ខ្យល់កន្រ្តាក់បំផ្លាញផ្ទះពលរដ្ឋ ៣៧ខ្នង នៅក្រុងសិរីសោភ័ណ

អភិបាលក្រុងសិរីសោភ័ណ លោក ហ៊ឹល រ៉ាយ៉ា បានឱ្យដឹងថា ភ្លៀងធ្លាក់មានខ្យល់កន្ត្រាក់ខ្លាំង  ធ្វើឲ្យផ្ទះប្រជាពលរដ្ឋចំនួន ៣៧ខ្នង រងការខូចខាតធ្ងន់ធ្ងរ នៅសង្កាត់ចំនួន៣ នៃក្រុងសេរីសោភ័ណ កាលពីព្រលប់ថ្ងៃទី ២៥ ខែមិថុនា។ ករណីខ្យល់កន្ត្រាក់នេះ មិនបង្កឱ្យប៉ះពាល់ដល់អាយុជីវិតមនុស្ស សត្វឡើយ។

លោក ហ៊ឹល រ៉ាយ៉ា បានប្រាប់អ្នកយកព័ត៌មានថា ផ្ទះប្រជាពលរដ្ឋដែលរងគ្រោះដោយខ្យល់កន្ត្រាក់ក្នុង៣សង្កាត់នោះ រួមមាន សង្កាត់អូរអំបិលចំនួន១ខ្នង សង្កាត់ព្រះពន្លា២៦ខ្នង លើ ៣ភូមិ និងសង្កាត់កំពង់ស្វាយចំនួន១០ខ្នង។

លោកអភិបាលក្រុង បានបន្តទៀតថា ក្រោយកើតហេតុ សមត្ថកិច្ចមូលដ្ឋាន បានចុះជួយរៀបចំ ជួសជុលផ្ទះប្រជាពលរដ្ឋ ដើម្បីជាជម្រកស្នាក់ឡើងវិញ៕ វ៉ាន់ ណាង