ព័ត៌មានជាតិ
ដំណាំស្រូវជាង ២ ម៉ឺនហិកតានៅខេត្តបាត់ដំបងកំពុងរងផលប៉ះពាល់ដោយសារគ្រោះរាំងស្ងួត
ចាប់តាំងពីដើមខែសីហាមក គ្រោះរាំងស្ងួតបានកើតឡើងជាច្រើនកន្លែងនៅក្នុងខេត្តបាត់ដំបង បើទោះបីជាបច្ចុប្បន្នសំបូរប្រព័ន្ធធារាសាស្ត្រក៏ដោយ ក៏ស្រូវស្រែនៅតែខ្វះខាតទឹកដដែលដោយសារតែមេឃមិនអំណោយផល។
លោក ទេព ហន អភិបាលស្រុកមោងឫស្សីបានមានប្រសាសន៍ថា បើគិតចាប់ពីថ្ងៃទី ១៦ សីហា គឺស្រូវនៅគ្រប់ឃុំទាំង៩ ក្នុងស្រុកមោងឫស្សី បានទទួលរងនូវការក្រៀមស្វិត រហូតមានចំនួន ជាង២មុឺន ហិកតា ដោយកង្វះខាតទឹក។
លោកបានសង្កត់ធ្ងន់ថា ប្រឡាយមេដែលទទួលយកទឹកពីស្ទឹងសង្កែត្រង់ចំណុចកង្ហត គឺពិតជាមានមែន ប៉ុន្តែគ្រាន់តែភូមិសាស្ត្រស្រុកមោង គឺស្ថិតនៅកន្ទុយគេ ហើយខ្ពស់ថែមទៀតដែលធ្វើអោយប្រព័ន្ធទឹកមិនអាចហូរទៅដល់ ព្រោះរយៈចម្ងាយប្រមាណ៦០គីឡូម៉ែត្រ ត្រូវពលរដ្ឋបូមស្ទាក់យកអស់នៅតាមផ្លូវ។
ម៉្យាងទៀត នៅក្នុងស្រុកមោងឫស្សីក៏មានក៏មានប្រព័ន្ធធារាសាស្ត្រដែរ ដូចជា នៅព្រែកជីក និង ដូនទ្រី ប៉ុន្តែទីតាំងទាំងនេះគ្មានទឹកទាល់តែសោះ ដែលធ្វើអោយស្រូវឡើងព៌ណក្រហមស្ទើរឆេះទៅហើយ ដែលបញ្ហានេះមានរហូតដល់ជាង២មុឺនហិកតា លើឃុំចំនួន៩ ក្នុងស្រុកមោងឫស្សី គិតចាប់ពីថ្ងៃទី១៦ សីហាមក។
លោកអភិបាលស្រុកបានបន្ថែមថា បន្ទាប់មានភ្លៀងធ្លាក់បានប៉ុន្មានមេចុងក្រោយនេះ ស្រូវចាប់ផ្តើមឡើងព៌ណខៀវបន្តិចម្តងៗវិញហើយ ដែលលោកអាចសង្ឃឹមថា វានឹងរស់រានឡើងវិញប្រសិនបើមានភ្លៀងធ្លាក់បន្ថែមទៀត ដោយបច្ចុប្បន្នស្រូវដែលកំពុងប្រឈម និងគ្រោះថ្នាក់ គឺនៅសល់តែចំនួន ២.៤៥៦ ហិកតា ប៉ុណ្ណោះ ដែលស្ថិតនៅក្នុងឃុំមោង និងឃុំរបស់មង្គល។
នៅក្នុងចំនួនស្រូវដែលត្រៀមខូចខាតនេះ លោកសង្ឃឹមថា អាចរស់បានឡើងវិញ ព្រោះកូនរដូវប្រាំងបានកន្លងផុតទៅហើយ ប៉ុន្តែនៅក្នុងរយៈពេល១០ថ្ងៃទៅមុខ បើគ្មានភ្លៀងធ្លាក់មកបន្ថែមទៀតទេ នោះស្រូវ និងងាប់ជាមិនខាន ហើយអាជ្ញាធរក៏គ្មានមធ្យោបាយដែរដោយសារប្រភពទឹកនៅឆ្ងាយមិនអាចមានវិធីណាទាញយកបាន មានតែរង់ចាំអំណោយផលពីធម្មជាតិតែប៉ុណ្ណោះ៕
អត្ថបទ៖ សោ និយមរ័ត្ន
-
ព័ត៌មានជាតិ២០ ម៉ោង ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានអន្ដរជាតិ៤ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ១ សប្តាហ៍ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
កីឡា៤ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត
-
ជីវិតកម្សាន្ដ៣ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
ព័ត៌មានជាតិ១ សប្តាហ៍ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
សន្តិសុខសង្គម៦ ថ្ងៃ ago
បឋម៖ អគ្គិភ័យកំពុងឆេះរោងចក្រជិតផ្សារបែកចាន (មានវីដេអូ)
-
ជីវិតកម្សាន្ដ៦ ថ្ងៃ ago
រូបថតលិខិតឆ្លងដែនរបស់ Janie ត្រូវគេសរសើរព្រោងព្រាត ទោះមិនមានការតុបតែងមុខ