ព័ត៌មានជាតិ
ម្ចាស់សិប្បកម្មច្នៃស្រាពីមៀនប៉ៃលិនមានមហិច្ឆតាពង្រីកអាជីវកម្មទៅជារោងចក្រ និងនាំចេញទៅបរទេស
ម្ចាស់សិប្បកម្មស្រាមៀនប៉ៃលិន លោក វួច ធុច ផលិតស្រាចេញពីផ្លែមៀន លើកដំបូងនៅក្នុងប្រទេសទទួលបានការគាំទ្រច្រើនពីអតិថិជន។
លោក វួច ធុច បានចាប់ផ្ដើមសិក្សាច្នៃមៀនទៅជាស្រាម្ដងរួចហើយនៅឆ្នាំ ២០០៨ នៅឆ្នាំ តែមិនបានជោគជ័យ ហើយលោកក៏ផ្អាកធ្វើ។
បន្ទាប់មកលោកក៏ចាប់ផ្ដើមសិប្បកម្មឡើងវិញនៅឆ្នាំ ២០១៨ បន្ទាប់ពីលោកទទួលបានបទពិសោធន៍ខ្លះៗពីជនជាតិ ស្កុតឡែន ម្នាក់ ដែលធ្វើដំណើរទៅខេត្តប៉ៃលិន។
លោក វួច ធុច ប្រាប់កម្ពុជាថ្មីថា ដោយសារកង្វះទុនលោកបានពន្យាពេលរហូតដល់ឆ្នាំ ២០១៨ ទើបសម្រេចចិត្តបង្កើតសិប្បកម្មស្រាមៀនប៉ៃលិនជាលក្ខណៈគ្រួសារដែលផលិតបានត្រឹមតែ ២ ពាន់ដបនៅវគ្គដំបូង។
លោក វួច ធុច «ក្នុងឆ្នាំ ២០១៨ យើងផលិតបាន ២ ពាន់ដប យើងលក់នៅបុណ្យសមុទ្រ នៅខេត្តកោះកុង កម្មវិធីបើកសម្ពោធវិមានឈ្នះឈ្នះ និងការតាំងពិព៌ណនៅខេត្តសៀមរាបចឹងក៏លក់អស់»។
បន្ទាប់ពីរូបលោកលក់អស់ហើយនៅវគ្គដំបូងនោះលោកក៏បានផ្អាកទៀត នៅពេលដែលជំងឺកូវីដ១៩ ចូលមកដល់ ខណៈក្រសួងបានតម្រូវឱ្យលោកទៅស្នើសុំអាជ្ញាបណ្ណដោយសារសិប្បកម្មរបស់លោក ជាកន្លែងកែច្នៃអាហារវេចខ្ចប់បានល្អ។
នៅឆ្នាំ ២០២០-២០២១ លោកបានបន្តផលិតម្ដងទៀតចំនួន ៤ ពាន់ដប ហើយបានលក់ដាច់អស់ហើយ ខណៈដែលបច្ចុប្បន្នលោកផលិតបានរហូតដល់ ១ ៥០០០ ដប។
ទៅថ្ងៃអនាគត លោកចង់ពង្រីកសិប្បកម្មស្រាមៀនរបស់ខ្លួនឱ្យទៅជារោងចក្រដែលមានស្ដង់ដារ ដើម្បីជួយកសិករដាំមៀនឱ្យបានកាន់តែច្រើន ខណៈឆ្នាំនេះសិប្បកម្មរបស់លោកប្រមូលទិញផ្លែមៀនរាយប្រមាណ ៣០ តោនពីកសិករ។ ទន្ទឹមនឹងនេះ លោកក៏មានបំណងនាំចេញស្រាមៀនប៉ៃលិនទៅកាន់ទីផ្សារអន្តរជាតិផងដែរ។
សិប្បកម្មស្រាមៀនប៉ៃលិន បានចូលរួមមួយផ្នែកជួយដល់កសិករដាំមៀន ខណៈដែលកសិករដាំមៀននៅសល់នៅលើទីផ្សារសឹងតែរាល់ឆ្នាំ ម្យ៉ាងទៀតក៏ជួយឱ្យពលរដ្ឋនៅមូលដ្ឋានមានការងារធ្វើ។
ផលិតផលស្រាមៀនប៉ៃលិន ត្រូវបានឆ្លងកាត់ការធ្វើតេស្តពីមន្ទីរពិសោធន៍ របស់ក្រសួងឧស្សាហកម្ម និងរចនាឡូហ្គូជាបន្តបន្ទាប់។
បរិមាណផ្លែមៀនរាយ ១ តោន អាចផលិតស្រាបាន ៥០០ ដប ផ្លែមៀនល្អ អាចផលិតបានរហូតដល់ ១ ០០០ ដបក្នុងបរិមាណមៀន ១ តោនដូចគ្នា។ ស្រាមៀនប៉ៃលិនមានតម្លៃ ៦ ម៉ឺនរៀល (១៥ដុល្លារ) ១ ដបនាពេលបច្ចុប្បន្ន៕
អត្ថបទ៖ ឡេង ដេត
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៧ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ១ សប្តាហ៍ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង
-
ព័ត៌មានអន្ដរជាតិ១ សប្តាហ៍ ago
ថ្ងៃពិសេសកូនប្រុសម្ដង ភរិយាសេដ្ឋី Ambani ពាក់គ្រឿងអលង្ការតម្លៃ ៦៦.៥ លានដុល្លារបង្អួតភ្នែកមហាជន