ព័ត៌មានជាតិ
អាវុធហត្ថនិងអ្នកកាសែតផឹកស៊ីទាស់សម្ដីគ្នារហូតផ្ទុះអាវុធ
សមត្ថកិច្ចបានឲ្យដឹងថា មន្ត្រីអាវុធហត្ថខេត្តសៀមរាបម្នាក់ បានចូលរួមផឹកស៊ីក្នុងហាងយីហោ មហាលាភ៩៩៩៩ ក្រោយមកក៏មានករណីផ្ទុះអាវុធ១គ្រាប់បង្កការភ្ញាក់ផ្អើលដល់ពលរដ្ឋនៅក្នុងក្រុងសៀមរាប។
ហេតុការណ៍នេះបានកើតឡើងនៅវេលាម៉ោង២១និង១០នាទី ថ្ងៃទី០៤ ខែកុម្ភៈ ឆ្នាំ២០២១ ចំណុច ភោជនីយដ្ឋានមហាលាភ៩៩៩៩ ស្ថិតនៅភូមិទ្រាំង សង្កាត់ស្លក្រាម ក្រុងសៀមរាប ខេត្តសៀមរាប។
ចំពោះករណីនេះលោក តាំង ហូរ ជាអ្នកកាសែតម្នាក់បានឲ្យដឹងថា ករណីនេះបានកើតឡើងខណៈលោកកំពុងអង្គុយផឹកស៊ីជុំគ្នារួចហើយជនបង្កជាមន្ត្រីអាវុធហត្ថបានវាយលោក១ដៃ និងដកកាំភ្លើងរកបាញ់។ គ្រានោះលោកក៏រត់គេចខ្លួនសិន និងបានដាក់ពាក្យបណ្តឹងទៅសមត្ថកិច្ចផងដែរ។ចំណែកភាគីម្ខាងទៀតជាមន្ត្រីអាវុធហត្ថមិនអាចសុំការពន្យល់បានទេ ដោយលោកថាកំពុងជាប់រវល់នៅក្នុងបន្ទាយ។
សមត្ថកិច្ចបានឲ្យដឹងថា បើតាមការសួរនាសាក្សី ករណីនេះបង្កឡើងដោយឈ្មោះ តាំង ហូ ភេទប្រុស អាយុ៤២ឆ្នាំ មុខរបរ អ្នកសារព័ត៌មាន មានទីលំនៅបច្ចុប្បន្ន ភូមិភ្ញាជ័យ សង្កាត់ស្វាយដង្គុំ ក្រុងសៀមរាប ខេត្តសៀមរាប ខណៈកំពុងស៊ីផឹកបានធ្វើសកម្មភាពដោយយកកែវស្រាគប់ទៅត្រូវក្បាលរបស់ឈ្មោះ អ៊ុក សុផល ភេទប្រុស អាយុ៤៥ឆ្នាំ មុខរបរជាមន្ត្រីកងរាជអាវុធហត្ថ មានទីលំនៅបច្ចុប្បន្ន ភូមិចុងកៅស៊ូ សង្កាត់ស្លក្រាម ក្រុងសៀមរាប ខេត្តសៀមរាប ជាហេតុបណ្តាលឲ្យត្រូវថ្ងាសលើចិញ្ចើមភ្នែក ផ្នែកខាងឆ្វេងបែកហូរឈាមពេញមុខ ដេរចំនួន០៧ថ្នេរ និងមានស្នាមនៅលើក្បាល (របួសមុតអំបែងកែវ) ។
ក្រោយពីធ្វើសកម្មភាពគប់ទៅលើឈ្មោះ អ៊ុក សុផល ឲ្យត្រូវរបួសរួច ជនបង្កឈ្មោះ តាំង ហូ បានរត់គេចខ្លួនចេញទៅខាងក្រៅហាងបាត់ ដោយឈ្មោះ អ៊ុក សុផល ដឹងថាខ្លួនមានរបួសហូរឈាមពេញមុខ និងដងខ្លួន ក៏បានដើរចេញពីកញ្ចុះផឹកស៊ីសំដៅមករថយន្តរបស់ខ្លួន ហើយបានទាញយកកាំភ្លើងខ្លីពីក្នុងរថយន្តដើរចេញមកពីខាងក្រៅបាញ់ឡើងលើចំនួន០១គ្រាប់ (អាវុធខ្លីដែលឈ្មោះ អ៊ុក សុផលបានប្រើបាញ់គឺម៉ាកK54) ។ ដោយសារមុខរបួសហូរឈាមច្រើនពេក បុគ្គលិកនិងសន្តិសុខក្នុងហាងខាងលើបាននាំឈ្មោះ អ៊ុក សុផល ទៅព្យាបាលមុខរបួសនៅមន្ទីរពេទ្យ។ បន្ទាប់មកស្រាប់តែឈ្មោះ តាំង ហូរ បានចូលមកក្នុងហាងខាងលើម្តងទៀត ស្រែកជេរឡូឡា ពេលនោះសមត្ថកិច្ចនគរបាលក៏បាននាំឈ្មោះ តាំង ហូរ ទៅកាន់ប៉ុស្តិ៍រដ្ឋបាលសង្កាត់ស្លក្រាមដើម្បីសួរនាំ។
សមត្ថកិច្ចបញ្ជាក់ថា មូលហេតុដែលបណ្តាលឲ្យមានករណីហិង្សាខាងលើកើតឡើង គឺបណ្តាលមកពីផឹកស៊ីជាមួយគ្នា ក៏មានទំនាស់ពាក្យសម្ដីគ្នា ។
បច្ចុប្បន្ន កម្លាំងការិយាជំនាញនៃកងរាជអាវុធហត្ថខេត្តសៀមរាប កំពុងស្រាវជ្រាវ និងសួរនាំសាក្សីនៅចំណុចកើតហេតុខាងលើ ដើម្បីអនុវត្តតាមនីតិវិធី៕
អត្ថបទ ៖ កុសល
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានអន្ដរជាតិ១ សប្តាហ៍ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៣ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ៧ ថ្ងៃ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៤ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៣ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ