ព័ត៌មានជាតិ
ពលរដ្ឋតំបន់ព្រំប្រទល់ខេត្តប៉ៃលិន បាត់ដំបង សប្បាយចិត្ត ដែលបានរស់នៅក្នុងការគ្រប់គ្រងរបស់រដ្ឋបាលខេត្តប៉ៃលិន
ប្រជាពលរដ្ឋរស់នៅតំបន់ភ្នំដំបង និងអូរស្លេវ សង្កាត់អូរតាវ៉ៅ ក្រុងប៉ៃលិន មានក្តីសប្បាយរីករាយចិត្ត ដោយខ្លួនបានរស់នៅក្នុងការគ្រប់គ្រងរបស់រដ្ឋបាលខេត្តប៉ៃលិន។ នេះបើតាមការឲ្យដឹងពីប្រជាពលរដ្ឋ កាលពីព្រឹកថ្ងៃទី ១៨ ខែតុលា ឆ្នាំ ២០២២។
តាមប្រភពព័ត៌មានពីប្រជាពលរដ្ឋឲ្យដឹងថា ពួកគាត់ បានមករស់នៅតំបន់ភ្នំដំបង និងតំបន់អូរស្លេវ ជាច្រើនឆ្នាំមកហើយ។ ពលរដ្ឋខ្លះរស់នៅ ១០ ឆ្នាំ ឯខ្លះ ២០ ឆ្នាំ ដោយប្រកបរបរធ្វើស្រែចម្ការ ប៉ុន្តែពួកគាត់នៅតែមានក្តីកង្វល់ ដោយសារការរស់នៅមិនដឹងតំបន់គ្រប់គ្រងរដ្ឋបាលខេត្តណាមួយ រវាងខេត្តប៉ៃលិន និងខេត្តបាត់ដំបង។
ប្រភពព័ត៌មានបានបន្តថា នៅពេលធ្វើឯកសារផ្លូវច្បាប់ម្តងៗ ពួកគាត់ យកទៅដាក់កន្លែងណា ក៏គេមិនទទួលនោះដែរ ព្រោះការរស់នៅមិនច្បាស់លាស់។ ប៉ុន្តែឥឡូវនេះ ពួកគាត់សប្បាយរីករាយ នៅពេលទទួលដំណឹងថា តំបន់ដែលខ្លួនរស់នៅ ស្ថិតក្នុងការគ្រប់គ្រងរបស់រដ្ឋបាលខេត្តប៉ៃលិន។
ជាមួយក្តីសប្បាយរីករាយចិត្តនេះដែរ ពួកគាត់ ក៏បានថ្លែងអំណរគុណដល់ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា ព្រមទាំងថ្នាក់ដឹកនាំខេត្តទាំងពីរ ប៉ៃលិន បាត់ដំបង ដែលបានជួយកែសម្រួលព្រំប្រទល់ខេត្ត ពិសេសឲ្យនូវទីតាំងដែលពួកគាត់កំពុងរស់នៅ។
សូមបញ្ជាក់ថា កាលពីព្រឹកថ្ងៃទី ១៨ ខែតុលា ឆ្នាំ ២០២២ នេះ គណៈប្រតិភូរដ្ឋបាលខេត្តបាត់ដំបង ដឹកនាំដោយលោក សុខ លូ អភិបាលខេត្តបាត់ដំបង និងប្រតិភូរដ្ឋបាលខេត្តប៉ៃលិន ដឹកនាំដោយ លោកស្រី បាន ស្រីមុំ អភិបាលខេត្តប៉ៃលិន បានដឹកនាំមន្ត្រីជំនាញពាក់ព័ន្ធតាមបណ្ដាមន្ទីរសំខាន់ៗក្នុងខេត្ត និងអាជ្ញាធរស្រុក និងមូលដ្ឋានពាក់ព័ន្ធ ចុះពិនិត្យទីតាំងក្នុងភូមិសាស្ត្ររវាងខេត្តទាំងពីរ មានស្រុកកំរៀង នៃខេត្តបាត់ដំបង ជាប់ជាមួយស្រុកសាលាក្រៅ នៃខេត្តប៉ៃលិន និងស្រុកសំឡូត ជាប់ជាមួយក្រុងប៉ៃលិន នៃខេត្តប៉ៃលិន។
តាមរយៈ នៃការចុះត្រួតពិនិត្យនោះ អភិបាលខេត្តទាំង ២ បានសម្រេចឯកភាពគ្នា ដោយយកព្រំប្រទល់ នៃស្ទឹង នៅស្រុកកំរៀង នៃខេត្តបាត់ដំបង ជាប់ជាមួយស្រុកសាលាក្រៅ នៃខេត្តប៉ៃលិន និងស្រុកសំឡូត ជាប់ជាមួយក្រុងប៉ៃលិន ខេត្តប៉ៃលិន។ ក្នុងនោះបានជំរុញឲ្យគ្រប់ស្ថាប័នមន្ទីរអង្គភាពជំនាញពាក់ព័ន្ធ និងអាជ្ញាធរស្រុកនីមួយៗ ព្រមទាំងក្រុមការងារភូមិបាលស្រុក ធ្វើការពិនិត្យផ្ទៀងផ្ទាត់កែសម្រួល ដើម្បីស្រង់ទិន្នន័យ និងផ្ទៃដីព្រំប្រទល់មូលដ្ឋានទាំងនោះផងដែរ។
គួររំលឹកថា ការចុះពិនិត្យកែសម្រួលរវាងព្រំប្រទល់គ្រប់គ្រងរដ្ឋបាល នៃខេត្តបាត់ដំបង និងខេត្តប៉ៃលិន នាពេលនេះ បានធ្វើឡើងតាមបទបញ្ជា និងការណែនាំពី សម្ដេចតេជោ ហ៊ុន សែន ដោយឲ្យអភិបាលខេត្តបាត់ដំបង និងខេត្តប៉ៃលិន ត្រូវធ្វើការដោះស្រាយរឿងបញ្ហាព្រំប្រទល់តំបន់រដ្ឋបាលរវាងខេត្តទាំងពីរនេះឲ្យបានច្បាស់លាស់ ក្នុងរយៈពេល ២ សប្ដាហ៍ ត្រូវតែធ្វើឲ្យរួចរាល់។ ក្នុងនោះ សម្ដេច បានបញ្ជាឲ្យអភិបាលខេត្តបាត់ដំបង និងខេត្តប៉ៃលិន ត្រូវពន្លឿននីតិវិធីបែងចែកភូមិសាស្ត្រព្រំប្រទល់រដ្ឋបាលរវាងខេត្តទាំងពីរ ឲ្យបានច្បាស់លាស់ ដើម្បីផ្តល់ភាពងាយស្រួលដល់ប្រជាពលរដ្ឋ មានសិទ្ធិស្របច្បាប់លើទីតាំងដែលកំពុងរស់នៅបច្ចុប្បន្ន។ បន្ថែមពីនោះ ក៏ដូចជាដើម្បីផ្តល់ភាពងាយស្រួលដល់ប្រជាពលរដ្ឋក្នុងការចុះឈ្មោះបោះឆ្នោត ជាពិសេសផ្តល់ភាពស្របច្បាប់ក្នុងការកាន់កាប់ដីធ្លីដល់ពលរដ្ឋកំពុងតែរស់នៅតំបន់នោះ៕
អត្ថបទ ៖ សេង សុវណ្ណារិទ្ធ
ស្នងការខេត្តបន្ទាយមានជ័យ ៖ បុណ្យចូលឆ្នាំថ្មីខាងមុននេះ ហាមច្រកទឹកក្នុងថង់ គប់ដាក់គ្នា
Update! សង្ស័យផ្ដើមពីផ្ទុះធុងហ្គាស ទើបឆេះឃ្លាំងរោងចក្រ៣ រាលដាលដល់ផ្ទះពលរដ្ឋ០៤ខ្នង
ព្រឹត្តិការណ៍ “សង្ក្រាន្តវត្តភ្នំ” ៣ថ្ងៃមានរៀបចំកម្មវិធីបែបប្រពៃណីជាតិ និងកម្មវិធី កម្សាន្តសប្បាយជាច្រើន
អ្នកវិភាគ និងអ្នកឃ្លាំមើល៖ នាយករដ្ឋមន្ត្រីកម្ពុជាតែងផ្ដល់អាទិភាពខ្ពស់ ចំពោះសុខទុក្ខប្រជាពលរដ្ឋ
លោក Munoz និយាយពីកីឡាករចំណូលថ្មី ក្រោយរកបាន Hat-trick
និស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
ក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
នគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់
រថភ្លើងដឹកស្រូវក្រឡាប់ធ្លាក់ចេញពីផ្លូវ នៅស្រុកថ្មគោល
ផ្ទុះបំពង់បង្ហូរឧស្ម័ននៅម៉ាឡេស៊ី បណ្ដាលឲ្យរបួសមនុស្ស២៥នាក់
-
ព័ត៌មានអន្ដរជាតិ៤ ថ្ងៃ agoកម្មករសំណង់ ៤៣នាក់ ជាប់ក្រោមគំនរបាក់បែកនៃអគារ ដែលរលំក្នុងគ្រោះរញ្ជួយដីនៅ បាងកក
-
ព័ត៌មានអន្ដរជាតិ៧ ម៉ោង agoនិស្សិតពេទ្យដ៏ស្រស់ស្អាតជិតទទួលសញ្ញាបត្រ ស្លាប់ជាមួយសមាជិកគ្រួសារក្នុងអគាររលំដោយរញ្ជួយដី
-
ព័ត៌មានជាតិ៦ ម៉ោង agoក្រោយមរណភាពបងប្រុស ទើបសម្ដេចតេជោ ដឹងថា កូនស្រីម្នាក់របស់ឯកឧត្តម ហ៊ុន សាន គ្មានផ្ទះផ្ទាល់ខ្លួននៅ
-
សន្តិសុខសង្គម៦ ថ្ងៃ agoករណីបាត់មាសជាង៣តម្លឹងនៅឃុំចំបក់ ស្រុកបាទី ហាក់គ្មានតម្រុយ ខណៈបទល្មើសចោរកម្មនៅតែកើតមានជាបន្តបន្ទាប់
-
ព័ត៌មានអន្ដរជាតិ១ សប្តាហ៍ agoរដ្ឋបាល ត្រាំ ច្រឡំដៃ Add អ្នកកាសែតចូល Group Chat ធ្វើឲ្យបែកធ្លាយផែនការសង្គ្រាម នៅយេម៉ែន
-
ព័ត៌មានជាតិ៥ ថ្ងៃ agoបងប្រុសរបស់សម្ដេចតេជោ គឺអ្នកឧកញ៉ាឧត្តមមេត្រីវិសិដ្ឋ ហ៊ុន សាន បានទទួលមរណភាព
-
ព័ត៌មានជាតិ១ សប្តាហ៍ agoសត្វមាន់ចំនួន ១០៧ ក្បាល ដុតកម្ទេចចោល ក្រោយផ្ទុះផ្ដាសាយបក្សី បណ្តាលកុមារម្នាក់ស្លាប់
-
សន្តិសុខសង្គម២៤ ម៉ោង agoនគរបាលឡោមព័ទ្ធខុនដូមួយកន្លែងទាំងយប់ ឃាត់ជនបរទេសប្រុសស្រីជាង ១០០នាក់