ? ៣.តើក្រសួងអប់រំយុវជននិងកីឡាមានសេចក្តីណែនាំដូចម្តេចខ្លះអំពីកិច្ចសហការជាមួយឧស្សាហករថ្នាំជក់ ៤.ហេតុអ្វីបានជាគ្រឹះស្ថានសិក្សាមិនត្រូវចាប់ដៃគូជាមួយក្រុមហ៊ុនថ្នាំជក់សុំ។

ចំពោះលក្ខខណ្ឌចូលរួមប្រកួតបេក្ខជនត្រូវមានអាយុចាប់ពី១៥ឆ្នាំ-៣០ឆ្នាំ ហើយអត្ថបទដែលបេក្ខជនបានសរសេររួច
ត្រូវផ្ញើមកក្រុមការងារតាមរយៈតេលេក្រាមលេខ៖ 012 987 469 ឬ 0963113957 ឬ 012 727 533 និងអត្ថបទត្រូវសរសេរដោយកុំព្យូទ័រនិងទំហំក្រដាសអេហ្វនិងពុម្ភអក្សេខ្មែរអូអេសសៀមរាប 12និងមិនលើសពីពីរទំព័រឡើយ។ការទទួលអត្ថបទចាប់ពីថ្ងៃនេះរហូតដល់ថ្ងៃទី៣០ ខែមិថុនា ឆ្នាំ២០២២។ ចំណែកអ្នកឈ្នះជ័យលាភីចំណាត់ថ្នាក់លេខ១នឹងទទួលបានថវិកា១លានរៀល និងកុំព្យូទ័រមួយគ្រឿង ជ័យលាភីលេខ២ថវិកា៨០ម៉ឺនរៀល កុំព្យូទ័រមួយគ្រឿង ជ័យលាភីលេខ៣ថវិកា៦០ម៉ឺនរៀល និងទូរសព្ទដៃមួយគ្រឿង។ អ្នកជាប់លេខ៤និងលេខ៥ទទួលបានរង្វាន់លើកទឹកចិត្តម្នាក់ថវិកា៤០ម៉ឺនរៀល៕

អត្ថបទ៖ សំអឿន