ព័ត៌មានជាតិ
បេក្ខជនប្រឡងបាក់ឌុបឆ្នាំនេះ កើនឡើងជាង ១ ម៉ឺននាក់
អ្នកនាំពាក្យក្រសួងអប់រំយុវជននិងកីឡាបានឱ្យដឹងថា គិតត្រឹមថ្ងៃទី១២ខែវិច្ឆិកាឆ្នាំ២០២២នេះ មានបេក្ខជនដាក់ពាក្យចូលរួមប្រឡងសញ្ញាបត្រមធ្យមសិក្សាទុតិយភូមិឬបាក់ឌុបប្រមាណជិត ១៣ ម៉ឺននាក់មានការកើនឡើងជាង ១ ម៉ឺននាក់បើប្រៀបធៀបទៅនឹងការប្រឡងឆ្នាំមុន។
លោក រស់ សុវាចា អ្នកនាំពាក្យក្រសួងអប់រំយុវជននិងកីឡា បានឱ្យដឹងនៅព្រឹកថ្ងៃទី ១៣ វិច្ឆិកានេះថា តាមតួលេខបណ្តោះអាសន្នគិតត្រឹមថ្ងៃទី ១២ វិច្ឆិកានេះ មានបេក្ខជនប្រឡងបាក់ឌុបសរុបមានចំនួន ១២៨ ១៣៦ នាក់ ស្រី ៦៨ ៧៧៣ ក្នុងនោះថ្នាក់វិទ្យាសាស្រ្ត ៤២ ៩៣៦ នាក់ ស្រី ២៥ ៤៤៥ ថ្នាក់វិទ្យាសាស្រ្តសង្គម ៨៥ ២០០ នាក់ ស្រី ៤៣ ៣២៨ នាក់ ចែកជា ២២១ មណ្ឌលកើន១៧ មណ្ឌល និងមានបន្ទប់ ៥១៧៤ បន្ទប់កើនឡើង ៥៥៩ បន្ទប់ក្នុងនោះថ្នាក់វិទ្យាសាស្រ្ត កើន៣ មណ្ឌលនិងថ្នាក់វិទ្យសាស្រ្តសង្គម កើន១៤ មណ្ឌលដោយថ្នាក់វិទ្យាសាស្រ្តមាន៧៦មណ្ឌលស្មើនឹង ១ ៧៤៣បន្ទប់ និងថ្នាក់វិទ្យាសាស្រ្តសង្គមមាន ១៤៥ មណ្ឌលស្មើនឹង ៣ ៤៣១ បន្ទប់។
ចំនួនបេក្ខជនដាក់ពាក់ប្រឡងឆ្នាំនេះ បើធៀបទៅនឹងការប្រឡងឆ្នាំ២០២១កន្លងទៅឃើញថា មានការកើនឡើង ខណៈឆ្នាំមុនមានបេក្ខជនចូលរួមប្រឡងចំនួន ១១៤១៨៧ នាក់ស្ រី៥៧១២៣នាក់ចែកជា ២០៤មណ្ឌលត្រូវជា ៤៦១៥ បន្ទប់ក្នុងនោះថ្នាក់វិទ្យាសាស្ត្រមានចំនួន ៣៩៦១០ នាក់ស្រី ២៣៦៨៣ នាក់ និងថ្នាក់វិទ្យាសាស្ត្រសង្គមចំនួន ៧៤៥៧៥ នាក់ស្រី ៣៧៧១៤នាក់។
ក្នុងចំណោមបេក្ខជនចូលរួមប្រឡងចំនួន១១៤១៨៧នាក់មានបេក្ខជនប្រឡងជាប់បាក់ចំនួន ៧២០១៦ នាក់ស្មើនឹង៦៥.៦៥ ភាគរយក្នុងបេក្ខជនជាប់និទ្ទេសAចំនួន ១៧៥៣នាក់។
ក្រសួងអប់រំយុវជននិងកីឡា បានសម្រេចពន្យារពេលការប្រឡងសញ្ញាបត្រមធ្យមសិក្សាទុតិយភូមិឆ្នាំសិក្សា
២០២១-២០២២ ដែលត្រូវរៀបចំថ្ងៃទី២១និងទី២២ខែវិច្ឆិកាឆ្នាំ ២០២២ទៅថ្ងៃទី៥និងទី៦ខែធ្នូឆ្នាំ២០២២វិញ ដើម្បីបញ្ចៀសការរំខាននានាដល់កិច្ចប្រជុំកំពូលអាស៊ាន ព្រឹត្តិការណ៍កីឡាជាតិនិងបុណ្យជាតិ និងដើម្បីឱ្យបេក្ខជនមានពេលវេលាគ្រប់គ្រាន់ក្នុងការរៀនសូត្រសម្រាប់ត្រៀមប្រឡង៕
អត្ថបទ៖ សំអឿន
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង