តារាគុនល្បុក្កតោ ពេជ្រ ចរណៃ ​អះអាង​ បាន​ស្នើ​សុំ​អាជ្ញាធរអប្សរា ១០ ដង នៅ​តែ​មិន​ទទួល​ការ​សហការ

កញ្ញា ពេជ្រ ចរណៃ តារាសម្តែង និងជាគ្រូបង្ហាត់ក្បាច់គុនល្បុក្កតោនៅតែទទូចស្នើសុំអាជ្ញាធរអប្សរាសហការសម្រប​សម្រួលដល់ការអនុញ្ញាតឲ្យថតផ្សព្វផ្សាយវិស័យទេសចរណ៍នៅកម្ពុជា។

កាលពីថ្មីៗនេះតារាសម្ដែងកញ្ញា ពេ ជ្រ ចរណៃ បានបញ្ចេញសារដោយសម្ដែងនូវការខកចិត្តចំពោះអាជ្ញាធរជាតិអប្សរាដែល​មិនអនុញត្តិឱ្យថតផ្សព្វផ្សាយពីសិល្បៈវប្បធម៌ក្បាច់គុនខ្មែរ បើទោះបីជានាងបានសុំច្បាប់អស់​រយៈពេល ១ សប្ដាហ៍​ឬ​រង់ចាំយូរជានេះក្តី។

បើតាមការលើកឡើងរបស់កញ្ញា ចរណៃ កន្លងមកមិនក្រោម ១០ ដងទេដែលនាងបានស្នើសុំដើម្បីថតផ្សព្វផ្សាយពី​ក្បាច់ គុនបុរាណខ្មែរជាមួយប្រាសាទ តែមិនបានទទួលកាអនុញ្ញាតសូម្បីតែ ១ ដងឡើយ។

ដោយសារតែមូលហេតុខាងលើនេះ និង​ក្តីស្រលាញ់ដើម្បីចូលរួមលើកស្ទួយនិងផ្សព្វផ្សាយពីសិល្បៈវប្បធម៌ក្បាច់គុន អក្សរសាស្រ្តខ្មែរនិងតំបន់ទេសចរណ៍ ពេ ជ្រ ចរណៃ នៅតែទទូចស្នើសុំការសហការពីអាជ្ញាធរជាតិអប្សរាក្នុងការសហការនិងសម្របសម្រួលលើបញ្ហានេះ។

កញ្ញា ពេជ្រ ចរណៃ បានលើកឡើងថា “ខ្ញុំសង្ឃឹមអាជ្ញាធរអប្សរានិងបងៗដែលមើលការខុសត្រូវនៅតាមតំបន់ទេសចរណ៍ជួយសម្រួលនិងសហការណ៍គ្នាជាមួយផលិតករភាពយន្ដ អ្នកបង្កើតមាតិកាទេសចរណ៍ និងអ្នកផលិតរូបភាពល្អៗដើម្បីរួមគ្នាជួយផ្សព្វផ្សាយវិស័យទេសចរណ៍នៅកម្ពុជា “។

តារាសម្តែង ពេជ្រ ចរណៃ បានបញ្ជាក់ថាក្នុងនាមនាងជាកូនខ្មែរមួយរូប គឺចង់​ឲ្យ​ប្រទេសដទៃទៀតគេបានដឹងបានស្គាល់ថាប្រទេសកម្ពុជាថាជាប្រទេសដែ លសំបូរទៅដោយសិល្បៈ វប្បធម៌ ប្រាសាទបុរាណជា ច្រើននិងតំបន់ទេសចរណ៍ជាច្រើន៕

អត្ថបទ៖ ចាន់រ៉ា