កម្ពុជា នាំចេញកសិផលកសិកម្មមានតម្លៃជាង ៣ពាន់លានដុល្លារ ១០ខែឆ្នាំនេះ

ក្នុងរយៈពេល១០ខែ ក្នុងឆ្នាំ២០២២នេះ កម្ពុជា បាននាំចេញកសិផលកសិកម្ម ទៅកាន់គោលដៅទីផ្សារក្រៅប្រទេស​មានចំនួន ៣០៦ ៩៩៧២៣៨៩,០៨ ដុល្លារអាមេរិក។

យោងតាមរបាយការណ៍របស់ក្រសួងកសិកម្ម រុក្ខាប្រមាញ់ និងនេសាទ បានឱ្យដឹងថា ការនាំចេញអង្ករមានចំនួន៤៣ ៥៤០៧៨៩៥ដុល្លារអាមេរិក ការនាំចេញស្រូវមានចំនួន៤៩២ ៩០២៦២៤ដុល្លារអាមេរិក និងការនាំចេញកសិផល​ក្រៅពីស្រូងអង្ករចំនួន២១៤១៦៦១៨៣០,០៨​ដុល្លារអាមេរិក។

របាយការណ៍ដដែលបានបន្តថា ការនាំចេញចេញអង្ករ មានចំនួន ៥០៩២៤៩តោន កើន១០,៦៧%។ ការនាំចេញស្រូវមានចំនួន២៤៤០១១២តោនថយចុះ៨,២៧% ។ ដោយឡែក ការនាំចេញក្រៅពីស្រូវអង្ករ មានចំនួន៤៦៦៩៩៧៤,២៥តោនកើន១០,៦៣ភាគរយ។

ជាមួយគ្នានេះ ការនាំចេញចំណិតដំឡូងមីក្រៀម មានចំនួន១៦៧០០៩០ តោនកើនឡើងចំនួន ២៤,៩៨%។  ដំឡូងមីស្រស់មានចំនួន ១១២៩០០០តោន កើនឡើងចំនួន ៥១,៨០%។  ម្សៅដំឡូងមីមានចំនួន ៥២០៩៣តោន កើនឡើងចំនួន៩៣,១៤%។ កាកសំណល់ដំឡូងមីមានចំនួន ៩១៧៩,៣៩តោន កើន២៥,៨១%។ គ្រាប់ស្វាយចន្ទីឆៅ​មានចំនួន ៤៦៩៥១៥,១៥តោនថយ៤៨,៥៩%។ គ្រាប់ស្វាយចន្ទីកែឆ្នៃចំនួន៥៩៩,៩៣​តោនថយចុះ៥៨,៩៣%​។ គ្រាប់ពោតមានចំនួន ១៥៤៩៤៨,៩៤តោន ថយចុះ១,៣៩%។គ្រាប់សណ្ដែកបាយមានចំនួន ៣៥០២៥,០១តោនកើន​ឡើង៣៨,១៥%។ គ្រាប់សណ្តែកសៀង មានចំនួន ១១៥៩៣៥តោន កើនឡើង១២២,០៥%។

 ចំណែកផ្លែចេកស្រស់មានចំនួន ៣២៥៨៥៩,៧២តោនថយ១១,៧៩%។ ផ្លែស្វាយស្រស់មានចំនួន១៣៨៣៧៧,៥៥ តោនថយ៣១,៥៤%។ ដំណាប់ស្វាយមានចំនួន ១៥៨១៦៦៩តោន កើនឡើង១,០៦%។ ដូងប្រេងមានចំនួន ៥៤៨៧៨,៧០តោន កើន ១២,៥១%។

 ម្រេចមានចំនួន ៧៧០៤,២៥តោនថយចុះ៧២,១២%។ថ្នាំជក់ចំនួន៥៦៩៧,២៥៤តោនកើន៤៤,៨២%។បន្លែចម្រុះមានចំនួន៨០,៤៧តោនថយចុះ៤,៦៦%មិងផលិតផល៩៣មុខផ្សេងទៀតមានចំនួន៤៨៥១៧៣,២០តោន។

គួរបញ្ជាក់ថា ឆ្នាំ២០២១ កម្ពុជា បាននាំចេញកសិផលកសិកម្ម ទៅកាន់គោលដៅទីផ្សារក្រៅប្រទេសមានតម្លៃចំនួន ៤ ៩៦៧ ៨៥២ ៧១៣ ដុល្លារអាមេរិក៕ សំអឿន