ព័ត៌មានជាតិ
បណ្ឌិត យ៉ង សាំងកុមារ សម្រេចចិត្តជ្រើសរើសយកតំណែង ជារដ្ឋលេខាធិការក្រសួងកសិកម្ម
លោកបណ្ឌិត យ៉ង សាំងកុមារ បានសម្រេចចិត្តជ្រើសរើសយកតំណែង ជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដើម្បីចូលរួមប្រឡូកផ្ទាល់ក្នុងការអនុវត្តគោលនយោបាយ អាទិភាពរបស់រាជរដ្ឋាភិបាល អាណត្តិទី ៧ ដែលដឹកនាំដោយឯកឧត្ដមបណ្ឌិត ហ៊ុន ម៉ាណែត ជានាយករដ្ឋមន្ត្រី។
លោកបណ្ឌិត យ៉ង សាំងកុមារ បានចូលរួមជាមួយរាជរដ្ឋាភិបាល នៅខែធ្នូ ២០២២ ក្នុងបេសកកម្មចូលរួមអភិវឌ្ឍន៍កសិកម្មកម្ពុជា ដោយចាប់ផ្ដើមពីវិស័យស្រូវអង្ករ និងមានផែនការចូលរួមគាំទ្រកសិករឲ្យបាន ១លានគ្រួសារ នៅទូទាំងប្រទេស ដើម្បីលើកស្ទួយផលិតកម្មកសិកម្ម និងប្រាក់ចំណូល។
លោកត្រូវបានតែងតាំង ជារដ្ឋមន្រ្តីប្រតិភូអមនាយករដ្ឋមន្រ្តី និងជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ សម្រាប់រាជរដ្ឋាភិបាល អាណត្តិទី ៦ ដែលដឹកនាំដោយសម្ដេចតេជោ ហ៊ុន សែន ជានាយករដ្ឋមន្ត្រី។
ក្រោយការបោះឆ្នោតជ្រើសតាំង តំណាងរាស្រ្ដ នីតិកាលទី ៧ ដែលលទ្ធផលបង្ហាញថា គណបក្សប្រជាជនកម្ពុជា ទទួលបានជ័យជំនះភ្លុកទឹកភ្លុកដីរួចមក សម្ដេចតេជោ ហ៊ុន សែន ប្រធានគណបក្សប្រជាជនកម្ពុជា បានប្រកាសឲ្យអ្នកដែលមានមុខតំណែង ២ ត្រូវជ្រើសរើសយក ១ សម្រាប់រាជរដ្ឋាភិបាល អាណត្តិទី ៧នេះ។
លោកបណ្ឌិត យ៉ង សាំងកុមារ បានឲ្យដឹងថា សម្រាប់រាជរដ្ឋាភិបាលអាណត្តិថ្មីនេះ លោកត្រូវជ្រើសរើស រវាងតំណែងរដ្ឋមន្រ្តីប្រតិភូអមនាយករដ្ឋមន្រ្តី ឬរដ្ឋលេខាធិការ។ លោកបញ្ជាក់ថា «ពេលនេះខ្ញុំបានសម្រេចចិត្ត ជ្រើសរើសយកតំណែងជារដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ដើម្បីចូលរួមប្រឡូកផ្ទាល់ ក្នុងការអនុវត្តគោលនយោបាយអាទិភាពរបស់រាជរដ្ឋាភិបាល គឺអាទិភាពទី ៥ និងទី ៦ ដែលជាកម្មវិធីគោលនយោបាយកសិកម្ម»។
កម្មវិធីគោលនយោបាយកសិកម្មអាទិភាព ដែលដាក់ចេញដោយរាជរដ្ឋាភិបាល អាណត្តិទី ៧ ដឹកនាំដោយឯកឧត្ដមបណ្ឌិត ហ៊ុន ម៉ាណែត មាន ២ចំណុចសំខាន់ៗ៖ ទី១. ការដាក់ចេញនូវយន្តការសម្របសម្រួល និងកម្មវិធីហិរញ្ញប្បទាន សំដៅលើកស្ទួយផលិតកម្ម រកទីផ្សារ និងរក្សាលំនឹងថ្លៃកសិផលសំខាន់ៗក្នុងកំរិតសមរម្យ។
ទី២. ការដាក់ពង្រាយ មន្រ្តីបច្ចេកទេសកសិកម្មទៅគ្រប់ឃុំសង្កាត់ ដែលមានសកម្មភាពកសិកម្ម នៅទូទាំងប្រទេស និងការរៀបចំឲ្យមានសមាគមកសិករ នៅតាមជនបទ។ រាជរដ្ឋាភិបាល មានផែនការដាក់ពង្រាយមន្រ្តីជំនាញកសិកម្មចំនួន ១,៦០០នាក់ នៅទូទាំងប្រទេស ដើម្បីធ្វើការជាមួយកសិករជាង ១លានគ្រួសារ។
លោកបណ្ឌិត យ៉ង សាំងកុមារ បានបញ្ជាក់ទៀតថា លោកនឹងខិតខំចូលរួមជាមួយលោក ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងថ្នាក់ដឹកនាំក្រសួងទាំងអស់ ក្នុងការដឹកនាំអនុវត្តន៍កម្មវិធីគោលនយោបាយទាំង ២ខាងលើនេះឲ្យបានជោគជ័យ ដើម្បីវិស័យកសិកម្ម ជីវភាពកសិករ និងសន្តិសុខស្បៀង សម្រាប់សង្គមជាតិទាំងមូល៕
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ