ព័ត៌មានជាតិ
ប្រធានរដ្ឋសភាកម្ពុជា-ឡាវ សន្យាជួយគាំទ្រគ្នាទៅវិញទៅមកនៅលើវេទិកាអន្តរសភានានា
ប្រធានរដ្ឋសភាកម្ពុជា-ឡាវ ឯកភាពគ្នាពង្រឹង និងពង្រីកកិច្ចសហប្រតិបត្តិការរវាងរដ្ឋសភាប្រទេសទាំងពីរឲ្យកាន់តែរីក ចម្រើនស្របតាមស្ថានការណ៍ជាក់ស្តែង។ ភាគីទាំងពីរ បានសន្យាជួយគាំទ្រគ្នាទៅវិញទៅមកនៅលើវេទិកាអន្តរសភានានា។ ភាគីទាំងពីរ សន្យាបែបនេះ ក្នុងជំនួបពិភាក្សាការងាររវាងសម្តេច ហេង សំរិន និងលោក សាយ សំភូន ភូមវិ ហាន កាលពីថ្ងៃទី១៤ ខែកញ្ញា នៅវិមានរដ្ឋសភាឡាវ។
សម្តេច ហេង សំរិន ប្រធានរដ្ឋសភាកម្ពុជា និងលោក សាយ សំភូន ភូមវិហាន ប្រធានរដ្ឋសភាឡាវ បានជំរុញឲ្យមន្រ្តីជំនាញពិនិត្យសិក្សាថា ត្រូវធ្វើការកែសម្រួលកិច្ចព្រមព្រៀមចាស់ ឬត្រូវបង្កើតកិច្ចព្រមព្រៀងថ្មីតែម្តង ដើម្បីធានាការឆ្លើយតបនឹងសភាពការណ៍ជាក់ស្តែងក្នុងការបម្រើផលប្រយោជន៍ដល់ប្រទេសទាំងពីរឲ្យកាន់តែស៊ីជម្រៅ និងមានប្រសិទ្ធភាពខ្ពស់ថែមទៀត។ ជាមួយគ្នានេះ ប្រមុខរដ្ឋសភាទាំងពីរ ក៏បានសន្យាខិតខំជំរុញការផ្លាស់ប្តូរដំណើរទស្សនកិច្ចផ្លាស់ប្តូរបទពិសោធគ្នាទៅវិញទៅមកឲ្យកាន់តែសកម្មឡើងនៅគ្រប់កម្រិត ជាពិសេស ថ្នាក់បច្ចេកទេសនៃអគ្គលេខាធិការដ្ឋានរដ្ឋសភាប្រទេសទាំងពីរ។
ត្រង់ចំណុចនេះ លោក សាយ សំភូន ភូមវិហាន បានសុំឲ្យរដ្ឋសភាកម្ពុជាបន្តផ្តល់អាហារូបករណ៍ដល់មន្រ្តីអគ្គលេខាធិការដ្ឋានរដ្ឋសភាឡាវបន្ថែមទៀត។ ទន្ទឹមគ្នានេះ លោក ក៏បានស្នើសុំសម្តេចប្រធានរដ្ឋសភាជួយជំរុញអ្នកវិនិយោគទុនកម្ពុជាឲ្យមកបណ្ដាក់ទុននៅក្នុងប្រទេសឡាវឲ្យបានច្រើនឡើងផងដែរ។
ក្នុងនាមរដ្ឋសភាកម្ពុជា សម្ដេច ហេង សំរិន បានទទួលយកសំណើរបស់លោកប្រធានរដ្ឋសភាឡាវ ហើយសម្ដេចបាន គូសបញ្ជាក់ថា មិត្តភាព សាមគ្គីភាពជាប្រពៃណី និងកិច្ចសហប្រតិបត្តិការរវាងបក្ស រដ្ឋ រដ្ឋាភិបាល និងប្រជាជនប្រទេសទាំងពីរ កម្ពុជា-ឡាវ ជាទ្រព្យដ៏មានតម្លៃមហាសាលដែលផ្តល់ប្រយោជន៍ដល់ការអភិវឌ្ឍសង្គមជាតិ និងការលើកកម្ពស់ជីវភាពរស់នៅរបស់ប្រជាជនទាំងពីរ៕
ដោយ៖ ធឿន វ៉ាន់សុង
-
ព័ត៌មានជាតិ១ សប្តាហ៍ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២ ថ្ងៃ ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៦ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ព័ត៌មានជាតិ៦ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សេដ្ឋកិច្ច៧ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៦ ថ្ងៃ ago
កសិដ្ឋានវៃឆ្លាតដាំដំណាំពោតលើផ្ទៃដីប្រមាណ ១ពាន់ហិកតា នៅខេត្តសៀមរាប ត្រូវបានសម្ពោធជាផ្លូវការ