Connect with us

ព័ត៌មានជាតិ

ផ្លូវជង្ហុក សំបុកមាន់ ក្នុងខេត្តព្រះវិហារ នឹងសម្រុកបញ្ចប់ជួសជុល មុនរដូវ​បុណ្យភ្ជុំបិណ្ឌ

បានផុស

នៅ

កំណាត់ផ្លូវជាតិមួយចំនួន ដែលទទួលរងការខូចខាត ដូចជា ជង្ហុក សំបុកមាន់ នៅក្នុងភូមិសាស្ត្រខេត្តព្រះវិហារ ដែលស្ថិតនៅក្រោមការគ្រប់គ្រងរបស់មន្ទីរសាធារណការ និងដឹកជញ្ជូនខេត្តព្រះវិហារ ក្រុមការងារថែទាំ បាន និងកំពុងសម្រុកធ្វើការជួសជុលយ៉ាងសកម្ម ដោយសម្រុកធ្វើឱ្យអស់ នៅមុនរដូវបុណ្យភ្ជុំបិណ្ឌចូលមកដល់ខាងមុខនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក សំ លាងទ្រី ប្រធានមន្ទីរសាធារណការ និងដឹកជញ្ជូនខេត្តព្រះវិហារ បានអោយដឹងថា ផ្លូវជាតិដែលគ្រប់គ្រងដោយមន្ទីរសាធារណការ និងដឹកជញ្ជូនខេត្តព្រះវិហារ ពិសេសផ្លូវជាតិ ៦២ ក្រុមការងារថែទាំ កំពុងសម្រុកធ្វើការជួសជុល ចាប់ពីព្រំប្រទល់ខេត្តកំពង់ធំ បន្តបន្ទាប់រហូតមកដល់រង្វង់មូលស្រអែម។ និយាយជារួមផ្លូវដែលគ្រប់គ្រងដោយមន្ទីរសាធារណការ និងដឹកជញ្ជូនខេត្តព្រះវិហារ រួមទាំង ផ្លូវជាតិលេខ៦៤ ផ្លូវជាតិលេខ៩ និងផ្លូវចូលទីប្រជុំជនស្រុករវៀង ក្រុមការងារមន្ទីរនឹងធ្វើការលុបជង្ហុក សំបុកមាន់ ឱ្យអស់មុនរដូវបុណ្យភ្ជុំបិណ្ឌចូលមកដល់ខាងមុខនេះ។

ដោយឡែកចំពោះផ្លូវក្រាលក្រួសក្រហម មន្ទីរនឹងធ្វើការជួសជុល ធ្វើយ៉ាងណាឱ្យប្រជាពលរដ្ឋរស់នៅក្នុងខេត្តព្រះវិហារ ក៏ដូចជាភ្ញៀវទេសចរណ៍ជាតិ អន្តរជាតិមកលេងខេត្តព្រះវិហារ ធ្វើដំណើរបានស្រួលផងដែរ៕

អត្ថបទ៖ ស្រីរ័ត្ន

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម