ព័ត៌មានជាតិ

បច្ច័យរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ប្រគេនវត្តឧត្តមត្រៃសិក្ខារាម ក្នុងខេត្តបាត់ដំបង

បានផុស

៥ years មុន

នៅ

ថ្ងៃអង្គារ ២៦ មករា ២០២១

ដោយ

កាលពីព្រឹកថ្ងៃ២៣ ខែមករា ឆ្នាំ២០២១នេះ ឯកឧត្តម ឌី វីជ្ជា និងលោកជំទាវ ហ៊ុន ម៉ាណា បានចាត់ឲ្យក្រុមការងារដឹកនាំដោយលោក ជិន ប៊ុនធឿន បាននាំយកបច្ច័យរបស់អ្នកឧកញ៉ា ព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី ចំនួន០១ម៉ឺនដុល្លារ ប្រគេនវត្តឧត្តមត្រៃសិក្ខារាម ហៅកំប្រង់ ស្ថិតក្នុងឃុំកំប្រង់ ស្រុកកំរៀង ខេត្តបាត់ដំបង។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

បច្ច័យចំនួន ០១ ម៉ឺនដុល្លារនេះ ប្រគេនព្រះចៅអធិការវត្តខាងលើ គឺដើម្បីចូលរួមចំណែកកសាងសមិទ្ធផលនានា ដែលស្ថិតក្នុងបរិវេណវត្ត ហើយទីអារាមនេះ ស្ថិតនៅតាមបន្ទាត់ព្រំដែនកម្ពុជា-ថៃ ដាច់ស្រយាលពីទីប្រជុំជន ក៏ជាទីអារាមថ្មីទើបតែកកើតធ្វើឲ្យពុំមានការកសាងអ្វីច្រើននោះទេ ។ ព្រះចៅអធិការមានសង្ឃដីកា សូមផលានិសង្ស ជូនទៅដល់ដួងវិញ្ញាណក្ខន្ធអ្នកឧកញ៉ា និងវិញ្ញាណក្ខន្ធញាតិការទាំង៧សន្តាន ដែលបានចែកឋានទៅកាន់បរលោកទទួលយកមនុញ្ញផល និងសូមឲ្យប្រជាពលរដ្ឋខ្មែរទូទាំងប្រទេស ជួបតែសេចក្តីសុខគ្រប់ក្រុមគ្រួសារ។

សូមបញ្ជាក់ផងដែរថា កាលពីថ្ងៃទី២១ ខែកក្កដា ឆ្នាំ២០១៩កន្លងទៅ ឯកឧត្តម ឌី វិជ្ជា និងលោកជំទាវ ហ៊ុន ម៉ាណា ក៏បានចូលរួមចំណែកក្នុងការកសាងសមិទ្ធផលក្នុងទីអារាមនេះនូវបច្ច័យចំនួន៥០០០ដុល្លារ ដើម្បីចូលរួមក្នុងវិស័យព្រះពុទ្ធសាសនាផងដែរ៕