ព័ត៌មានជាតិ
អ្នកផ្ទុកមេរោគអេដស៍១១០០០នាក់ទៀតនៅតែបន្តលាក់មុខមិនព្រមចេញមកព្យាបាល
មន្ត្រីជាន់ខ្ពស់នៃអាជ្ញាធរជាតិប្រយុទ្ធនឹងជំងឺអេសដ៍ បានបង្ហាញនូវការព្រួយបារម្ភថា រហូតមកដល់ពេលនេះមានអ្នកផ្ទុកមេរោគអេដស៍ប្រមាណ១១០០០នាក់ទៀតនៅតែបន្តលាក់មុខមិនព្រមចេញមកព្យាបាលជំងឺនៅឡើយទេ ដែលអាចធ្វើឱ្យប៉ះពាល់ដល់អាយុជីវិត និងបង្កហានិភ័យដល់មនុស្សផ្សេងៗទៀតផងដែរ។
លោក ឈឹម ឃិនដារ៉េត អគ្គលេខាធិការនៃអាជ្ញាធរជាតិប្រយុទ្ធនឹងជំងឺអេសដ៍បានមានប្រសាសន៍នៅព្រឹកថ្ងៃទី៧ ខែតុលា នេះថា តាមការប៉ាន់ប្រមាណតាមបែបវិទ្យាសាស្រ្ត ក្នុងឆ្នាំ២០២២នេះ នឹងមានអ្នកផ្ទុកមេរោគអេដស៍ប្រមាណជា
៧៤០០០នាក់ ហើយគិតមកដល់ត្រីមាសទី២ ឆ្នាំ២០២២ នេះ មានអ្នកផ្ទុកមេរោគអេដស៍ប្រមាណជា ៦៣ ០០០នាក់ បានមកទទួលសេវាថែទាំ និងព្យាបាលដោយឱសថប្រឆាំងនឹងមេរោគអេដស៍ (ARV) និងនៅសល់ប្រមាណជា១១
០០០នាក់ទៀតនៅមិនទាន់ដឹងពីស្ថានភាពផ្ទុកមេរោគអេដស៍នៅឡើយទេ ហើយក្នុងចំណោមអ្នកផ្ទុកមេរោគអេដស៍ទាំងនោះ អាចជាអ្នកឆ្លងកាលពីឆ្នាំមុនៗ ឬទើបនឹងឆ្លងថ្មីក្នុងឆ្នាំនេះ។
បើតាមលោក ទៀ ផល្លា អនុប្រធានអាជ្ញាធរជាតិប្រឆាំងជំងឺអេដស៍បានឱ្យដឹងដែរថា អ្នកផ្ទុកជំងឺអេដស៍ប្រមាណ១ម៉ឺន២ពាន់នាក់នោះមានអាយុចន្លោះពី៥០ ទៅ ៧០ឆ្នាំ ហើយត្រូវគេសង្ស័យថា បានឆ្លងមេរោគអេដស៍នេះយ៉ាងហោចណាស់
១០ឆ្នាំមកហើយ។
ពាក់ព័ន្ធករណីនេះដែរ លោកអគ្គលេខាធិការនៃអាជ្ញាធរជាតិប្រយុទ្ធនឹងជំងឺអេសដ៍បានបន្តទៀតថា អាជ្ញាធរជាតិប្រយុទ្ធនឹងជំងឺអេដស៍បានសហការជាមួយអង្គការដៃគូបានរៀបចំយុទ្ធសាស្ត្រមួយចំនួនដើម្បីបង្កើនការផ្សព្វផ្សាយដើម្បីធ្វើយ៉ាងណាឱ្យពួកគាត់បានយល់ហើយស្ម័គ្រចិត្តមកធ្វើតេស្ត និងព្យាបាលជំងឺ។ ព្រោះថា ប្រសិនបើពួកគាត់នៅបន្តលាក់មុខតទៅទៀតមិនព្រមចេញមកព្យាបាលទេនោះ វានឹងធ្វើឱ្យប៉ះពាល់ដល់អាយុជីវិត និងអាចបង្កហានិភ័យដល់មនុស្សផ្សេងៗទៀតផងដែរប្រសិនបើមិនបានការពារខ្លួនឱ្យបានត្រឹមត្រូវទេនោះ។
លោកបានបញ្ជាក់ថា « ដូចនេះ ដើម្បីលុបបំបាត់ចំនួនប្រមាណជា ១១០០០នាក់នេះ ចាំបាច់ត្រូវតែធ្វើយ៉ាងណាលុបបំបាត់ការឆ្លងថ្មីឱ្យដល់កម្រិតអប្បបរមាដែលតាមគោលដៅគឺក្រោម ២៥០នាក់ ក្នុងមួយឆ្នាំ និងស្វះស្វែងតាមយៈការជំរុញលើទឹកចិត្តអ្នកសង្ស័យឆ្លងមេរោគអេដស៍ឱ្យមកទទួលសេវាធ្វើតេស្តរកមេរោគអេដស៍ ដើម្បីឆាប់បាន ទទួលនូវសេវាព្យាបាល និងថែទាំងដោយឱសថប្រឆាំងនឹងមេរោគអេដស៍ទាន់ពេល»។
លោកឈឹម ឃិនដារ៉េត ក៏បានអំពាវនាវដល់អ្នកផ្ទុកជំងឺអេដស៍ប្រមាណ ១១០០០នាក់ ដែលកំពុងលាក់មុខមិនព្រមចេញមកព្យាបាល ហើយមិនដឹងរស់នៅកន្លែងណាសូមមេត្តារួសរាន់ចេញមកពិគ្រោះជាមួយក្រុមគ្រូពេទ្យដើម្បីធ្វើតេស្តរកជំងឺអេសដ៍និងព្យាបាលជំងឺឱ្យបានទាន់ពេលវេលា៕
អត្ថបទ៖ សំអឿន
-
ព័ត៌មានជាតិ១ សប្តាហ៍ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ៣ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ២ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ៦ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៥ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៥ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ