Connect with us

ព័ត៌មានជាតិ

លោក ហេង រតនា៖ ជំនឿខុសគោលដៅ ក្លាយជាវិបត្តិសង្គម នាំគ្រោះដល់ជាតិ បើគ្មានវិធានការ ទាន់ពេលវេលា​

បានផុស

នៅ

នាយកមជ្ឈមណ្ឌល​សកម្មភាព​កំចាត់មីន​កម្ពុជា​ហៅកាត់ថា ​ស៊ីម៉ាក់ CMAC លោក ហេង រតនា កាលពីថ្ងៃពុធ បានក្រើនរំលឹកថា ការសាបព្រោះវប្បធម៌​ សីលធម៌ និងជំនឿ​ខុសគោលដៅ​ ដេីម្បីផ្លាស់ប្តូរឥរិយាបថ ​និងសណ្តាប់ធ្នាប់សង្គម អាចនឹងក្លាយជាវិបត្តិដល់សង្គមជាតិ ប្រសិនបើគ្មានវិធានការទប់ស្កាត់ទាន់ពេលវេលាទេនោះ។  

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ហេង រតនា ក្រើនរំលឹកបែបនេះ បន្ទាប់ពីលោក ខឹម វាសនា ប្រធានគណបក្សសម្ព័ន្ធដើម្បីប្រជាធិបតេយ្យ ដែលបានគៀរគរប្រមូលផ្ដុំសមាជិករបស់ខ្លួននៅជើងភ្នំគូលែន ក្នុងភូមិសាស្ត្រស្រុកបន្ទាយស្រី ខេត្តសៀមរាប ដោយ លោក ខឹម វាសនា ប្រកាសថា នឹងមានគ្រោះទឹកជំនន់ជន់លិចផែនដី តាមពុទ្ធទំនាយ។ ទន្ទឹមគ្នានេះ លោកក៏តាំងខ្លួនឯងជាព្រះព្រហ្មមកជួយសង្គ្រោះមនុស្សលោក រហូតធ្វើឲ្យពលរដ្ឋមួយចំនួន ជាពិសេស យុវជនសម្រេចចាកចោលគ្រួសារ ឪពុកម្ដាយ មកសម្ងំនៅជាមួយលោក ខឹម វាសនា បើទោះបីជាក្រុមគ្រួសារ ខំសំពះអង្វរឲ្យត្រឡប់ទៅផ្ទះវិញយ៉ាងណាក៏ ដោយ។

ដោយមើលឃើញសកម្មភាពនេះ លោក ហេង រតនា បានរៀបរាប់ដូច្នេះថា៖ « ការចាប់ផ្តេីមសាបព្រោះដោយមេដឹកនាំម្នាក់​ ហើយមានមនុស្សមួយក្រុមតូច​ នឹងបន្តរាលដាលដល់ហ្វូងមនុស្សដ៏ច្រេីន រហូតមិនអាចគិតស្មានដល់​បែបនេះ ប្រសិនជាគ្មានវិធានការមួយសមស្រប និងទាន់ពេលវេលាទេនោះ​ វាក៏អាចក្លាយជាវិបត្តិសង្គមមួយដ៍ធ្ងន់ធ្ងរ»។ លោក បញ្ជាក់ថា ទង្វេីស្អប់ខ្ពេីម​ឪពុកម្តាយ​ និងសង្គមជាតិខ្លួនឯងនេះ​ វាបានកេីតឡេីងពិតប្រាកដហើយនៅក្នុងសង្គមខ្មែរតាំងពីអតីតកាលរហូតដល់បច្ចុប្បន្ននេះ។

លោក រំលឹកថា នៅតែចងចាំទង្វេីឃាតករសម្លាប់ជាតិសាសន៍ឯងដ៍មហាឃោរឃៅ ​និងរលឹកនឹកលឺសម្រែកជីដូនជីតា​ ឪពុកម្តាយ បងប្អូន​ខ្លះ​ត្រូវបានកាប់សម្លាប់ដោយបងប្អូនកូនចៅរបស់ខ្លួនឯង​ផ្ទាល់យ៉ាងព្រៃផ្សៃដោយសារពួកមេដឹកនាំខ្មែរក្រហម តាមរយៈបានបណ្តុះបណ្តាលអប់រំសាបព្រោះវប្បធម៌​តស៊ូវណ្ណៈ​ បណ្ដុះគំនិតឲ្យស្អប់ខ្ពេីមក្រុមសក្តិភូមិ ក្រុមអ្នកមាន​ទ្រព្យស្ដុកស្ដម្ភ មន្ត្រីរាជការ​ និងឲ្យស្អប់ខ្ពេីមជំនឿសាសនា ជាដើម។

លោក សង្កត់ធ្ងន់ថា តាមរយៈទង្វើទាំងអស់នេះហើយ បាននាំឲ្យកម្ពុជាធ្លាក់ចូលទៅក្នុងរបបប្រល័យពូជសាសន៍ ដោយប្រជាពលរដ្ឋខែ្មរជាង ៣លាននាក់បានស្លាប់ ​ហើយសង្គមជាតិទាំងមូលត្រូវបានកម្ទេចដល់ឫសគល់ បង្កក្ដីវិនាសព្រាត់ប្រាស់ក្រុមគ្រួសារ ត្រឹមតែរយ:ពេល ៣ឆ្នាំ ៨ខែ​ ២០ថ្ងៃប៉ុណ្ណោះ៕

ដោយ៖ ធឿន វ៉ាន់សុង

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា២ ម៉ោង មុន

សំបុត្រ VIP ទស្សនាការប្រកួតរវាង Messi និង Ronaldo តម្លៃខ្ពស់កប់ក្ដោង

ព័ត៌មានជាតិ២ ម៉ោង មុន

ក​.​ប​.​ប ចុះ​ពិសោធន៍​ផលិតផល​ត្រី​ប្រ​ម៉ា​ហើម​និង​ត្រីងៀត​គ្រប់​ប្រភេទ​នៅ​ស្រុក​ក្រគរ​រក​ពុំ​ឃើញ​មាន​សារ​ធាតុគីមី

ព័ត៌មានជាតិ៣ ម៉ោង មុន

មន្ទីរសាធារណការខេត្តបន្ទាយមានជ័យចុះផ្សព្វផ្សាយច្បាប់ចរាចរណ៍ផ្លូវគោក ដើម្បី​ជំនួយស្មារតី​ដល់​អ្នកបើកបរ

ជីវិតកម្សាន្ដ៣ ម៉ោង មុន

ស្ថាប័ន Miss Grand ថៃ ប្រកាសមិនអនុញ្ញាតឱ្យអតីត Miss Universe ចូលរួមប្រកួតកម្មវិធីរបស់ខ្លួន

ព័ត៌មានជាតិ៣ ម៉ោង មុន

ទេសរដ្ឋមន្ត្រី លី ធុជ ចាត់​ទុក​ជំនួយ​របស់​ចិន គឺជា​ផ្នែក​ដ៏​សំខាន់​ក្នុង​ដំណើរការ​ឆ្ពោះទៅ​កម្ពុជា​គ្មាន​មីន​ឆ្នាំ​២០២៥

Sokha Hotels

ព័ត៌មានពេញនិយម