ព័ត៌មានជាតិ

ក្រុមហ៊ុនអាកាសចរណ៍ជប៉ុន បន្តផ្អាកជើងហោះហើរត្រង់មកកាន់កម្ពុជារហូតដល់ដំណាច់ខែតុលា

បានផុស

៥ years មុន

នៅ

ថ្ងៃពុធ ២៧ មករា ២០២១

ដោយ

ក្រុមហ៊ុនអាកាសចរណ៍ជប៉ុន ANA បានបញ្ជាក់ថា នឹងបន្តផ្អាកជើងហោះហើរត្រង់ ភ្នំពេញ-ណារីតា រហូតដល់ដំណាច់ខែតុលា ឆ្នាំ២០២១ខាងមុខ ហើយការបន្តផ្អាកជើងហោះហើរនេះ ដោយសាតែការរីករាលនៃជម្ងឺកូវីដ-១៩ ហើយក្រុមហ៊ុនចាប់ផ្តើមហោះហើរនៅពេលណាមួយសមស្រប នេះបើតាមសេចក្តីជូនដំណឹងចុះថ្ងៃទី២៧ ខែមករា ឆ្នាំ២០២១នេះ។

សេចក្តីជូនដំណឹងរបស់ក្រុមហ៊ុនបញ្ជាក់ថា ដោយសារបញ្ហានៃការរីករាលដាលជំងឺ Covid-19 នៅតែបន្តមាន ក្រុមហ៊ុនអាកាសចរណ៍របស់ប្រទេសជប៉ុន ALL NIPPON AIRWAYS (ANA) បានប្រកាសបន្តផ្អាកជើងហោះហើរណារីតា-ភ្នំពេញ-ណារីតា ចាប់ពីថ្ងៃទី២៧ ខែមករា រហូតដល់ថ្ងៃទី៣ ខែតុលា ឆ្នាំ២០២១ ខាងមុខនេះ។ ដោយឡែកក្នុងករណីអាចបើកជើងហោះហើរមុនពេលកំណត់ ក្រុមហ៊ុននឹងប្រកាសនៅពេលណាមួយសមស្រប។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សូមបញ្ជាក់ថា កាលពីកន្លងមកនេះ សមាគមធុរកិច្ចជប៉ុននៅកម្ពុជា និងសភាពាណិជ្ជកម្មកម្ពុជា បានស្នើសុំឱ្យក្រុមហ៊ុនអាកាសចរណ៍ ANA របស់ជប៉ុន បន្តប្រតិបត្តិការនៃជើងហោះហើរត្រង់មកកាន់កម្ពុជា ដែលនឹងផ្ដល់អត្ថប្រយោជន៍យ៉ាងខ្លាំង ដល់វិស័យទេសចរណ៍ វប្បធម៌ និងធុរកិច្ចរវាងប្រទេសកម្ពុជា-ជប៉ុន។

ជាមួយគ្នានោះ សមាគមធុរកិច្ចជប៉ុននៅកម្ពុជា ក៏បានចេញសេចក្តីអំពាវនាវ និងសំណូមពរសុំការគាំទ្រ ពីសំណាក់សមាជិករបស់ខ្លួននៅកម្ពុជា ស្នើដល់ក្រុមហ៊ុនអាកាសចរណ៍ជប៉ុន ANA បន្តធ្វើការហោះហើរត្រង់រវាងភ្នំពេញ-ណារីតាឡើងវិញ មុនពេលកំណត់ បន្ទាប់ពីក្រុមហ៊ុនមួយនេះ បានប្រកាសផ្អាកដំណើរការមួយរយៈ៕

ដោយ ៖ កោះកែវ