ព័ត៌មានជាតិ
មន្ត្រីការបរទេសអាមេរិកអរគុណសម្តេចតេជោ ដែលផ្ដល់ការហ្វឹកហ្វឺនអ្នកជំនាញសកម្មភាពមីនអ៊ុយក្រែន
លោក Ethan Rinks ប្រធានគ្រប់គ្រងគម្រោងកាត់រំសាយអាវុធ និងសំណល់សង្គ្រាមនៃក្រសួងការបរទេសស
ហរដ្ឋអាមេរិក បានថ្លែងអរគុណគោរពជូនសម្តេចតេជោ ប្រមុខរាជរដ្ឋាភិបាលដែលបានជួយគាំទ្រដល់ប្រទេសអ៊ុយក្រែនទៅលើការជួយហ្វឹកហ្វឺនជូនអ្នកជំនាញសកម្មភាពមីនអ៊ុយក្រែន។
ការអរគុណរបស់មន្ត្រីការបរទេសអាមេរិកនេះបានធ្វើឡើងនៅថ្ងៃទី១៩ ខែមករា ឆ្នាំ២០២៣ នៅក្នុងជំនួបពិភាក្សាការងារជាមួយលោកហេងរតនាប្រតិភូរាជរដ្ឋាភិបាលទទួលបន្ទុកជាអគ្គនាយកស៊ីម៉ាក់នៅទីបញ្ជាការដ្ឋានស៊ីម៉ាក់ភ្នំពេញ។
លោក Ethan Rinks បានចាត់ទុកការជួយគាំទ្ររបស់កម្ពុជានេះបានបង្ហាញពីស្មារតីរួបរួមក្នុងសហគមន៍អន្តរជាតិប្រយុទ្ធសង្គ្រាមផង និងជាពិសេសជួយជំរុញកិច្ចការមនុស្សធម៌ដើម្បីជួយប្រជាជនអ៊ុយក្រែនផងដែរ។ នៅក្នុងជំនួបនោះលោក Ethan Rinks
បានវាយតំលៃខ្ពស់ចំពោះកិច្ចខិតខំប្រឹងប្រែងរបស់រាជរដ្ឋាភិបាល និងការចូលរួមរបស់អង្គភាពស៊ីម៉ាក់ក្នុងការបង្កើនប្រសិទ្ធភាព និងល្បឿននៃរំដោះផ្ទៃដីបានឆាប់ជាមួយបច្ចេកទេសនិងនីតិវិធីប្រកបដោយវិជ្ជាជីវ:នាំមុខក្នុងតំបន់និងពិភពលោក។
បើតាមលោក ហេង រតនា បានឱ្យដឹងថា លោក Ethan Rinks អមដំណើរដោយលោកGeary A. Cox, II
ប្រធានគម្រោងប្រចាំអាស៊ី និងប៉ាស៊ីហ្វិកបានចុះមកទស្សនកិច្ចវាយតំលៃគម្រោងជំនួយសកម្មភាពមីនទាំងអស់ដែលរដ្ឋាភិបាលសហរដ្ឋអាមេរិកបានគាំទ្រនៅកម្ពុជាហើយនៅក្នុងជំនួបពិភាក្សានេះផ្តោតសំខាន់លើការពង្រឹងកិច្ចសហប្រតិបត្តិការលើវិស័យសកម្មភាពមីននៅកម្ពុជានិងអន្តរជាតិ។ លោកអគ្គនាយកស៊ីម៉ាក់បានបន្តថា សហរដ្ឋអាមេរិកបានផ្តល់ជំនួយសកម្មភាពមីនមនុស្សធម៌គាំទ្រអង្គភាពស៊ីម៉ាក់តាំងពីឆ្នាំ១៩៩៣ និងបានបន្តគាំទ្ររហូតដល់ចុងឆ្នាំ២០២៥។
បច្ចុប្បន្ននេះអង្គភាពស៊ីម៉ាក់បានទទួលជំនួយពីសហរដ្ឋអាមេរិកសំរាប់ការបោសសំអាតផ្ទៃដីរងផលប៉ះពាល់ដោយគ្រាប់បែកចង្កោម និងសំណល់យុទ្ធភណ្ឌសង្គ្រាមនៅបណ្តាខេត្តខាងកើតប្រទេសដូចជាខេត្តព្រៃវែង ស្វាយរៀង កំពង់ចាម ត្បូងឃ្មុំ និងខេត្តក្រចេះជាដើមចាប់ពីឆ្នាំ២០២២ ដល់ឆ្នាំ២០២៥ សហរដ្ឋអាមេរិកបានសម្រេចផ្តល់ជំនួយចំនួន៦.៣៥៥.៧២០ដុល្លារអាមេរិកដល់អង្គភាពស៊ីម៉ាក់ក្នុងកិច្ចសហប្រតិបត្តិការជាមួយអង្គការNPAដើម្បីធ្វើការស្រាវជ្រាវ
និងបោសសម្អាតគ្រាប់បែកចង្កោមប្រមាណ១២១គីឡូម៉ែត្រការ៉េនៅតាមបណ្តាខេត្តខាងលើ។
គួរបញ្ជាក់ថាអង្គភាពស៊ីម៉ាក់បានចាប់ផ្តើមហ្វឹកហ្វឺនបច្ចេកវិទ្យាឧបករណ៍បោសសម្អាតមីនដល់អង្គភាពផ្តល់សេវាកម្មរដ្ឋ
ក្នុងគ្រាអាសន្នសម្រាប់ប្រទេសអ៊ុយក្រែនគាំទ្រដោយរដ្ឋាភិបាលជប៉ុនតាមរយៈទីភ្នាក់ងារសហប្រតិបត្តិការអន្តរជាតិជប៉ុន(JICA)កាលពីថ្ងៃទី១៦ខែមករាឆ្នាំ២០២៣នៅវិទ្យាស្ថានបច្ចេកទេសសកម្មភាពមីន ខេត្តកំពង់ឆ្នាំង៕
អត្ថបទ៖ សំអឿន
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង