ព័ត៌មានជាតិ
បង្ក្រាបបទល្មើសនេសាទក្នុងស្រុកជលគីរី និងស្រុកកំពង់លែង កាប់បំផ្លាញរបាំងស្បៃមុងសរុប១៦០០ម៉ែត្រ
សមត្ថកិច្ចចម្រុះ នៅថ្ងៃទី២៤ ខែសីហា ឆ្នាំ២០២៣ បានចុះបង្ក្រាបបទល្មើសនេសាទ២គោលដៅ គឺនៅក្នុងស្រុកជលគីរី និងស្រុកកំពង់លែង ជាលទ្ធផលកាប់បំផ្លាញរបាំងលបស្បៃមុងបានចំនួន៣៥កន្លែង មានប្រវែង១៦០០ ម៉ែត្រ និងចាក់លែងកូនត្រីចូលក្នុងបឹងធម្មជាតិវិញ ៥០០គីឡូក្រាម។
លោក លី ឡា នាយខណ្ឌរដ្ឋបាលជលផលកំពង់ឆ្នាំង នៅល្ងាចថ្ងៃទី២៤ ខែសីហានេះបានឲ្យដឹងថា ការចុះបង្ក្រាបបទល្មើសនេសាទនេះគោលដៅទីមួយគឺនៅក្នុងស្រុកជលគីរី ដែលសមត្ថកិច្ចចម្រុះរួមមាន ផ្នែករដ្ឋបាលជលផលកំពង់ប្រាសាទ សង្កាត់រដ្ឋបាលជលផលគិរី សហការជាមួយគណៈបញ្ជាការឯកភាពស្រុកជលគិរី សហគមន៍នេសាទគៀនតាម៉ា សហគមន៍នេសាទភូមិថ្មី និងសហគមន៍នេសាទកំពង់អុស ដឹកនាំដោយលោក មុត ម៉េង អភិបា លរងស្រុកជលគិរី មធ្យោបាយមានបាឡាស្មាច់ចំនួន០៥ គ្រឿង កំលាំងសរុបចំនួន២០នាក់ បានចុះប្រតិបត្តិការបង្ក្រាបបទល្មើសនេសាទក្នុងភូមិសាស្រ្ត ឃុំកំពង់អុស ស្រុកជលគិរី បានប្រទះឃើញការធ្វើនេសាទដោយប្រើឧបករណ៍របាំងលូស្បៃមុងខុសច្បាប់ស្តីពីជលផលនៅចំណុចក្រោយភូមិព្រែកឆ្តោរភូមិគៀនតាម៉ា ក្រោយភូមិថ្មី និងក្រោយភូមិកំពង់អុសឃុំកំពង់អុសស្រុកជលគិរីខេត្តកំពង់ឆ្នាំង។
គោលដៅទី២ នៅក្នុងស្រុកកំពង់លែង ដឹកនាំដោយនាយខណ្ឌរដ្ឋបាលជលផលកំពង់ឆ្នាំង លោក លី ឡា មានកម្លាំង ១០នាក់ បាឡាស្មាច់០២គ្រឿង បានចុះប្រតិបត្តិការ នៅក្នុងភូមិសាស្ត្រឃុំផ្លូទូក ស្រុកកំពង់លែង នៅចំណុចចាប់ពីបឹងត្រាព្រួល រហូតដល់បឹងកក់ធំ ។
ក្នុងកិច្ចប្រតិបត្តិការបង្ក្រាបបទល្មើសនេសាទនេះ ក្រុមការងារបានឯកភាពគ្នាចុះរុះរេីរបាំងស្បៃមុងដែលជាបទល្មេីសជលផល វត្ថុតាងបានបំផ្លាញចោល នៅនឹងកន្លែង។ ជាលទ្ធផល នៅក្នុងគោលដៅទាំងពីរស្រុកខាងលើនេះរួមមាន៖ កាប់បំផ្លាញរបាំងលូស្បៃមុងចំនួន៣៥កន្លែង មានប្រវែង១៦០០ម៉ែត្រ លូស្បៃមុងចំនួន៣៥ មាត់ បង្គោលចំនួន ៦៥០ដើម និងលែងកូនត្រីចម្រុះចំនួន៥០០គីឡូចូលទៅក្នុងបឹងធម្មជាតិវិញ។
សមត្ថកិច្ចខណ្ឌរដ្ឋបាលជលផលកំពង់ឆ្នាំងសូមអំពាវនាវដល់ប្រជានេសាទទាំងអស់សូមកុំធ្វើការនេសាទប្រើប្រាស់ឧបករណ៍ខុសច្បាប់។ ព្រោះការនេសាទប្រើឧបករណ៍ខុសច្បាប់គឺសមត្ថកិច្ចត្រូវតែបង្ក្រាបកាប់បំផ្លាញចោលដោយមិនយោគយល់លើកលែងឡើយ។ ព្រោះការនេសាទខុសច្បាប់គឺពិតជានាំឱ្យវិនាសអន្តរាយនៅពូជពង្សមច្ឆាជាតិ ដែលធ្វើឲ្យកូនចៅជំនាន់ក្រោយរបស់យើងថ្កោលទោសមិនខានឡើយ៕
អត្ថបទ៖ ឈៀងថារិទ្ធ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៣ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ