Connect with us

ព័ត៌មានជាតិ

ធ្វើដំណើរតាមផ្លូវល្បឿនលឿននឹងមានកាតគិតតម្លៃយានយន្តបើកបរស្រាប់

បានផុស

នៅ

​អ្នកបើកបរនៅលើផ្លូវល្បឿនលឿនត្រូវមានការទិញកាតដាក់នៅក្នុងឡានសម្រួលដល់​ការធ្វើដំណើរមិនខាតពេល​ឈប់បង់លុយដែលក្នុងកាតនោះមានលុយរួចជាស្រេច ខណៈផ្លូវល្បឿនលឿននឹងដាក់ដំណើរការឲ្យប្រើប្រាស់ជាបណ្តោះអាសន្ន នៅថ្ងៃទី១ ខែតុលា ឆ្នាំ២០២២ ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍​នៅក្នុងពេលចុះពិនិត្យវឌ្ឍនភាព ផ្លូវល្បឿនលឿន ភ្នំពេញ-ក្រុងព្រះសីហនុ (Expressway PP-SHV) នៅថ្ងៃទី១៩ ខែកក្កដា ឆ្នាំ២០២២ នេះ បានគូសបញ្ជាក់ឲ្យដឹងថា ចំពោះយាន្តយន្តដែល​បើកបរ​លើផ្លូវ​ល្បើនលឿនត្រូវទិញកាតដាក់ក្នុងឡាន ដើម្បីងាយស្រួលពេលបើក​បរមិនចាំ​បាច់ឈប់​នោះទេ ព្រោះមានម៉ាស៊ីនអាចចាប់យកលេខកាត និងស្លាកលេខរថយន្ត ហើយនៅពេល​ដែលអ្នក​បើករថយន្តចង់ចេញឬផ្លាស់ផ្តូរទិសទៅកន្លែងណាមួយចុះកន្លែងទី១ក្នុងតម្លៃផ្សេង ទី២ក្នុងតម្លៃផ្សេង និងទី៣គិតក្នុងតម្លៃផ្សេង។

លោកទេសរដ្ឋមន្ត្រីបញ្ជាក់ថា ក្នុងករណីដែលមិនមានកាត នោះពេលបើកបរ​មកដល់នឹង​មានភ្នាក់​ងារចាំឲ្យកាតមួយ ដែលអាចដឹងថារថយន្តនៅទីតាំងណាមួយ ហើយពេលចេញត្រូវ​ឲ្យកាតនោះ​ទៅគេវិញ គេនឹងគិតពីតម្លៃទៅតាមចម្ងាយផ្លូវដែលបានបើកបរ។

លោកក៏បានបញ្ជាក់ដែរថាសម្រាប់កាតវិញអាចរកទិញបាននៅធនាគារគ្រប់ទីកន្លែងដែលក្រសួង និងសហការជាមួយធនាគារទាំងអស់នៅកម្ពុជា។

ជាមួយគ្នានេះ សម្រាប់ទ្វាទិសនៅលើផ្លូវល្បឿនលឿនមាន៦កន្លែង ដែលបូកនឹងកន្លែង​ចេញចូល២​កន្លែងទៀត មាន​៨កន្លែង និងមិនអនុញ្ញាតឲ្យបើកបរបត់បញ្ច្រាស់មកវិញនោះទេ ព្រោះវានឹងអាច​បង្កឲ្យមានគ្រោះថ្នាក់ចរាចរណ៍ ហើយក្រសួងនឹងធ្វើសេចក្តីផ្សព្វផ្សាយណែនាំ នៅពេលឆាប់ៗនេះពី​ការបើកបរនៅលើផ្លូវល្បឿនលឿន៕

អត្ថបទ៖ ឌឿន ចាន់ថារី

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៤ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៤ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម